មហារីកពោះវៀនធំអាចទាក់ទងនឹងកត្តារបៀបរស់នៅមិនស្អាត របបអាហារប្រៃផ្អែម និងសា្រផងដែរ។ ការញ៉ាំអាហារមិនត្រឹមត្រូវបែបនេះ នាំឱ្យមានបាក់តេរីក្នុងពោះវៀនធំ យូរទៅងាយកើតជំងឺមហារីក។ នៅខាងក្រោមនេះជាអាហារ ៥ប្រភេទមានជាតិសរសៃខ្ពស់ អ្នកគួរញ៉ាំជារៀងរាល់ថ្ងៃដើម្បីការពារជំងឺមហារីកពោះវៀនធំ។
១. ផ្កាខាត់ណាខៀវ ១០០ក្រាមមានជាតិសរសៃល្អ។ វាជាប្រភេទជាបន្លែ cruciferous មានលក្ខណៈសម្បត្តិការពារមហារីកដោយសារវាមានងជាតិសរសៃខ្ពស់។ ផ្កាខាត់ណាខៀវក៏មានផ្ទុកសារធាតុ sulforaphane ជាសមាសធាតុការពារកោសិកាមជំងឺហារីកបានល្អផងដែរ។ នេះយោងតាមគេហទំព័រ vnexpress ។
២. សណ្តែកសៀង អាចកែច្នៃជាម្ហូបឆ្ងាញ់ៗជាច្រើនមុខដូចជា តៅហ៊ូ ធ្វើនំ និងទឹកសណ្តែក...។ ពួកវាសម្បូរទៅដោយជាតិសរសៃខ្ពស់ជួយដល់សុខភាពពោះវៀនដើរស្រួល។ ហើយនៅក្នុងសណ្តែកសៀងមានសាធាតុហ្គាម៉ា-តូកូហ្វឺរ៉ូល ហ្វីតូស្តេរ៉ូល សាប៉ូនីនជាដើមជាសារធាតុដែលមានលក្ខណៈសម្បត្តិប្រឆាំងនឹងជំងឺមហារីក។ ក្រៅពីនេះ សណ្តែកនេះមានអត្ថប្រយោជន៍ជាច្រើនក្នុងការប្រឆាំងអុកស៊ីតកម្មយ៉ាងល្អផងដែរ។
៣. ផ្លែក្រូចឃ្វិច៖ ជាផ្លែឈើសម្បូរទៅដោយជាតិសរសៃខ្ពស់ និងវីតាមីនC ជួយទប់ស្កាត់ការកើតមានសារធាតុនីត្រូសាមីន ស័ក្តិសមសម្រាប់អ្នកជម្ងឺមហារីកសុដន់ មហារីកក្រពះ និងមហារីកពោះរៀនធំ។
៥. ផ្លែទទឹម៖ ចំពោះផ្លែទទឹមនេះមានអត្ថប្រយោជន៍ជួយការពារជំងឺមហារីក។ តាមវេជ្ជបណ្ឌិត Nirusa Kumaran ជាគ្រូពេទ្យនៅអង់គ្លេសបានបញ្ជាក់ដែរថា ផ្លែទទឹមនេះមានផ្ទុកសារធាតុ polyphenols ជាច្រើនដូចជា ellagic acid, ellagitannin, urolithin និង punicalagin ដើម្បីការពារជំងឺមហារីកពោះវៀនធំ ជួយគ្រប់គ្រងកម្រិតជាតិស្ករក្នុងសរសៃឈាមឱ្យមានលំនឹង ហើយធ្វើឱ្យប្រសើរឡើងនូវសុខភាពមេតាប៉ូលីស ប្រឆាំងមហារីក និងការពារជំងឺសរសៃឈាមបេះដូងផងដែរ៕ អត្ថបទដោយ៖ ទ្រ សុភាព