ទឹកដូង គឺជាភេសជ្ជៈមួយប្រភេទ ដែលមានអត្ថប្រយោជន៍ច្រើន មិនថាសម្រាប់អ្នកឈឺឬក៏អ្នកជា អាចញុំាបានដូចគ្នា ជាពិសេសជួយប៉ូវសុខភាពឱ្យល្អទៀត ទឹកនេះត្រូវបានគេទទួលស្គាល់ទូទាំងពិភពលោក ។ នៅក្នុងទឹកដូងមួយពែង ២៤០mlមានជាតិកាឡូរី៦០ មានស្ករ៨ក្រាម កាល់ស្យូម៤ភាគរយ​ ម៉ាញេស្យូម៤ភាគរយនិងសារធាតុចិញ្ចឹមជាច្រើនទៀត។

ជាមួយគ្នានេះដែរ ក្រុមការងារចាបបៃតងយកសូមលើកយក អត្ថប្រយោជន៍៥យ៉ាងមានក្នុងទឹកដូង ជួយដល់សុខភាពរបស់អ្នកញុំា។ តាមរយៈគេហទំព័រ healthline បានបញ្ជាក់ឱ្យដឹងផងដែថាទឹកដូង​ ជួយ៥យ៉ាងក្នុងពេលតែ១។

១.ការពារក្រួសតម្រងនោម៖ តាមការសិក្សាស្រាវជ្រាវជាច្រើនបានបញ្ជាក់ឱ្យដឹងថា ទឹកដូងមិនត្រឹមតែជួយជាសារធាតុចិញ្ចឹមក្នុងរាងកាយ តែប៉ុណ្ណោះនោះ ទេ តែទឹកដូងអាចជួយបង្ការ និងការពារជំងឺក្រូសក្នុងតម្រងនោមបានទៀតផង។

២.ជួយថែរក្សាបេះដូង៖ សុខភាពបេះដូង ផ្សារភ្ជាប់ជាមួយសរីរាង្គនិងប្រព័ន្ធក្នុងរាងកាយជាច្រើន ដូច្នេះបើបេះដូង​ដំណើរការ​មុខងារមិនបានល្អ សរីរាង្គផ្សេងទៀត នោងបញ្ឈប់ដំណើរលារដូចគ្នា ។ ​ការសិក្សាជាច្រើនទៀតក៏បានបញ្ជាក់ផងដែរថា​ទឹកដូងក៏មានសមត្ថភាពជួយ បញ្ចុះសម្ពាធឈាម ការពារការស្ទះសរសៃឈាម ដែលបណ្ដាលឱ្យកើតរោគគាំងបេះដូងឡើងមក ។

៣.ល្អសម្រាប់ការហាត់ប្រាណ ៖ ទឹកដូងគឺជាភេសជ្ជៈដែលជួយបំពេញជាតិទឹកល្អលឿនចូលក្នុងរាងកាយ បន្ទាប់ពីក្រោយការហាត់ប្រាណ ដែលជួយធ្វើឱ្យអ្នកមានថាមពលឡើងវិញលឿន ក្រោយពីហាត់ប្រាណអស់កម្លាំង។

៤.ជួយបញ្ចុះជាតិស្ករ៖ សម្រាប់អ្នកមានជំងឺទឹកនោមផ្អែម ឬអ្នកមិនទាន់មានការផឹកទឹកដូងនៅកម្រិតត្រឹមត្រូវមួយ អាចជួយឱ្យជាតិស្ករនៅក្នុងរាងកាយ ថយចុះ ។ មួយវិញទៀតតាមរយៈការសិក្សានៅក្នុងឆ្នាំ២០១៥បានបានឱ្យដឹងថា​ទឹកដូងក៏មានសមត្ថភាពជួយការពារនិងរក្សាកម្រិតជាតិស្ករមិនឱ្យលើសផងដែរ។

៥.ថែក្សាសម្រស់៖ ទឹកដូងមិនត្រឹមតែព្យាបាលជំងឺ តែក៏ជួយថែរក្សាសម្រស់អ្នកញុំាផងដែរ ជួយស្បែក ក្រចក សក់ ការពារ មុន ស្នាម ជួយឱ្យសុខភាពសម្រស់ក្មេងជាងវ័យច្រើន។

មួយវិញទៀតបើតាមរយៈព័រ WWW.Dermstore.Com ក្នុងនោះលោកវេជ្ជបណ្ឌិត Erin Gilbert ដែលជាគ្រូពេទ្យឯកទេសរោគសើស្បែកបានមានប្រសាន៍ថា ទឹកដូងគឺ ជាប្រភពសារធាតុចិញ្ចឹមនិងវីតាមីន ដូចជាវីតាមីនA និងK និងជាប្រភពនៃវីតាមីនBផងដែរ។ នៅក្នុងទឹកដូងមានសារធាតុប្រឆាំងអុកស៊ីតកម្ម គឺជាសមាសធាតុសំខាន់ ព្រោះសារធាតុទាំងនេះនឹងមានប្រសិទ្ធភាពក្នុងការទាញយកជាតិពុលចេញពីរាងកាយ និងសម្បូរជាតិប៉ូតាស្យូមខ្ពស់ដែលជំរុញដល់ការលូតលាស់នៃស្បែកថែសម្រស់ផងដែរ៕

អត្ថបទដោយ៖ ប៉ែត ធីតា