ផ្លែឈើល្អជួយសុខភាព។ បើហូបផ្លែឈើខុសនាំជំងឺដាក់ខ្លួន។ មានផ្លែឈើ១ល្អដល់សុខភាពគឺផ្លែទទឹម។ វាក៏មានអត្ថប្រយោជន៍ដល់សុខភាពនិងមានសារធាតុប្រឆាំងអុកស៊ីតកម្ម។ សារធាតុប្រឆាំងអុកស៊ីតកម្មជាសមាសធាតុមាននៅក្នុងអាហារនិងផ្លែឈើ។ បើយោងតាមវេបសាយសុខភាព Healthline បានចុះផ្សាយពីផ្លែទទឹមមានអត្ថប្រយោជន៍ទាំងអស់នេះ៖
១. ប៉ូវបេះដូងបានល្អ៖ ផ្លែទទឹមមានសារធាតុប្រឆាំងអុកស៊ីតកម្មមួយប្រភេទត្រូវបានគេហៅថា polyphenols។ ផ្លែទទឹមសម្បូរទៅដោយសារធាតុ polyphenols។ មានភស្តុតាងមួយចំនួនដែលថាសារធាតុ polyphenols ជួយការពារប្រឆាំងនឹងជំងឺនៅក្នុងបេះដូង និងសរសៃឈាម។
២. ការពារប្រព័ន្ធទឹកនោម៖ សារធាតុចម្រាញ់ពីផ្លែទទឹមមានអត្ថប្រយោជន៍ដល់ប្រព័ន្ធទឹកនោម និងក្រពេញប្រូស្ដាត ព្រោះវាផ្ទុកសារធាតុដែលអាចជួយកាត់បន្ថយការបង្កើតគ្រួសក្នុងតម្រងនោម។
៣. សុខភាពរំលាយអាហារ៖ ផ្លែទទឹមមានជាតិសរសៃអាហារច្រើន ដែលអាចជួយដល់ការរំលាយអាហារ។ បន្ថែមពីនេះ សារធាតុប្រឆាំងអុកស៊ីតកម្ម polyphenols នៅក្នុងផ្លែឈើ ត្រូវបានគេដឹងថាជួយកាត់បន្ថយការរលាក ដែលអាចធ្វើឱ្យប្រសើរឡើងនូវសុខភាពក្រពះពោះវៀន។
៤. ប្រយុទ្ធប្រឆាំងនឹងជំងឺមហារីក៖ តាមអ្នកវិទ្យាសាស្ត្របានរកឃើញថាផ្លែទទឹមអាចបញ្ឈប់ការលូតលាស់កោសិកាជំងឺមហារីក។ ព្រោះផ្លែទទឹមពេលអ្នកហូបជាប្រចាំថ្ងៃគ្មានផលប៉ះពាល់អ្វីដែរ។ ផ្លែទទឹមមានតួនាទីការពារនិងព្យាបាលជំងឺមហារីករួមមាន ក្រពេញប្រូស្ដាត សុដន់ សួត ពោះវៀនធំ និងជំងឺមហារីកឈាម។
៥. ប៉ូវការចងចាំ៖ ផ្លែទទឹមពិតជាមានសារធាតុប្រឆាំងអុកស៊ីតកម្មជួយពន្យារការវិវត្តនៃជំងឺភ្លេចភ្លាំងរបស់ខួរក្បាលយ៉ាងល្អ។ ព្រោះសារធាតុប្រឆាំងអុកស៊ីតកម្មនេះជួយពង្រឹងការចងចាំ និងមុខងារនៃការយល់ដឹង ហើយវាអាចជួយឱ្យមនុស្សវ័យចំណាស់ ចៀសពីជំងឺវង្វេងវង្វាន់ផងដែរ៕ អត្ថបទដោយ៖ ទ្រ សុភាព