អស្ចារ្យ! មកលេងកម្មវិធីពិព័រណ៍មុខរបរ២០២៣ បានស្គាល់វិស័យសុខាភិបាលជាមួយមន្ទីរពហុព្យាបាលរបស់កូនខ្មែរ

អត្ថបទ PR

November 28 2023

765 views

វិស័យសុខាភិបាលគឺជាវិស័យមួយដ៏សំខាន់ និងមិនអាចខ្វះបានសម្រាប់ប្រទេសមួយនៅក្នុងការធានានូវសុខមាលភាពជូនទៅដល់ប្រជាពលរដ្ឋនិងទប់ស្កាត់ពីជំងឺផ្សេងៗដែលអាចប៉ះពាល់ដល់សុខភាពឬអាយុជីវិតរបស់ប្រជាពលរដ្ឋ។ បច្ចុប្បន្ននេះប្រជាពលរដ្ឋនៅតាមបណ្ដាប្រទេសនានា ជាពិសេសនៅក្នុងប្រទេសកម្ពុជាតែម្តងមិនអាចរស់នៅខ្វះនូវវិស័យសុខាភិបាលបានឡើយ។ អ៊ីចឹងថ្ងៃនេះចាបបៃតងសូមណែនាំនូវមន្ទីរពហុព្យាបាលកូនខ្មែរដែលស្ថាបនាឡើងក្នុងចក្ខុវិស័យវែងឆ្ងាយ និងបម្រើសេវាកម្មជូនប្រជាពលរដ្ឋខ្មែរអស់រយៈពេលជាច្រើនឆ្នាំរួចមកហើយនោះគឺ មន្ទីរពហុព្យាបាល អេគីប មេឌីខល សេនធ័រ ដែលមានឯកទេសក្នុងការព្យាបាលផ្នែកក្រពះ ពោះវៀន ថ្លើម និងឫសដូងបាត ។

ដើម្បីជាទីទុកចិត្តសម្រាប់បងប្អូនប្រជាពលរដ្ឋខ្មែរ ក្រុមការងារ Healthy Cambodia សូមរៀបរាប់អំពីជីវប្រវត្តិសង្ខេបជូនបងប្អូនរួមមាន៖

ក្រុមស្ថាបនិក

-លោក វេជ្ជបណ្ឌិតឯកទេស ឈាង ស៊ីដេត (Dr.CHHEANG SIDET)

-លោក វេជ្ជបណ្ឌិតឯកទេស ស៊ង សុភីរម្យ (Dr.SORNG SOPHIROM)

-លោក វេជ្ជបណ្ឌិតឯកទេស ហាក់ ចាន់ភក្តី (Dr.HAK CHANPHEAKDEY)

- លោក វេជ្ជបណ្ឌិត ពុទ្ធ ឧត្តម (Dr.PUTH UDDAM)

អំពីមន្ទីរពហុព្យាបាល

អេគីប មេឌីខល សេនធ័រ បានលេចចេញជារូបរាង និងចាប់ផ្តើមដំណើរការតាំងពីឆ្នាំ២០១៧ ហើយមន្ទីរសម្រាកព្យាបាល អេគីប មេឌីខល សេនធ័រ បានផ្តល់នូវសេវាកម្មសុខភាព ជាមួយនឹងក្រុមវេជ្ជបណ្ឌិតឯកទេសដែលមានជំនាញច្បាស់លាស់ ប្រកបដោយក្រមសីលធម៌វិជ្ជាជីវៈខ្ពស់។

សេវាកម្មរបស់ អេគីប មេឌីខល សេនធ័រ មានដូចជា៖

-ពិនិត្យពិគ្រោះនិងព្យាបាលជាមួយវេជ្ជបណ្ឌិតឯកទេសសញ្ញាប័ត្រពីប្រទេសបារាំង ជប៉ុន ឥណ្ឌា និងប្រទេសអភិវឌ្ឍផ្សេងៗទៀតផងដែរ

-ឯកទេសខាងផ្នែក ឆ្អឹង សន្លាក់ ថ្លើម ក្រពះ ពោះវៀន ឫសដូងបាត-បូសអន្ទង់ ជំងឺរន្ធបាតផ្សេងៗ ជំងឺទូទៅ ជំងឺសួត ជំងឺបេះដូង ជំងឺទឹកនោមផ្អែម ជំងឺមហារីក និងការវះកាត់

-វះកាត់សរីរាង្គខាងក្នុងពោះដូចជា វះកាត់ថង់ទឹកប្រមាត់ វះកាត់ខ្នែងពោះវៀន និងអាចវះកាត់ដោយការបើកធម្មតា ឬក៏ការចោះដោយក្រុមវេជ្ជបណ្ឌិតវះកាត់ឯកទេសជំនាញតែម្តង

