ហើយលោក Buettner បានបន្តនិយាយនៅក្នុងបណ្តាញសង្គម Tik Tok ថា កាហ្វេជាភេសជ្ជៈល្អបំផុតសម្រាប់អាយុវែង។ ការផឹកកាហ្វេមួយថ្ងៃ ១ទៅ២កែវមុនពេលថ្ងៃត្រង់(ចាប់ពីពេលព្រឹកដល់ម៉ោង១១គឺល្អ) ពិតជាល្អដល់សុខភាពសរសៃឈាមបេះដូងរបស់អ្នកណាស់។ ផ្ទុយទៅវិញបើអ្នកផឹកកាហ្វេពេលរសៀលឬពេលល្ងាចពេកវាក៏ប៉ះពាល់សុខភាពខ្លាំងដែរ។ តាមលោកវេជ្ជបណ្ឌិត Lu Qi ជាអ្នកដឹកនាំការស្រាវជ្រាវពីសាកលវិទ្យាល័យ Tulane បានលើកឡើងដែរថា ការផឹកកាហ្វេនៅពេលល្ងាចអាចរំខានដល់ចង្វាក់ circadian គឺការគេងរបស់អ្នកនាំឱ្យមានបញ្ហាសរសៃឈាមបេះដូងដូចជាការរលាក និងសម្ពាធសរសៃឈាមកើនឡើង។

បើយោងតាមទស្សនាវដ្តី European Heart Journal បានវិភាគទិន្នន័យពីមនុស្សពេញវ័យជាង ៤០.០០០នាក់ បានបញ្ជាក់ពីលទ្ធផលពេលវេលាផឹកកាហ្វេថា ការផឹកកាហ្វេពេលព្រឹកមានការថយចុះ ៣១%ហានិភ័យក្នុងការស្លាប់ដោយសារជំងឺសរសៃឈាមបេះដូង។ សូម្បីតែលោកវេជ្ជបណ្ឌិត Lu Qi ក៏បានពន្យល់ពីលទ្ធផលស្រាវជ្រាវនេះផងដែរថា មិនថាអ្នកផឹកកាហ្វេប៉ុន្មានកែវទេ សំខាន់នៅត្រង់ថា ពេលវេលាណាដែលអ្នកផឹកកាហ្វេទៅវិញ។ ការផឹកកាហ្វត្រូវពេល ចំណេញដល់សុខភាពសរសៃរឈាម បេះដូង និងខួរក្បាល។ ជាពិសេសពេលព្រឹកនេះឯង។ ដើម្បីបង្កើនគុណភាពការផឹកកាហ្វេដល់សុខភាព(សរសៃឈាម ខួរក្បាល និងការគេងពេលយប់) សូមអ្នកកាត់បន្ថយស្ករឬអត់ដាក់ស្ករហើយផឹកកាហ្វេនៅពេលព្រឹក៕ អត្ថបទដោយ៖ ទ្រ សុភាព