តាមការសិក្សាជាច្រើនបានរកឃើញថា ការបរិភោគអាហារដែលមានមូលដ្ឋានត្រឹមត្រូវមិនត្រឹមត្រូវជួយបណ្ដុះកោសិកានៃរាងកាយកុំឱ្យចាស់លឿន ការពារជំងឺ និងកុំឱ្យធាត់ផងដែរ ជាពិសេសការញ៉ាំផ្លែប័រនេះមានអត្តប្រយោជន៍ច្រើនតែម្ដង។ នេះជាអត្ថប្រយោជន៍ក្នុងការញ៉ាំផ្លែប័រជួយកម្ចាត់ជាតិខ្លាញ់និងខួរក្បាល។
យោងតាមការសិក្សាឆ្នាំ២០២០ នៅក្នុងគេហទំព័រ International Journal of Psychology បញ្ជាក់ថាផ្លែប័រមានផ្ទុកសារធាតុ lutein ដែលឆ្លងកាត់របាំងឈាម និងខួរក្បាល ហើយអាចធ្វើឱ្យមុខងារនៃការយល់ដឹងកាន់តែប្រសើរឡើង ជំនួយដល់សុខភាពខួរក្បាលបង្កើនការចងចាំបានល្អ។ ដូច្នេះក្រុមមនុស្សចាស់ដែលញុំាផ្លែប័រ ឃើញថាសុខភាពខួរក្បាលរបស់ពួកគាត់ប្រសើរឡើងជាងមិនញុំា។
មិនត្រឹមតែប៉ុណ្ណោះទេ ផ្លែប័រមានអត្ថប្រយោជន៍ដល់សុខភាពផ្លូវចិត្តដែរថា វាជួយកាត់បន្ថយហានិភ័យនៃជំងឺបាក់ទឹកចិត្ត ព្រោះផ្លែប័រដែលមានជាតិ Folate។ ហើយវាជួយការពារកើតសារធាតុ Homocysteine ដែលជាសារធាតុដែលអាចប៉ះពាល់ដល់ចរន្តឈាម និងបញ្ចូនសារធាតុចិញ្ចឹមទៅខួរក្បាល។ ដូច្នេះ ការញ៉ាំផ្លែប័រអាចជួយបង្កើនជាតិ Folateក្នុងខ្លួននិងខួរក្បាលរបស់អ្នកបានច្រើន។ បើយោងតាមនាយកដ្ឋានកម្មវិធីវេជ្ជសាស្ត្រ អាហាររូបត្ថមនៃសកលវិទ្យាល័យ Kentucky បានឲ្យដឹងថា ការទទួលទានផ្លែប័រ ជួយការពារជំងឺដាច់សរសៃឈាមខួរក្បាល និងបញ្ហាធាត់ផងដែរ។
បើយោងតាមប្រភព VNexpress បានឱ្យដឹងថា សារធាតុខ្លាញ់មាននៅក្នុងផ្លែប័រ គឺល្អខ្លាំងណាស់សម្រាប់រាងកាយ ហើយផ្លែប័រក៏ជារបបអាហារសម្រាប់សម្រកទម្ងន់ និងល្អសម្រាប់ការរំលាយអាហារខ្លាញ់។ ជួយសម្រួលដល់ការបន្ទោរបង់ ហើយធ្វើឲ្យអ្នកឆ្អែតបានយូរជាងធម្មតា និងពន្យារការត្រលប់មកវិញនៃភាពអត់ឃ្លាន។ មិនតែប៉ុណ្ណោះទេ ផ្លែប័រជួយគ្រប់គ្រងទំងន់រាងកាយ ការពារបេះដូង ការពារផលវិបាកនៃជំងឺទឹកនោមផ្អែម បង្កើនសារធាតុចិញ្ចឹម ជំរុញការរំលាយអាហារដែលមានសុខភាពល្អ បង្កើនមុខងារខួរក្បាល និងការពារភ្នែក។ ហើយអ្នកគួរតែជៀសវាងការញ៉ាំអាហារដែលមានជាតិខ្លាញ់ឆ្អែតខ្ពស់ដូចជា ខ្លាញ់សត្វ សាច់សត្វ និងចៀសវាងញុំាអាហារចៀនច្រើន នាំឱ្យអ្នកឆាប់ធាត់លឿនណាស់៕
អត្ថបទដោយ៖ ទ្រ សុភាព