២. កុំគេងបើកភ្លើងពេលយប់ក្នុងបន្ទប់៖ បើយោងតាមលទ្ធផលនៃការសិក្សាដោយសាកលវិទ្យាល័យ Northwestern បានរកឃើញថា អ្នកដែលមានទម្លាប់គេងដោយបើកភ្លើង ទោះក្នុងកម្រិតតិចតួចក្ដី នឹងប្រឈមក្នុងកើតជំងឺបេះដូង និងជំងឺទឹកនោមផ្អែម ។ អ្នកសិក្សាស្រាវជ្រាវក៏បានរកឃើញបន្តថា អ្នកមានទម្លាប់គេងបើកភ្លើង ក៏ងាយប្រឈមក្នុងការកើតជំងឺទឹកនោមផ្អែមកម្រិតខ្ពស់។ បើពន្លឺភ្លើងនៅក្នុងបន្ទប់គេង បានបង្កឲ្យអ័រម៉ូនអាំងស៊ុយលីន មានដំណើរការខុសប្រក្រតី ដែលជាដំណើរមួយកើតឡើង តា​​មរយៈ កោសិកាសាច់ដុំ ខ្លាញ់ និងកោសិកាថ្លើម ធ្វើការឆ្លើយតបមិនបានល្អទៅនឹងអ័រម៉ូនអាំងស៊ុយលីន ហើយនេះជាមូលហេតុដ៏សំខាន់ដែលនាំឲ្យកើនឡើងកម្រិតជាតិស្ករក្នុងចរន្តឈាម ។ ដូចនេះហើយសុំអ្នកលះបង់ការគេងបើកភ្លើងនេះចេញទៅ វាក៏ប៉ះពាល់ខួរក្បាលរបស់អ្នកផងដែរ។

៣. គេងឱ្យបានទៀងពេល៖ កំណត់ពេលវេលាគេងឱ្យបានច្បាស់លាស់ (គេងពីព្រលប់ក្រោកពីព្រលឹម)​ម្យ៉ាងវិញទៀត ប្រសិនបើកំណត់ម៉ោងរោទិ៍ម៉ោង៦ភ្ញាក់ អ្នកមិនគួរអូសបន្លាយដល់ម៉ោង៦កន្លះឬលើសនេះនោះទេ ព្រោះការធ្វើបែបនេះ រឹតតែធ្វើបាបខ្លួនឯងពេលដែលងើបនៅតែមានអារម្មណ៍ថា អស់កម្លាំងមិនស្វាងងងុយ។ សម្រាប់ម៉ោងអ្នកគេងឱ្យទៀងទាត់បំផុតចាប់ពីម៉ោង១០.៣០នាទីទៅម៉ោង១១នាទីយប់ ល្អបំផុត ចំពោះរាងកាយ និងផ្លូវចិត្តរបស់អ្នកដំណើរការពេញមួយយប់នេះ