ការហាត់ប្រាណល្អដល់សុខភាព ប៉ុន្តែបើអ្នកហាត់ខុសក្បួនអាចប៉ះពាល់សុខភាពដែរ។ តាមលោកវេជ្ជបណ្ឌិត Pham Duy Hung អនុប្រធានផ្នែកវេជ្ជសាស្ត្រផ្នែកសួតបានលើកឡើងថាបើអ្នកមានរោគសញ្ញាពីដំបូង ដូចជាការឈឺទ្រូងភ្លាមៗ ឬដកដង្ហើមខ្លីៗ រាងក្អក់ អស់កម្លាំង និងវិលមុខ នៅក្នុងអំឡុងពេលហាត់ប្រាណ គួរតែប្រញាប់ឈប់សម្រាកសិន ហើយចាំទៅមណ្ឌលសុខភាព ដើម្បីធ្វើការពិនិត្យសុខភាពឱ្យទាន់ពេលវេលា។ អ្នកហាត់ប្រាណទៀងទាត់ គួរចេះសម្រួលដង្ហើមតាមគ្រូហាត់ប្រាណ ទើបលើកទម្ងន់របស់អ្នកមានសុវត្តិភាព(មានករណីខ្លះ អ្នកហាត់ប្រាណលើកធ្ងន់តែទប់ដង្ហើមដើម្បីលើកឱ្យបានច្រើន វាមានហានិភ័យដល់សួត និងផ្នែកសរសៃឈាម)។ នេះអាចជាសញ្ញាព្រមាននៃបញ្ហាសរសៃឈាមបេះដូង។ បើអ្នកមានការឈឺទ្រូងលើសពី ១០នាទី គួរសម្រាកឱ្យលឿន។
តាមលោកវេជ្ជបណ្ឌិត Michael Ackerman ជាអ្នកឯកទេសខាងជំងឺបេះដូងនៅគ្លីនិក Mayo មានប្រសាសន៍ថាតាមបច្ចេកទេស ការឡើងកម្តៅខ្លាំងត្រូវបានគេហៅថា hyperthermia ដែលកើតឡើងនៅពេលដែលរាងកាយក្តៅពេក អាចបណ្តាលឱ្យស្លាប់បាន។ ភ័ស្តុតាងខ្លះបង្ហាញថាការធ្វើលំហាត់ប្រាណក្នុងអាកាសធាតុក្តៅអាចធ្វើអោយមុខងារសរសៃឈាមបេះដូងប្រសើរឡើង។ ទោះជាយ៉ាងណាក៏ដោយសីតុណ្ហភាពរាងកាយលើសពី ៤០អង្សាសេអាចមានគ្រោះថ្នាក់។ ពេលអ្នកមានបញ្ហាបែបនេះ អ្នកគួរដកដង្ហើមចេញចូលតាមការលើកទម្ងន់ពេលហាត់ប្រាណ។ ពេលអ្នកហាត់ប្រាណ ដកដង្ហើមខុសបច្ចេកទេសក៏អាចមានបញ្ហាដល់សួត ឬសុខភាពផ្លូវដង្ហើមរបស់អ្នកផងដែរ៕ អត្ថបទដោយ៖ ទ្រ សុភាព