-សុងក្រពះ-ពោះវៀនជាមួយម៉ាស៊ីនអង់ដូស្កូពីទំនើប Olympus Exera III

-អន្តរាគមន៍ដោយអង់ដូស្កូពី៖ ERCP ចាប់ក្រួសក្នុងផ្លូវទឹកប្រមាត់ ដាក់ Stent ក្នុងផ្លូវទឹកប្រមាត់ ការកាត់ដុំសាច់Polyp ចាប់យកវត្ថុស្លាក់ក្នុងបំពង់អាហារ ចងសរសៃឈាមរីក-ចាក់កាវជីវសាស្រ្ត

-វាស់កម្រិតគ្រើមសាច់ថ្លើម FibroScan

-តេស្តខ្យល់ដង្ហើមរកមេរោគក្រពះ Urea Breath Test C13 គ្មានជាតិវិទ្យុសកម្ម

-ព្យាបាលជម្ងឺឬសដូងបាត ដោយការចង ការបាញ់កាំរស្មី Laser ឧបករណ៍ Doppler Artery Ligation និងការវះកាត់

-ឆ្លុះទងសួត Bronchoscopy និងវាស់កម្រិតនៃការគេងស្រមុក

-ស៊ីធីស្កេន ថតសួត អេកូសាស្រ្ត អេកូបេះដូង

-សង្គ្រោះបន្ទាន់២៤ម៉ោង និងប្រពោធនកម្ម ICU

-បន្ទប់សម្រាកព្យាបាលអ្នកជំងឺ ប្រភេទ SUITE, DELUXE, VIP

បេសកកម្ម

មន្ទីរពហុព្យាបាល អេគីប មេឌីខល សេនធ័រ នឹងបន្តផ្ដល់ជូននូវសេវាព្យាបាលទៅតាមឯកទេសនីមួយៗ ដែលប្រកបដោយវិជ្ជាជីវៈច្បាស់លាស់ ជាមួយឧបករណ៍និងបច្ចេកវិទ្យាទំនើបៗ ប្រកបដោយផាសុកភាព ជូនដល់ប្រជាពលរដ្ឋកម្ពុជា

ចក្ខុវិស័យ

ចក្ខុវិស័យរបស់មន្ទីរពហុព្យាបាល អេគីប មេឌីខល សេនធ័រ គឺក្លាយជាមជ្ឍមណ្ឌលវេជ្ជសាស្រ្តជាមួយបច្ចេកវិទ្យាឈានមុខគេនៅក្នុងប្រទេស ហើយនឹងកាត់បន្ថយការធ្វើចំណាកស្រុកទៅព្យាបាល ក៏ដូចជាពិនិត្យសុខភាពនៅឯក្រៅប្រទេស ដើម្បីចូលរួមលើកស្ទួយវិស័យសុខាភិបាលរបស់ប្រទេសកម្ពុជា។

ជាចុងក្រោយ បន្ទាប់ពីបានរៀបរាប់សង្ខេបពីជីវប្រវិត្តខ្លះៗរបស់មន្ទីរពហុព្យាបាល អេគីប មេឌីខល សេនធ័ររួចមក។ ចាបបៃតងចង់ប្រាប់បងប្អូនគ្រប់រូបថា នៅថ្ងៃទី០២-០៣ ខែឆ្នូ ឆ្នាំ២០២៣ ខាងមុខនេះវត្តមានរបស់មន្ទីរពហុព្យាបាល អេគីប មេឌីខល សេនធ័រ ក៏នឹងមកចូលរួមកម្មវិធីពិព័រណ៍មុខរបរ២០២៣ផងដែរ។ អ៊ីចឹង កុំឱ្យខកខាននូវឱកាលមួយនេះ សូមបងប្អូនមកចូលរួមទស្សនានៃកម្មវិធីពិព័រណ៍មុខរបរ២០២៣នេះផង ទទួលបានកាដូផង ជួបជាមួយវេជ្ជបណ្ឌិតឯកទេសផង និងមានពិគ្រោះយោបល់អំពីសុខភាពរបស់អ្នកគ្រប់គ្នាផង។ ដូច្នេះសូមបងប្អូនចូលរួមកម្មវិធីពិព័រណ៍មុខរបរ២០២៣ ដោយសេរីនៅថ្ងៃទី០២-០៣ ខែធ្នូ ឆ្នាំ២០២៣ ក្នុងសាលាតិចណូ។ កុំភ្លេចមកស្តង់មន្ទីរពហុព្យាបាល អេគីប មេឌីខល សេនធ័រ ដើម្បីបានជួបជាមួយវេជ្ជបណ្ឌិតជំនាញៗទាំងអស់គ្នាណា។