១. រំលងអាហារពេលព្រឹក៖ អ្នកតមអាហារពេលព្រឹកដើម្បីដុតកាឡូរីឱ្យស្រកគីឡូបានលឿន។ ពួកគេមានទំនោរបែបជាញ៉ាំអាហារច្រើននៅពេលថ្ងៃត្រង់ និងអាហារពេលល្ងាចទៅវិញ នេះជាទម្លាប់អាចបណ្តាលឱ្យមានការប្រមូលផ្តុំជាតិខ្លាញ់កាន់តែច្រើនដោយសារកាឡូរីទទួលទាននៅពេលល្ងាចមានឱកាសដុតតិចជាងមុន។

២. ផឹកកាហ្វេដាក់មានជាតិស្ករ៖ មានអ្នកខ្លះ ចង់សម្រកគីឡូប៉ុន្តែផឹកកាហ្វេដាក់ស្ករច្រើនមាន ៧០%ទៅ១០០%ឯណោះ។ ការបន្ថែមជាតិស្ករច្រើនវាធ្វើឱ្យអ្នកកាន់តែឡើងគីឡូ និងឡើងជាតិស្ករក្នុងឈាមងាយកើតជំងឺទឹកនោមផ្អែមប្រភេទទី២។ បើអ្នកចង់សម្រេចគោលដៅសម្រកគីឡូ អ្នកគួរផឹកកាហ្វេសុទ្ធនៅពេលព្រឹក។

៣. ការផឹកទឹកតិច៖ ពេលអ្នកផឹកទឹកឱ្យបានគ្រប់គ្រាន់ជាការចាំបាច់ជួយរាងកាយអ្នកកឱ្យឃ្លានអាហារខ្លាំង ឱ្យអ្នកហូបអាហារតិចជាងមុន ដើម្បីប្រើរាងកាយដុតជាតិខ្លាញ់មានប្រសិទ្ធភាព។ បើអ្នកផឹកទឹកតិចរាងកាយអ្នកខ្វះជាតិទឹកនៅពេលព្រឹកដើម្បីដំណើរការសរសៃឈាមនិងខួរក្បាលផងដែរ។ អ្នកលើសគីឡូគួរតែផឹកទឹកមុនពេលអាហារពេលព្រឹក វាធ្វើឱ្យអ្នកមិនសូវឃ្លានឬហូបអាហារពេលព្រឹកតិចដើម្បីកាត់បន្ថែមកាឡូរី។ កាផឹកទឹកពេលព្រឹកច្រើនជួយជម្រុញការរំលាយអាហារ និងរំលយាជាតិខ្លាញ់ផងដែរ។

៤. កុំនំបុ័ងសាច់/សាច់ក្រក៖ ​ជាអាហារបែបសាច់​កែច្នៃដាក់ក្នុងនំបុ័ងជាប្រភព​នៃ​ខ្លាញ់​ឆ្អែត និង​សូដ្យូមធ្វើឱ្យសម្ពាធឈាមកើនឡើង។ នៅក្នុងនោះវាមានសារធាតុ Nitrates និង nitrites ដែលគេរកឃើញនៅក្នុងសាច់កែច្នៃឬសាច់ក្រក បានផ្សារភ្ជាប់ទៅនឹងការកើនឡើងហានិភ័យនៃជំងឺមហារីកមួយចំនួនផងដែរ។ សាច់កែច្នៃ សាច់ក្រក មិនមែនជាអាហារពេលព្រឹកដ៏ល្អនោះទេ វាងាយនឹងធ្វើឱ្យអ្នកប្រឈមលើសខ្លាញ់និងជាតិស្ករក្នុងរាងកាយ ក៏ដូចជាឡើងគីឡូលឿនផងដែរ៕ អត្ថបទដោយ៖ ទ្រ សុភាព