បងស្រី ឌន់ ស្រីយ៉ា បានបញ្ជាក់ថា ក្រោយចូលធ្វើការនៅសិប្បកម្មមួយនេះ បងស្រីមានចំណេះដឹងច្រើនលើកការកែច្នៃ និងប្រាក់ចំណូលសម្រាប់គ្រួសារ និងជំនាញធ្វើប្រហុក។

ជីវិតមានការផ្លាស់ប្តូរខ្លាំង ដោយសារមុនធ្វើការស្វាមីធ្វើការម្នាក់ឯង ជីវភាពខ្វះខាត​  តែឥលូវចេញធ្វើការទាំង២នាក់ ដូច្នេះចំណូលកើនជាងមុន ជីវភាពគ្រួសារក៏ប្រសើរជាងមុនច្រើន មានលទ្ធភាពទិញម្ហូបគ្រប់គ្រាន់ សម្លៀកបំពាក់ និងបញ្ចូនកូនទៅរៀនបានដូចគេដែរ។

ជាចុងក្រោយបងស្រីបានថ្លែងអំណរគុណដល់​អង្គការUNIDO សហគមន៍អឺរ៉ុប និងក្រសួងកសិកម្ម រុក្ខាប្រមាញ់ និងនេសាទ ដែលជួយឧបត្ថម្ភទុន និងបច្ចេកទេស​ដល់សិប្បកម្ម ធ្វើឱ្យសិប្បកម្មមានការរីកចម្រើន នាំឱ្យការកែច្នៃកើនឡើង ហើយផ្តល់ឱកាសការងារដល់បងស្រី និងអ្នកនៅមូលដ្ឋានផ្ទាល់តែម្តង។

សូមបញ្ជាក់ថា ក្នុងកិច្ចគាំទ្ររបស់គម្រោង CAPFISH-Capture ចំពោះសហគ្រាសរបស់អង្គការUNIDO ក្រោមការឧបត្ថម្ភរបស់​សហគមន៍អឺរ៉ុប
កញ្ចប់វិនិយោគរបស់គម្រោង និងប្រាក់កម្ចី ជួយសហគ្រាសកែលម្អទីតាំង និងសម្ភារ បរិក្ខារកែច្នៃ និងទទួលវិញ្ញាបនបត្រនិមិត្តសញ្ញាគុណភាពផលផលិតផលជលផលកម្ពុជា CQS។

កម្មវិធីនេះជួយបង្កើនផលិតភាព កែលម្អការវេចខ្ចប់ និងផលិតភាពកើនពី១៥ទៅ១៨តោនក្នុង មួយឆ្នាំ ជាមួយតម្លៃកាន់តែប្រសើរ។ ការវិនិយោគរបស់គម្រោងជួយអោយ សហគ្រាស ទទួលបានប្រាក់ចំណូលកាន់តែប្រសើរ ផ្គត់ផ្គង់។