អ្នកនិយមប្រើប្រាស់ឡេការពារកម្ដៅថ្ងៃ ឬហៅថាSunscreen ភាគច្រើនគឺ ប្រហែលជាមិនសូវដឹងពីក្បួនក្នុងការប្រើបាស់នោះទេ ដូច្នេះហើយទើបថ្ងៃនេះ ចាបបៃតងកម្ពុជា សូមណែនាំបងប្អូនពីក្បួនជ្រើសរើសឡេការពារកម្ដៅថ្ងៃ និងការប្រើឱ្យប្រាស់ឱ្យមានប្រសិទ្ធភាពខ្ពស់។

គួរបញ្ជាក់ថា ឡេការពារពន្លឺថ្ងៃ (Sunscreen ) ជាផ្នែកមួយដ៏សំខាន់ក្នុងការពារស្បែកយើងពីពន្លឺព្រះអាទិត្យ កាំរស្មីអ៊ុលត្រាវីយូឡេអេ (UVA) និង ប៊ី (UVB) ដែលអាចកាត់បន្ថយកុំឲ្យស្បែកឆាប់ចាស់ ជ្រីវជ្រួញ រលាកស្បែក និងមុខស្រអាប់ខ្មៅ ដែលយើងមិនអាចខ្វះបានក្នុងការថែរក្សាផ្ទៃមុខជាប្រចាំថ្ងៃ។ ការប្រើប្រាស់ឡេការពារពន្លឺថ្ងៃត្រូវបានទទួលស្គាល់ដោយរដ្ឋបាលចំណីអាហារ និងឳសថរបស់សហរដ្ឋអាមេរិក FDA (Food and Drug Administration) ក្នុងការការពារស្បែក និងកាត់បន្ថយហានិភ័យជំងឺមហារីកស្បែកទៀតផង។ យ៉ាងណាមិញនៅបណ្តាប្រទេសអាស៊ីមានអាកាសធាតុក្តៅខ្លាំង ជាពិសេសនៅប្រទេសកម្ពុជាយើង ធ្វើឱ្យងាយប្រឈមមុខនឹងការរលាកស្បែក និងបញ្ហាស្បែកជាច្រើនដែលអាចកើតមានដោយសារពន្លឺព្រះអាទិត្យ។

 ជាមួយគ្នានេះ សូម្បីតែវេជ្ជវេជ្ជបណ្ឌិត ឯក ផាណារី ដែលជាអុ្នកឯកទេសខាងរោគសើស្បែក ដែលបច្ចប្បន្នកំពុងបម្រើការងារនៅគ្លីនិក EK Clinic & Laser បានឱ្យដឹងថា ប្រភេទឡេការពារពន្លឺថ្ងៃចែកចេញជាពីរធំៗ៖

-Chemical Sunscreen: ដែលវាធ្វើការដូចទៅហ្នឹងអេប៉ុងសម្រាប់ស្រូបកាំរស្មីពន្លឺព្រះអាទិត្យ។

ឡេការពារពន្លឺថ្ងៃមានអត្ថប្រយោជន៍ជួយកាត់បន្ថយកត្តាប្រឈមមួយចំនួនដូចជា៖

-ជំងឺមហារីកស្បែកប្រភេទ Melanoma និង Squamous Cell Carcinoma (SCC)

-រលាកស្បែក

-កាត់បន្ថយស្នាមជ្រីវជ្រួញ

-ស្នាមអាចម៍រុយ

-ស្នាមប្រជ្រុយ

-ការពារមុខជាំ

-មុខស្រអាប់ខ្មៅ។ល។                                                               

តើយើងគួរជ្រើសរើសឡេការពារពន្លឺថ្ងៃប្រភេទណាយកមកប្រើប្រាស់?

-ត្រូវមើលស្លាកសញ្ញាមាន SPF (Sun Protection Factor) 30 ដល់ 50+ និង PA++++ (Protection Grade of UVA rays) ឬ Broad Spectrum ដែលអាចការពារបានទាំង UVA និង UVB។ ពីព្រោះ UVA rays ធ្វើឲ្យស្បែកឆាប់ចាស់។ រីឯ UVB rays អាចធ្វើឲ្យងាយរលាកស្បែក។ ទាំង UVA និង UVB អាចធ្វើឲ្យប្រឈមនឹងការកើតមហារីកស្បែកបាន។

-សារធាតុផ្សំ៖

-Physical Sunscreen មានដូចជា៖ Zinc Oxide ឬ Titanium Dioxide

-Chemical Sunscreen មានដូចជា៖ Oxybenzone Avobenzone                                                        

ប្រសិនបើស្បែកមុខលោកអ្នកមានលក្ខណៈងាយរងប្រតិកម្ម ឬ ស្បែកមុខងាយមានមុន គួរជ្រើសរើសប្រភេទ Physical Sunscreen។ ប្រសិនបើស្បែកមុខលោកអ្នកជាប្រភេទស្បែកមុខប្រេង គួរប្រើ Sunscreen with Oil Free។

-ងាយស្រួលលាប និងចូលស្បែកបានល្អ។ ឩទាហរណ៍ប្រភេទ Lotion ឬ Gel។                                           

-ភាពធន់នឹងទឹក៖ ទោះបីហែលទឹក ឬបែកញើសច្រើនក៏ដោយនៅតែមាន Sunscreen ជួយការពារ។ ជាពិសេសប្រសិនធ្វើការក្រោមកំដៅថ្ងៃច្រើន គួរប្រើ SPF 50+ ឬច្រើនជាងនេះ។                             

របៀបប្រើប្រាស់ឡេការពារពន្លឺថ្ងៃឲ្យបានត្រឹមត្រូវ និងមានប្រសិទ្ធភាពខ្ពស់៖

-លាងសម្អាតស្បែកមុខឲ្យបានស្អាត។

-ត្រូវជ្រើសរើស SPF 30 ទៅ 50+ និង PA++++ ដែលអាចការពារទាំង UVA និង UVB។

-លាបបរិមាណប្រហែលមួយថ្នាំងដៃ លាបសព្វពេញផ្ទៃមុខរហូតចូលស្បែកអស់។

-ត្រូវលាប20-30នាទីមុនចេញទៅក្រៅដើម្បីមានប្រសិទ្ធភាពក្នុងការការពារស្បែកបានល្អ។

-ត្រូវលាបឡើងវិញរៀងរាល់បីម៉ោងម្តងជាពិសេសពេលត្រូវកំដៅថ្ងៃ ព្រោះរាល់គ្រប់ឡេការពារពន្លឺថ្ងៃទាំងអស់មានប្រសិទ្ធភាពក្នុងការការពារបានត្រឹមតែបីម៉ោងប៉ុណ្ណោះ។

ដូច្នេះ សម្រាប់បងប្អូនទាំងអស់គ្នា ទាំងសុភាពនារី និងសុភាពបុរស មុននឹងសម្រេចចិត្តទិញឡេការពារកម្ដៅថ្ងៃយកមកប្រើ់ប្រាស់សូមដឹងពីសារធាតុផ្សំរបស់វា និងជាពិសេសត្រូវលាបឱ្យត្រូវក្បួនផងដែរ ទើបមានប្រសិទ្ធភាពខ្ពស់។