នាសព្វថ្ងៃនេះ មានមនុស្សជាច្រើនកំពុងជួបប្រទះបញ្ហាស្រ្តេស យ៉ាងច្រើន អ្នកខ្លះស្រ្តេសរឿងជីវិតគ្រួសារ រឿងដៃគូជីវិត​ បញ្ហាការងារ ​ការបរាជ័យ បញ្ហាលុយកាក់ មានក្រ ជាដើម ជាដើមហេតុបង្កឱ្យស្រ្តេសកើតឡើង។

ជាការពិតណាស់ កត្តាមនុស្សកំពុងស្រ្តេសនេះ គឺបង្កជាបញ្ហាជះដល់សុខភាពច្រើនណាស់ ដូចជាបង្កឱ្យគេងមិនលក់ ប្រឈមជំងឺលើសឈាម ជំងឺបេះដូង និងជំងឺទឹកនោមផ្អែមប្រភេទទី២ជាដើម។ ទោះជាយ៉ាងនេះក្ដីគ្មានអ្វីដែលអាចហាមឃាតមិនឱ្យស្ត្រេសបាននោះទេ តែអ្នកអាចយោងខ្លួនឯងឱ្យចេញពីអាការស្រ្តេសតាមរយៈ ក្រុមអាហារដូចខាងក្រោម អាចជយយដោះស្រាយបញ្ហាស្រ្តេសបានច្រើនណាស់

១.សូកូឡាខ្មៅ៖ ប្រភេទសូកូឡាខ្មៅដែលមានជាតិកាកាវប្រមាណ៧០ភាគរយ គឺជាបង្អែមលាងមាត់ ដែលអាចជួយអ្នកកាត់បន្ថយអារម្មណ៍តានតឹង ស្ត្រេសបានច្រើនបំផុត ដូច្នេះប្រសិនណាអ្នកដឹងខ្លួនថាកំពុងស្ត្រេសអាច​សាកល្បងញុំាប្រភេទសូកូឡាខ្មៅជំនួយបាន តែត្រូវជ្រើសរើសយកប្រភេទសូកូឡាមានជាតិកាកាវ៧០ភាគរយ មិនមែនជាប្រភេទសូកូឡាខ្មៅសម្បូរដោយជាតិស្ករ។

២.តែ Chamomile៖ ជាប្រភេទតែដែលជាប់ឈ្មោះល្បី ក្នុងការផឹកកាត់បន្ថយអារម្មណ៍ស្ត្រេស តានតឹងនៅក្នុងខ្លួន ព្រោះវាមានសមត្ថភាពជួយសម្រួលការឈឺក្រពះ បំបាត់ការឈឺក្បាលប្រកាំង ។

របៀបផឹក៖ អាចផឹកតែ Chamomile ក្ដៅៗមួយកែវពេលយប់មុនចូលគេងជួយឱ្យគេងលក់ស្រួល កាត់បន្ថយអារម្មណ៍តានតឹង។

៣.ផ្លែឈើសម្បូរវីតាមីនស៊ី៖ ការសិក្សាបានរកឃើញថា ពពួកផ្លែឈើ សម្បូរវីតាមីនស៊ី ដូចជាក្រូច ផ្លែប៉ោម ស្រ្តបឺរី ប្លូបឺរី…គឺជាប្រភេទផ្លែឈើជួយបំបាត់ស្រ្តេសបានច្រើន ជួយទាំងជួយកាត់បន្ថយអារម្មណ៍តានតឹងក្នុងខ្លួនផងដែរ។ ដូច្នេះប្រសិនណាអ្នកមានបញ្ហាស្ត្រេស តានតឹងកុំភ្លេចញុំាប្រភេទផ្លែឈើសម្បូរវីតាមីនស៊ី តែកុំញុំាលើសកំណត់។ 

៤.ខាត់ណា៖ គឺជាប្រភេទបន្លែសម្បូរដោយវីតាមីនបេ និងអាស៊ីយហ្វូលិក ដែលមានសមត្ថភាពជួយកាត់បន្ថយអារម្មណ៍តានតឹង ស្ត្រេស ថប់បារម្ភ រួមទាំងជំងឺធ្លាក់ទឹកចិត្តជាដើម។

៥.ខ្ទឹមស៖ ជាការពិតណាស់ នៅពេលអ្នកមានបញ្ហាស្រ្តេសខ្លាំង កើតឡើង ប្រព័ន្ធភាពសុំាក្នុងរាងកាយនឹងចាប់ផ្ដើមថយចុះទៅៗជាហេតុនាំឱ្យរាងកាយឆាប់ទ្រុឌទ្រោម ឆាប់ឈឺជាដើម ខ្ទឹមស មានប្រយោជន៍ជួយការពារនិងពង្រឹងប្រព័ន្ធភាពសុំាក្នុងរាងកាយឱ្យល្អប្រសើរមកវិញ ដែលបង្កមកពីការស្រ្តេស៕

អត្ថបទដោយ៖ ប៉ែត ធីតា

ប្រភព៖.allinahealth