តាមលោកស្រី Lauren Manaker ជាអ្នកជំនាញផ្នែកអាហារូបត្ថម្ភបានណែនាំថា កាហ្វេដាក់ស្ករអាចមិនមែនជាជម្រើសល្អសម្រាប់អ្នកដុតខ្លាញ់ថែរាងឱ្យស្លឹម។ នៅក្នុងមួយថ្ងៃអ្នកត្រូវការថាមពលប្រហែលជា២០០០កាឡូរី ស្មើរនឹងប្រមាណ៥០ក្រាមនៃជាតិស្ករ។ បើអ្នកដាក់ស្ករ១ស្លាបព្រាបាយក្នុងកាហ្វេ១កែវ ស្មើរនឹងអ្នកផឹកជាតិស្ករ១២,៥ក្រាមបាត់ទៅហើយនៅក្នុងកាហ្វេ១កែវ។ ដូចនេះ បើអ្នកចង់ផឹកផ្អែម គួរតែរើសស្ករណាដែលមានជាតិផ្អែម តែមានកាឡូរីតិច ឬស្ករពីធម្មជាតិផ្សេងៗ។

សម្រាប់ជំងឺគាំងបេះដូងមានហានិភ័យដល់អាយុជីវិតលឿណាស់។ ជំងឺបេះដូងនេះជាចំណោមស្តេចជំងឺធំៗ រួមមានជំងឺមហារីក ទឹកនោមផ្អែម និងជំងឺខួរក្បាល។ លោកវេជ្ជបណ្ឌិត David Kao ជាអ្នកនិពន្ធ ជាជំនួយការសាស្ត្រាចារ្យផ្នែកជំងឺបេះដូង និងជានាយកផ្នែកវេជ្ជសាស្រ្ដនៅមជ្ឈមណ្ឌល Colorado បាននិយាយថា “កាហ្វេ និងជាតិកាហ្វេអ៊ីន មនុស្សទូទៅគិតថា វាអាក្រក់សម្រាប់បេះដូងនាំឱ្យញ័រខ្លួន និងឡើងសម្ពាធឈាម (បើអ្នកប្រតិកម្មជាមួយកាហ្វេអ៊ីន វាជាសញ្ញាឱ្យអ្នកគួរថែបេះដូង និងសុខភាពឱ្យបានរឹងមាំ និងផឹកកាហ្វេអ៊ីនកម្រិតតិច)។ ប៉ុន្តែអ្នកផឹកកាហ្វេប្រចាំថ្ងៃ នាំឱ្យកាត់បន្ថយហានិភ័យនៃជំងឺខ្សោយបេះដូង។” ពីព្រោះកាហ្វេ ជួយឱ្យដំណើរការបេះដូងជួយផលិតឈាម និងខួរក្បាលបានល្អ។

លោកវេជ្ជបណ្ឌិត Kao បានប្រើកម្មវិធី Precision Medicine Platform របស់ AHA ដើម្បីធ្វើការស្រាវជ្រាវ និងបានវិភាគព័ត៌មានពីការសិក្សាហានិភ័យនៃជំងឺក្រិនសរសៃឈាម និងធ្វើការសិក្សាលើសុខភាពសរសៃឈាមបេះដូង។ សរុបមក ការសិក្សានេះ ចំណាយពេល ១០ឆ្នាំ តាមមនុស្សពេញវ័យជាង ២១.០០០នាក់បានផឹកកាហ្វេរហូតដល់ ៣ពែងក្នុងមួយថ្ងៃ បានបញ្ជាក់ថា ពួកគេមានហានិភ័យតិចណាស់ចំពោះជំងឺខ្សោយបេះដូង៕ អត្ថបទដោយ៖ ទ្រ សុភាព