តេស្ត១ប្រភេទរកជំងឺ ទឹកនោមផ្អែម គ្រប់គ្នាចាំបាច់គួរតេស្តកុំខាន ដើម្បីការពារខ្លួនពីជំងឺនេះ

HbA1c ជាមធ្យមភាគជាតិស្កររយៈពេល៣ ខែចុងក្រោយរបស់មនុស្ស ។ និយាយឲ្យស្រួលស្តាប់គឺជាមធ្យមភាគជាតិស្ករ ដែលខាំជាប់ និង អេម៉ូក្លូប៊ីន ដែលជាផ្នែកមួយដ៏សំខាន់នៃគ្រាប់ឈាមក្រហមរបស់យើង។ កាលណាយើងធ្វើតេស្តHbA1c នេះយើងនឹងអាចដឹងពីមធ្យមភាគជាតិស្កររយៈពេល៣ខែចុងក្រោយ។ដោយសារគ្រាប់ឈាមក្រហមយើងមាន អាយុ១២០ថ្ងៃ គឺប្រហាក់ប្រហែល៣ខែ។ ហេតុនេះហើយការវាយតម្លៃកម្រិតជាតិស្ករដែលទៅខាំជាប់ទៅលើអេម៉ូក្លូប៊ីននោះអាចវាយតម្លៃ

ជាតិស្កររបស់យើង។

តើត្តេស HbA1cមានសារប្រយោជន៍អ្វីខ្លះដល់អ្នកតេស្ត និងគួរតែចាំបាច់ត្រូវតេស្តដែររឺទេ?

ជាការពិតណាស់ តាមរយៈកិច្ចសម្ភាសន៍របស់ក្រុមការងារចាបបៃតងជាមួយ វេជ្ជបណ្ឌិត គង់ លីណាត ជាគ្រូពេទ្យឯកទេសជំងឺទឹកនោមផ្អែម និងក្រពេញអរម៉ូន បម្រើការនៅមន្ទីរពេទ្យកាល់ម៉ែត និងគ្លីនិកអេគីប បានបញ្ចប់ការសិក្សាពីប្រទេសបារាំង។ ធ្វើការចែករំលែកឱ្យដឹងថា តេស្ត hba1c គឺមានសារៈសំខាន់២យ៉ាងធំៗមានដូចជា៖

ទី១៖ គឺត្តេសក្នុងការធ្វើរោគវិនិច្ឆ័យរកជំងឺទឹកនោមផ្អែម៖ សារៈសំខាន់មួយនេះគឺពិតជាមានប្រយោជន៍ខ្លាំងមែនទែន​ក្នុងការស្វែងរកជំងឺទឹកនោមផ្អែម។ វេជ្ជបណ្ឌិត គង់ លីណាត បានបន្ថែមថាសម្រាប់អ្នកដែលមានសុខភាពល្អមិនមានជំងឺ មេតាប៉ូលីសផ្សេងៗ មិនមានប្រវត្តិគ្រួសារកើតជំងឺទឹកនោមផ្អែម​ គួរតែត្តេស HbA1c ដូចគ្នា។ ហើយគួរទៅតេស្ត៦ ខែឬក៏១ឆ្នាំ ម្ដង ដើម្បីការពារខ្លួនទុកជាមុន។ ក៏ប៉ុន្ដែប្រសិនណាអ្នក ​ ឡើងគីឡូខ្លាំងខុសធម្មតា ឬក៏កំពុងមានជំងឺប្រចាំកាយដូចជា លើសឈាម បេះដូង…គួរតែធ្វើតេស្HbA1cឱ្យបានទៀងទាត់រយៈពេល៦ ខែទៅ១ ឆ្នាំម្ដង ដើម្បីការពារទុកមុនដូចគ្នា ព្រោះកត្តាឡើងគីឡូ និងជំងឺមេតាប៉ូលីសផ្សេងៗក៏ជាដើមហេតុអាចបង្កជាជំងឺទឹកនោមផ្អែមបានដែរ។

