បើធាត់ខ្លាំង មិនសម្រកគីឡូទេ នាំឱ្យមានបញ្ហាសម្ពាធក្នុងសរសៃឈាម ហើយបញ្ហានេះក៏ប៉ះដល់សរសៃឈាមបេះដូង។ ហើយជំងឺនេះអាចនាំឱ្យមានផលវិបាកគ្រោះថ្នាក់ជាច្រើនដូចជាជំងឺដាច់សរសៃឈាមខួរក្បាល និងខ្សោយតម្រងនោមថែមទៀត។ បញ្ហាធាត់ជាដើមហេតុនាំឱ្យអ្នកបាត់បង់ជីវិតលឿនបំផុត។ មានតែមួយប្រភេទផឹកពេលព្រឹកជួយកម្ចាត់ជាតិខ្លាញ់គឺតែបៃតងនេះ។
បើអ្នកចង់កម្ចាត់ជាតិខ្លាញ់ក្នុងខ្លួន អ្នកគួរផឹកតែបៃតងដែលមានផ្ទុកនូវសារធាតុប្រឆាំងអុកស៊ីតកម្មជាច្រើន ជាពិសេស catechins និង EGCG ជួយការពារសរសៃឈាម កាត់បន្ថយកូលេស្តេរ៉ុលអាក្រក់ (LDL) និងការពារជំងឺក្រិនសរសៃឈាម។ ការផឹកតែបៃតងក្នុងកម្រិតមធ្យមអាចជួយកាត់បន្ថយសម្ពាធឈាម ហើយធ្វើឱ្យឈាមរត់បានប្រសើរឡើង និងកាត់បន្ថយហានិភ័យនៃជំងឺសរសៃឈាមបេះដូងកាន់តែប្រសើរឡើង។
យោងតាមការឱ្យដឹងរបស់គេហទំព័រ Healthifyme បានឱ្យដឹងថា តែបៃតង ត្រូវបានគែចាត់ទុកថាជាតែល្អបំផុតមួយសម្រាប់អ្នកមានបំណងសម្រកគីឡូ។ សម្រាប់អ្នកសម្រកគីឡូ ឱ្យតែនិយាយគ្នាពីក្បួនស្រក គឺគេមិនដែលភ្លេច តែបៃតងឡើយ ខណៈវាអាចដុតរំលាយខ្លាញ់ត្រង់ក្បាលពោះបានដោយធម្មជាតិ និងត្រូវបានគេចាត់ទុកជាតែសម្រកគីឡូដែលមានប្រសិទ្ធភាពបំផុត។ កាន់តែពិសេសជាងនេះ តែបៃតងសម្បូរទៅដោយសារធាតុcatechins ដែលបង្កើនការដុតបំផ្លាញជាតិខ្លាញ់ និងជំរុញការរំលាយអាហារ។ ធម្មជាតិនៃការដុតកាឡូរីនៃតែបៃតង គឺប្រៀបដូចជាយុទ្ធសីលទិព្វមួយក្នុងការសម្រកគីឡូដល់អ្នកមានបញ្ហាលើសទម្ងន់៕ អត្ថបទដោយ៖ ទ្រ សុភាព