លោកវេជ្ជបណ្ឌិត Shigeaki Hinohara បានប្រាប់សារព័ត៌មាន BBC ថា ជីវិតខ្ញុំមានថាមពលព្រោះតែខ្ញុំបានរួមចំណែកជួយមនុស្ស។ ខ្ញុំងើបពីព្រឹកធ្វើការងារដល់ល្ងាច”។ ការងារជួយជីវិតគាត់ឱ្យអាយុវែង រហូតអាចរស់នៅបាន ១០៥ឆ្នាំ។នេះជាគោលការណ៍ណែនាំរបស់លោកវេជ្ជបណ្ឌិត Hinohara សម្រាប់ការរស់នៅមានសុខភាពល្អទាំងរាងកាយ និងផ្លូវចិត្តរួមមាន៖
បើអ្នកដេកកើតទុក្ខមិនសុខចិត្ត ធ្វើឱ្យកោសិកាក្នុងរាងកាយកាន់តែបាត់បង់ ព្រោះកោសិកានោះ ទៅប្រយុទ្ធប្រឆាំងនឹងមេរោគ។ តាមអ្នកចិត្តសាស្រ្តបានបញ្ជាក់ថា ពេលអ្នកមានបញ្ហាផ្លូវចិត្ត រាងកាយអ្នកនឹងបញ្ចូលជាតិពុលមក។ តាមលោកវេជ្ជបណ្ឌិត Hinohara បានណែនាំថា កុំខ្វល់ខ្វាយច្រើនពេក(រឿងមិនអាចដោះស្រាយបាន) គេងឱ្យបានច្រើន ហើយរីករាយក្នុងចិត្ត។ យើងទាំងអស់គ្នាសុទ្ធតែនៅចងចាំពីរបៀបយើងនៅវ័យកុមារភាពហើយ ពេលយើងលេងសប្បាយ យើងតែងតែភ្លេចញ៉ាំ ឬគេង។ ខ្ញុំជឿថា យើងអាចរក្សាអាកប្បកិរិយានោះដូចមនុស្សពេញវ័យដែរ។ យកល្អកុំឱ្យរាងកាយ និងចិត្តមានការធុញទ្រាន់នឹងច្បាប់ (រឿងស្មុគស្មាញខ្លាំងពេក)។
អ្នកដែលស្រ្តេសច្រើន ច្រើនតែឡើងគីឡូ ហើយតាំងខូចចិត្តរឿងមាឌធាត់មួយកម្រិតទៀត។ លោកតាវេជ្ជបណ្ឌិតប្រាប់ថា បើចង់រស់បានយូរ កុំលើសគីឡូ។ សម្រាប់គាត់អាហារពេលព្រឹក មានកាហ្វេ ទឹកដោះគោមួយកែវ និងទឹកក្រូចមួយស្លាបព្រាជាមួយប្រេងអូលីវ។ ប្រេងអូលីវល្អសម្រាប់សរសៃឈាម និងរក្សាស្បែករបស់ខ្ញុំឱ្យមានសុខភាពល្អ។ ចំណែកអាហារថ្ងៃត្រង់ គាត់មានទឹកដោះគោ និងខំខូឃីពីរបី ឬអត់ហូបអាហារក៏មានដែរ។ ព្រោះគាត់រីករាយការងារនោះឯង។ អាហារពេលល្ងាចមានបន្លែ ត្រី និងបាយ ហើយមួយសប្តាហ៍ហូបសាច់គ្មានជាតិខ្លាញ់ពីរដងប្រហែល ១០០ក្រាម។
តាមលោកវេជ្ជបណ្ឌិត Hinohara បញ្ជាក់ថា អ្នកមិនត្រូវជឿលើគ្រួទេព្យប្រាប់អ្នកគ្រប់យ៉ាងឱ្យធ្វើសុទ្ធតែល្អនោះទេ។ ជាការល្អបំផុត អ្នកគួតែស្តាប់សម្តីពេទ្យឱ្យបានច្រើន រកចំណេះដឹងសុខភាពតាមរយៈការសៀវភៅ និងរៀនស្វែងយល់ពីរាងកាយរបស់ខ្លួនបន្ថែម វាល្អជាងស្តាប់តែពេទ្យតែម្នាក់។ ពេលមានចំណេះដឹងសុខភាព និងស្គាល់រាងកាយ អ្នកនឹងកែទម្លាប់ឱ្យជីវិតអ្នករស់នៅមានសុខភាពល្អ។ គ្មានអ្នកណាស្គាល់រាងកាយរបស់អ្នកជាងខ្លួនឯងនោះទេ”។ ពេលអ្នករក្សាគីឡូកុំឱ្យធាត់ ចេះរីករាយនឹងជីវិតខ្លួនឯង និងស្រឡាញ់ខ្លួនហូបអាហារល្អៗ ជីវិតអ្នកនឹងចាកចេញបញ្ហាផ្លូវចិត្ត និងស្រ្តេសមិនខាននោះទេ៕ អត្ថបទដោយ៖ ទ្រ សុភាព