ធាត់មិនអាក្រក់នោះទេ តែធាត់គឺអាចធ្វើឱ្យអ្នកប្រឈមជាមួយជំងឺគ្រោះថ្នាក់ជាច្រើនយ៉ាងដូចជា លើសឈាម ជំងឺបេះដូង ទឹកនោមផ្អែម តម្រងនោមជាដើម។ ដូច្នេះការសម្រកគីឡូ​ និងការថែរក្សាទម្ងន់ខ្លួនមិនឱ្យធាត់ខ្លាំងគឺអាចជួយសុខភាពចៀសវាងជំងឺបានច្រើនណាស់

តែផ្ទុយទៅវិញព្រោះកត្តា៣យ៉ាងនេះគឺអាចធ្វើឱ្យអ្នកធាត់កាន់រែខ្លាំងឡើងៗ ប្រសិនណាមិនផ្លាស់ប្ដូរទេរូបរាងកាន់តែធំទៅៗមិនខាន ហើយកត្តាទាំងនោះមានដូចខាងក្រោម។

១.ថាតើអ្នកញ៉ាំអ្វីខ្លះ? ដែលមានន័យថា ប្រសិនបើអ្នកចូលចិត្តញ៉ាំរបស់ដែលសម្បូរជាតិខ្លាញ់ខ្លាំង របស់ដែលមានជាតិស្ករច្រើន អាហារដែលចំអិនទុកយូរ ចំអិនស្រាប់ៗលក់តាមផ្លូវដូចជា ពពួកសាច់អាំងជាប់ខ្លាញ់ សាច់បំពង ស្បែកមាន់បំពង អាហារមានជាតិផ្អែម ជាតិផ្អាប់ អាហារដែលផ្ទុកប្រៃច្រើន អាហារទាំងអស់នេះ​ គឺសុទ្ធតែជាអាហារដែលធ្វើឱ្យអ្នកឡើងគីឡូលឿនបំផុត។

២.ការញ៉ាំរបស់អ្នកច្រើនប៉ុណ្ណា? អ្នកខ្លះធ្វើការហត់នឿយពេក ឬរវល់ខ្លាំងពេករហូតភ្លេចញ៉ាំអាហារ ដល់ពេលបានញ៉ាំ ញ៉ាំបាយទាំងចានៗ ដែលធ្វើឱ្យបរិមាណកាល់ឡូរី ជាតិស្ករក្លុយកូសកើនឡើងខ្លាំងបំប្លែងប្រើប្រាស់មិនទាន់ បណ្ដាលឱ្យឡើងគីឡូ។

៣.នៅអ្នកញ៉ាំអាហារនៅពេលណា? ប្រសិនបើអ្នកចូលចិត្តញ៉ាំនៅពេលយប់ រាងកាយរបស់អ្នកមិនមានសកម្មភាព​ មិនមានការបញ្ចេញថាមពល​ មិនមានការបន្ធូរបន្ថយនៃអាហារ ដែលធ្វើឱ្យអាហារដែលអ្នកញ៉ាំចូលទៅ គឺកកស្ទះបន្ទាប់មកបំប្លែងទៅជាសារធាតុដែលធ្វើឱ្យធាត់៕

អត្ថបទដោយ៖ petthida