ខួរក្បាលគឺ ជាមេខ្លោងធំ មានតួនាទីយ៉ាងសំខាន់ក្នុងការ គ្រប់គ្រងរាល់សកម្មភាពជាច្រើនក្នុងសរីរាង្គ មនុស្ស ទាំងផ្លូវអារម្មណ៍ ការគិត…ដឹងខុសដឹងត្រូវ បែងចែកអ្វីគួរអ្វីមិនគួរ ដែលសមត្ថភាពដ៏អស្ចារ្យនេះ សត្វមិនអាចមានដូចមនុស្សឡើយ ដូច្នេះយើងគួរគប្បីថែរក្សាខួរក្បាល ពោលគឺតាមរយៈការញុំាអាហារល្អ ដូចជាផ្លែឈើ ប៉ុន្មានមុខនេះដែលមានតួនាទីសំខាន់ក្នុងការជួយឱ្យមុខងារខួរក្បាលកាន់តែសកម្ម។
តួយ៉ាងផ្លែឈើដែលគេល្បីថា មានសារធាតុចិញ្ចឹមយ៉ាងអស្ចារ្យ ដែលសារធាតុនេះគឺសរីរាង្គខួរក្បាលត្រូវការយ៉ាងចាំបាច់។ ផ្លែឈើទាំងនោះមានដូចជា៖
១.ផ្លែប៊ឺរី៖ សម្បូរដោយ C វីតាមីន K ម៉ង់ហ្គាណែស និងសារធាតុ phytonutrients។ដែលល្អសម្រាប់សុខភាពរបស់ខួរក្បាល ផ្លែឈើនេះអាចមានសមត្ថភាពដែលអាចជួយ លំហូរឈាមរត់ស្រួល អុកស៊ីហ្សែង គ្រប់គ្រាន់ ជាពិសេសជួយកាត់បន្ថយ ការភ្លេចភ្លាំង វង្វេងច្រើន។
២.ផ្លែ walnuts ៖ ជាស្ដេចគ្រាប់ធញ្ញាជាតិដែលសមត្ថភាព និងខួរក្បាលត្រូវការខ្លាំង មិនអាចខ្វះបាន។ពោលគឺគ្រាប់នេះសម្បូរដោយប្រភពដ៏ល្អនៃអាស៊ីតអាល់ហ្វា-លីណូឡេនិច (ALA) ដែលជាអាស៊ីតខ្លាញ់សំខាន់អូមេហ្គា៣ ខួរក្បាលត្រូវការបំផុត ។
៣.ផ្លែប័រ ៖ គឺជាផ្លែឈើ១ប្រភេទ ដែលគេទទួលស្គាល់ថាល្អបំផុត ដែលផ្លែនេះ ប្រជាជនសហរដ្ឋអាមេរិកទទួលទានជាប្រចាំថ្ងៃច្រើនជាងគេ។ ព្រោះអាចយកវាទៅធ្វើជាទឹកក្រឡុង ជាម្ហូបអាហារសម្រាប់ញុំាបានច្រើនប្រភេទ អ្វីដែលពិសេសផ្លែនេះមានសមត្ថភាពខ្ពស់ ល្អសម្រាប់សម្ពាធឈាម និងបេះដូង ដែលនាំឱ្យប្រព័ន្ធទាំង២នេះ ល្អ កាលណាសម្ពាធឈាមមិនឡើង បេះដូងក៏គ្មានបញ្ហា ខួរក្បាលក៏កាន់តែមានសុខភាពល្អ ដែលអាចការពារនិងកាត់បន្ថយ អាការភ្លចភ្លាំងច្រើនតាមអាយុ។
គូសបញ្ជាក់ផងដែរថា មិនមែនមានតផ្លែឈើ៣មុខនេះដែលល្អសម្រាប់ខួរក្បាលនោះទេ នៅមានផ្លែឈើដែលល្អៗជាច្រើនទៀត។ មួយវិញទៀតដើម្បីបានខួរក្បាលមួយ មានសុខភាពល្អមិនភ្លេចច្រើន មិនស្ពឹកស្រពន់ សូមបងប្អូនគេង ផឹកទឹក ញុំាអាហារសុខភាពឱ្យបានគ្រប់គ្រាន់ដូចគ្នា៕
អត្ថបទដោយ៖ ប៉ែត ធីតា