នៅពេលដែលអ្នកទាំងអស់គ្នាក្លាយជាឪពុកម្តាយរបស់គេក្នុងពេលដំបូង តើអ្វីដែលអ្នកតែងស្រមៃគិត?បើតាមការទាយរបស់ខ្ញុំគឺអ្នកទាំងគ្នាកំពុងតែស្រមៃគិតដល់ថ្ងៃដែលកូនរបស់អ្នកកើតមកហើយ អ្នកនឹងគិតដល់ការចិញ្ចឹមបីបាច់កូនដោយរបៀបណាមិនខាន ហើយអ្នកខ្លះក៏គាត់មានវិធីសាស្រ្តក្នុងការចិញ្ចឹមកូនៗរបស់ពួកគាត់រួចហើយដែរ តែបើទោះបីជាយ៉ាងនេះមួយក៏អ្នកទាំងអស់គ្នាក៏នៅមានចម្ងល់ខ្លះទាក់ទងនឹងការចិញ្ចឹមកូនៗរបស់អ្នក។ មិនមែនជាបញ្ហាធ្ងន់សម្រាប់ឪពុកម្តាយនោះ យ៉ាងណាក៏ដោយថ្ងៃនេះខ្ញុំនឹងលើកយកពីរបៀបនៃការចិញ្ចឹមកូនក្នុងប្រទេសដែលចាប់ចំណាត់ថ្នាក់ខ្ពស់ជាងគេក្នុងពិភពលោកមកអធិប្បាយឲ្យអ្នកទាំងអស់គ្នាអាន ដើម្បីស្វែងយល់ជាចំណេះដឹងក្នុងការចិញ្ចឹមកកូនទាំងអស់គ្នា៖
យោងតាមការស្ទង់មតិថ្មីៗនេះអ៊ីស្រាអែលគឺជាប្រទេសមួយក្នុងចំណោមប្រទេសល្អបំផុតនៅលើពិភពលោកក្នុងការចិញ្ចឹមកូនជាលក្ខណៈគ្រួសារ។ក្នុងនោះដែលអ៊ីស្រាអែលបានចាត់ចំណាត់ថ្នាក់ជាប្រទេសទីបីនៅក្នុងបញ្ជីប្រទេស ១៩ របស់ពួកគេក្នុងការចិញ្ចឹមកូន។ យោងតាមការស្ទង់មតិនេះ៨១ភាគរយនៃឪពុកម្តាយដែលជាជនបរទេសបានសប្បាយចិត្តនឹងជម្រើសថែទាំកុមារនៅក្នុងប្រទេសអ៊ីស្រាអែល ហើយមានភាពវិជ្ជមានដូចគ្នាចំពោះជម្រើសនៃការអប់រំរបស់អ៊ីស្រាអែលដែលមាន ៨៤ភាគរយ បង្ហាញពីការពេញចិត្តជាទូទៅនៅក្នុងតំបន់នោះផងដែរ។
ប្រព័ន្ធអប់រំ
ឪពុកម្តាយគួរតែជំរុញកូន និងលើកទឹកចិត្តកូនក្នុងការសិក្សារៀនសូត្រ និងអប់រំកូនៗ។ នេះជាប្រព័ន្ធអប់រំកូនរបស់អ៊ីស្រាអែល ដែលអត្ថបទរបស់ Business Insiderបានកត់សម្គាល់ថាឪពុកម្តាយប្រមាណ ៨០% ពេញចិត្តនឹងជម្រើសនៃការអប់រំ។ ជាការពិតណាស់ ការមើលថែក្មេងនៅពេលថ្ងៃគឺត្រូវបានគាំទ្រស្ទើរតែទាំងស្រុងទៅលកុមារចាប់ពីអាយុ ៣ឆ្នាំ ហើយមានកន្លែងថែទាំកុមារមានស្ទើរតែគ្រប់ទីកន្លែង។ មិនតែប៉ុណ្ណោះទេការថែទាំកុមារមានតំលៃធូរថ្លៃ និងអាចចូលដំណើរការបានយ៉ាងងាយស្រួល។កម្មវិធីទាំងនេះតម្រូវឱ្យមានការរៀបចំទូទៅសម្រាប់សាលារៀនក្នុងវិស័យចំនួនបីគឺជំនាញសង្គមការសិក្សាភាសាហេប្រឺ(Hebrew) និងការសិក្សាវប្បធម៌ និងការរៀបចំការសិក្សាខ្លះសម្រាប់ការអាន និងសរសេរ។គោលដៅទាំងសាលាមត្តេយ្យនិងមតេយ្យគឺដើម្បីជួយបង្រួបបង្រួមប្រទេសដោយផ្តល់ឱកាសអប់រំស្មើៗគ្នាដល់សិស្សទាំងអស់និងជួយកែលម្អឱកាសកុមារឱ្យទទួលបានជោគជ័យក្នុងការអប់រំទាំងអស់។
ប្រព័ន្ធអាហារ
បើយើងបែរមកមើលផ្នែកអាហារវិញក៏ជាកត្តាសំខាន់ផងដែរ ឪពុកម្តាយគួរជ្រើសរើសថាតើប្រភេទអាហារបែបណាដែលជួយដល់ការលូតលាស់របស់កុមារ។ បែរមកមើលអ៊ីស្រាអែលវិញគឺគិតដល់គុណភាពនៃបន្លែស្រស់ ហើយនឹងទឹកដោះគោមានជាតិផ្អែម។ការអប់រំគឺជាមធ្យោបាយចាំបាច់មួយដើម្បីធ្វើឱ្យសាធារណជនទូទៅយល់ដឹងអំពីអាហារដែលពួកគេកំពុងញ៉ាំ។ ក្មេងៗនៅសាលាអ៊ីស្រាអែលកំពុងរៀនទម្លាប់បរិភោគដោយមានសុខភាពល្អនិងរីករាយតាំងពីក្មេង។ ដោយការដាំបន្លែដោយខ្លួនឯងនៅក្នុងសួនសាលារៀនដែល និងរៀនធ្វើម្ហូបដែលមានសុខភាពល្អពីសិស្សវ័យជំទង់។
ប្រព័ន្ធសុខភាព
អ៊ីស្រាអែលគឺជាប្រទេសដែលមានការរីកចម្រើនយ៉ាងឆាប់រហ័សដែលមានអត្រាមានកូនខ្ពស់និងប្រជាជនវ័យក្មេង។ទិន្នន័យទាំងនេះបញ្ជាក់ពីសារៈសំខាន់នៃសេវាកម្មកុមារដែលមានប្រសិទ្ធភាពនិងសមស្របសម្រាប់ប្រជាជនរបស់ខ្លួន។ ទោះបីជាសេវាកុមារនៅអ៊ីស្រាអែលទទួលបានសមិទ្ធិផលជាច្រើនដូចជាអត្រាមរណភាពទារកអត្រាទាប សេវាថែទាំបឋមដែលពឹងផ្អែកជាចម្បងលើគ្រូពេទ្យកុមារដែលមានការអនុញ្ញាតមានបញ្ហាប្រឈមមួយចំនួនដូចជាការវិសមភាពក្នុងការថែទាំសុខភាពនិងសូចនាករសុខភាពរវាង តំបន់ផ្សេងគ្នានិងប្រជាជនខុសគ្នានៅក្នុងប្រទេស និងការផ្តល់សេវាថែទាំសុខភាពផ្លូវចិត្តនិងធ្មេញដែលត្រូវបានរៀបចំកាន់តែច្រើនដល់កុមារត្រូវការដោះស្រាយ។ ដូច្នេះឪពុកម្ដាយគួរតែការពារសុខភាពរបស់កុមារ៕
ប្រភព៖
ប្រែសម្រួល៖ ម៉ាង វិសិដ្ឋារតន៍