១. ការទទួលទានថ្លើមជួយបង្កើនជាតិវីតាមីនB7 ក្នុងខ្លួនរបស់អ្នកដើម្បីពង្រឹងសរសៃសក់បានល្អ។ ការញ៉ាំថ្លើមសាច់គោឆ្អិន ៣អោន មានប្រហែល ៣១mcg មានជាតិវីតាមីនល្អណាស់។ និយាយពីថ្លើមរួមមានថ្លើមគោ ថ្លើមជ្រូក និងថ្លើមសត្វផ្សេងទៀតក៏មានផ្ទុកជាតិដែកផងដែរ ដែលចាំបាច់សម្រាប់សុខភាពសរសៃសក់។

២. ញ៉ាំសណ្តែកដី ញ៉ាំគ្រាប់អាល់ម៉ុន និងគ្រាប់ផ្កាឈូករ័ត្នសម្បូរទៅដោយវីតាមីន B7 ដើម្បីថែរក្សាឬសសរសៃសក់បានល្អបំផុត។ ហើយគ្រាប់ធញ្ញជាតិទាំងនេះមានជាតិប្រូតេអ៊ីន មានជាតិវីតាមីនE និងខ្លាញ់ល្អដើម្បីប៉ូវសុខភាពសរសៃសក់។ ហើយនៅក្នុងគ្រាប់ធញ្ញជាតិហ្នឹងដើម្បីចិញ្ចឹមសក់ឱ្យទន់ និងការពារសុខភាពស្បែកក្បាល កុំឱ្យសក់ជ្រុះច្រើនពេក។

៣. សាច់គ្មានខ្លាញ់ ដូចជាសាច់គោ សាច់មាន់ សាច់ជ្រូក និងសាច់ក្រហមដែលសម្បូរទៅដោយជាតិវីតាមីន។ ព្រោះសក់របស់អ្នកត្រូវការជាតិវីតាមីនហ្នឹងណាស់។ ហើយអាហារទាំងនេះក៏សម្បូរទៅដោយប្រូតេអ៊ីនដែលផ្សំឡើងពីអាស៊ីតអាមីណូ ដែលចូលរួមក្នុងការសំយោគ keratin ដែលចាំបាច់សម្រាប់ការលូតលាស់របស់សក់។

៤. អាហារសមុទ្រដូចជាត្រីសាឌីន និងត្រីសាម៉ុងជាជម្រើសដ៏ល្អសម្រាប់សុខភាពសក់។ ព្រោះត្រីនេះមានជាតិខ្លាញ់ទាបសម្រាប់វីតាមីន B7។ មានបន្ថែមដូចជាអយស្ទ័រ បង្គា និងក្តាមក៏ផ្តល់ស័ង្កសីជាសារធាតុរ៉ែដែលដើរតួនាទីយ៉ាងសំខាន់ក្នុងការលូតលាស់សក់ បង្កើតឡើងវិញនូវជាលិកាសក់ដែលខូច និងការពារការជ្រុះសក់។

៥. ស៊ុតមួយមានវីតាមីន B7 ប្រហែល ១០mcg វា​ក៏​សម្បូរ​ទៅ​ដោយ​ប្រូតេអ៊ីនបាន​ដើរតួ​នាទី​ក្នុង​ការ​បង្កើត​ឫស​សក់។ សម្រាប់អាហារនេះមានសុខភាពល្អ និងមានរសជាតិឆ្ងាញ់ជ្រើសរើសស៊ុតស្ងោរ ឬចៀនក៏បានដែរ៕ អត្ថបទដោយ៖ ទ្រ សុភាព