១. កាហ្វេមានឥទ្ធិពលដាស់ថាមពលខួរក្បាលបានល្អ។ យោងតាមប្រភព Health Shots អ្នកជំនាញផ្នែកកាយសម្បទា និងអាហារូបត្ថម្ភ លោក Rohit Shelatkar បានលើកឡើងថា ផឹកកាហ្វេពេលព្រឹកមានប្រយោជន៍ច្រើនសម្រាប់សុខភាពក៏ដូចជាមានប្រយោជន៍សម្រាប់សរីរាង្គរបស់ខួរក្បាលដូចគ្នា។ ដូច្នេះហើយប្រសិនណាអ្នកភ្ញាក់ពីគេងព្រឹកឡើងមក មានអារម្មណ៍ថា ដូចជាមិនស្រឡះខួរក្បាលសោះ រាងស្ពឹកៗ ស្ទក់ៗ មិនដំណើរការ អ្នកអាចផឹកកាហ្វេនៅពេលព្រឹកបាន។ ក៏ប៉ុន្ដែសម្រាប់អ្នកមានជំងឺប្រចាំកាយ មានដូចជា ជំងឺបេះដូង ក្រពះពោះវៀនជាដើម ការផឹកកាហ្វេអាចមានបញ្ហាដល់សុខភាព អាស្រ័យហេតុនេះហើយ មុនផឹកគួរពិភាក្សាជាមួយគ្រូពេទ្យជំនាញជាមុនសិន ឬក៏អ្នកគួរតែដឹងពីស្ថានភាពជំងឺរបស់អ្នកដូចគ្នា ថាអ្នកអាចផឹកកាហ្វេបានឬអត់។

២. ផឹកម៉ាឆាពេលព្រឹកថែខួរក្បាលបានល្អ។ ពីព្រោះភេសជ្ជៈ Matcha មានផ្ទុកជាតិកាហ្វេអ៊ីន និងអាស៊ីតអាមីណូ theanine ដែលជួយបង្កើនការចងចាំ ដាស់ស្មារតីផ្តោតអារម្មណ៍បានល្អក្នុងការងារ។ ចំពោះសមាសធាតុ theanine នៅក្នុងភេសជ្ជៈម៉ាឆាមានឥទ្ធិពលដល់ការពារប្រព័ន្ធប្រសាទខួរក្បាល ជួយគ្រប់គ្រងភាពតានតឹង និងការថប់បារម្ភកុំឱ្យប៉ះពាល់ដល់ស្បែករបស់អ្នកឆាប់ចាស់។ ភេសជ្ជៈនេរួមបញ្ចូលគ្នាអាស៊ីតអាមីណូ និងសារធាតុ arginine ជាសារធាតុបញ្ជូនសរសៃប្រសាទមួយចំនួននៅក្នុងខួរក្បាលដូចជា serotonin, gamma-aminobutyric acid (GABA) បង្កើតអារម្មណ៍ឱ្យសម្រាកដោយចិត្តស្ងប់។

ដូច្នេះហើយ! ពេលព្រឹកអ្នកគួរផឹកកាហ្វេ និងម៉ាឆា ល្អដល់ខួរក្បាលណាស់។ ក្រៅពីនេះ អ្នកគួរបន្ថែមទម្លាប់ដូចជាក្រោកពីគេងផឹកទឹកមួយ។ មានការធ្វើហាត់ប្រាណ ២០នាទី ដើម្បីដាស់ខួរក្បាលឱ្យស្វាងពីគេង និងអានសៀវភៅ ៣០នាទីទៀតនោះ ខួរក្បាលអ្នកគិតកាន់តែរហ័សណាស់៕ អត្ថបទដោយ៖​ ទ្រ សុភាព