ទី២៖ តាមដានប្រសិទ្ធភាពនៃការព្យាបាលជំងឺទឹកនោមផ្អែមរបស់អ្នកជំងឺ៖ អត្ថប្រយោជន៍ទី២នេះក៏សំខាន់ខ្លាំងមែនទែន សម្រាប់អ្នកកើតជំងឺទឹកនោមផ្អែមកម្រិតដំបូងឬក៏ធ្ងន់ គឺវេជ្ជបណ្ឌិតត្រូវតម្រូវឱ្យជំងឺមកតេស្តរយៈពេល៣ ខែម្ដងដើម្បីរកមើល

ស្ថានភាពជំងឺ។ មានន័យថា អ្នកជំងឺទឹកនោមផ្អែម ពី១ខែទៅ១ខែគឺមានភាពខុសគ្នា។ ដូច្នេះហើយ ការព្យាបាលអ្នកជំងឺ ទឹកនោមក៏ត្រូវតែផ្លាស់ប្ដូរវិធីសាស្រ្តព្យាបាលដូចគ្នាដើម្បីទទួលបានប្រសិទ្ធភាព។ ដោយតម្រូវឱ្យអ្នកជំងឺតេស្តHbA1cឬ ក៏ធ្វើរោគវិនិច្ឆ័យសំខាន់ៗផ្សេងទៀតដែលវេជ្ជបណ្ឌិតត្រូវធ្វើដើម្បីឱ្យប្រាកដថា អ្នកជំងឺមានស្ថានភាពជំងឺផ្លាស់ប្ដូរបែបណា ដល់កម្រិតណា ព្យាបាលបែបណាបន្តដើម្បីជួយអ្នកជំងឺឱ្យប្រសើរឡើង។

ដោយហេតុថា ការធ្វើតេស្ត hba1c គឺពិតជាមានសារៈសំខាន់ខ្លាំងណាស់​សម្រាប់អ្នកតេស្ត ជាពិសេសសម្រាប់អ្នកកំពុងមានជំងឺទឹកនោមផ្អែម។​ព្រោះស្ថានភាពជំងឺនេះគឺប្រែប្រួលរហូត ដូច្នេះ ការព្យាបាលត្រឹមត្រូវគឺ តម្រូវឱ្យតាមដានសុខភាពជាប្រចាំ ដើម្បីព្យាបាលមានប្រសិទ្ធភាពត្រូវគោលដៅ។ មួយវិញទៀត សម្រាប់អ្នកមានសុខភាពល្អមិនទាន់ឈឺក៏ត្រូវតេស្តដូចគ្នា ដើម្បីការពារជំងឺទឹកនោមផ្អែមទុកមុន។

ជាចុងក្រោយ វេជ្ជបណ្ឌិត​ គង់ លីណាត បានផ្ដាំផ្ញើថាសម្រាប់អ្នកមិនទាន់ឈឺ បើឈឺហើយគួរតែប្រញាប់មកជួបពេទ្យ ជំនាញដើម្បីព្យាបាលជំងឺឱ្យបានត្រឹមត្រូវជាពិសេសជំងឺទឹកនោមផ្អែម ។ មួយវិញទៀត កុំព្យាយាមទៅផ្សំថ្នាំលេបតាមគ្នា ផ្ដេសផ្ដាសព្រោះអាចស្ថានភាពជំងឺកាន់តែធ្ងន់ធ្ងរព្រោះការព្យាបាលនិងការប្រើប្រាស់ថ្នាំរបស់មនុស្ស។

ប្រសិនណាបងប្អូនចង់ពិភាក្សាជំងឺទឹកនោមផ្អែម អាចទាក់ទងនៅកាន់មន្ទីរពេទ្យអេគីប តាមរយៈហ្វេសបុកផេក EKIP Medical Centre អេគីប មេឌីខល សេនធ័រ

អត្ថបទដោយ៖ ប៉ែត ធីតា(petthida)