គ្មាននរណាម្នាក់ចង់ឈឹ ហើយក៏គ្មាននរណាម្នាក់ដឹងខ្លួនជាមុនថា ខ្លួននឹងមានជំងឺអ្វីនោះទេ។ ប៉ុន្តែអ្វីដែលអ្នកចាំបាច់ត្រូវតែធ្វើនោះគឺ ការពិនិត្យសុខភាព​ជាប្រចាំ ដើម្បីតាមតានសុខភាបរបស់អ្នក។ មួយវិញទៀតឈប់យល់ច្រឡំថា ការពិនិត្យសុខភាពធ្វើឱ្យអ្នកភ័យខ្លាច។ តាមពិតការដែលខ្លួនយើងបានដឹងទុកជាមុនថា ខ្លួនយើងមានជំងឺមួយណានោះ អ្នកអាចធ្វើការព្យបាលបានភ្លាម ដើម្បីបង្កកុំឱ្យជំងឺនោះវិវត្តទភដំណាក់កាលធ្ងន់ធ្ងរ។

បើយោងតាមការចុះផ្សាយរបស់ HeartLine បានណែនាំថា ការពិនិត្យសុខភាពផ្នែកទៅលើអាយុ កត្តាហានិភ័យ និងស្ថានភាពបច្ចុប្បន្នរបស់អ្នក។ អាយុក្រោម៥០ឆ្នាំអ្នកអាចពិនិត្យសុខភាព៣ឆ្នាំម្តង ហើយអាយុលើ៥០ឆ្នាំគួរពិនិត្យសុខភាពមួយឆ្នាំម្តង។

បើយោងតាម Dr.Chaudhary Hospital បានបង្ហាញថា ហេតុផលទាំង០៥យ៉ាងដែលអ្នកចាំបាច់ត្រូវតែពិនិត្យសុខភាពជារៀងរាល់ថ្ងៃ ដើម្បីការពារខ្លួនពីជំងឺនានា រួមមាន៖

១.ងាយស្រួលក្នុងការគ្រប់គ្រងជំងឺនៅក្នុងដំណាក់កាលដំបូង

ការពិនិត្យសុខភាពទៀងទាត់ និងការណាត់ជួបពេទ្យទៀងពេល ដើម្បីធ្វើរោគវិនិច្ឆ័យរកមើលជំងឺដំណាក់កាលដំបូង ឬក្នុងស្ថានភាពណាមួយ មុនពេលវាឈានទៅដល់ដំណាក់កាលធ្ងន់ធ្ងរជាងនេះ។ វាមានន័យថា ការពិនិត្យសុខភាព មិនមែនពិនិត្យហើយធ្វើឱ្យអ្នកភ័យខ្លាចនោះទេ ផ្ទុយទៅវិញប្រសិនបើអ្នកពិនិត្យឃើញជំងឺក្នុងដំណាក់កាលដំបូង អ្នកអាចព្យាបាលទាន់ពេល និងការពារការវិវត្តជំងឺចូលក្នុងកម្រិតធ្ងន់ធ្ងរ។ ការពិនិត្យសុខភាពអាចពិនិត្យទៅបាន ជំហាន់ដំបូងគឺ សាក់សួរអំពីអាយុ ភេទ ប្រវត្តិជំងឺគ្រួសារ និងទម្លាប់នៃការរស់នៅ។ ដូច្នេះការពិនិត្យសុខភាពអាចជួយឱ្យអ្នកចៀសឆ្ងាយពីជំងឺកាចនានា។

២.កំណត់បានច្បាស់នូវអត្ថសញ្ញាណនៃជំងឺ

ពិតណាស់ការរស់នៅរបស់មនុស្សយើងម្នាក់ៗ គ្មាននរណាអាចកំណត់ ឬដឹងជាមុនថា នរណាម្នាក់មានសុខភាពល្អ ឬមិនល្អនោះទេ ហើយបើនៅសុខស្រាប់តែចេញរកសញ្ញាដូចជា តានតឹងផ្លូវចិត្ត ថប់បារម្ភ និងខ្សោះកម្លាំង ដែលទាំងនេះសុទ្ធតែជាសញ្ញាកើតរោគលើសឈាម ឡើងសម្ពាធឈាម ឡើងគីឡូជំងឺផ្លូវចិត្ត ជំងឺភ្លេចភ្លាំង ជំងឺបាក់ទឹកចិត្ត ជំងឺហឺត និងអាចមានផលវិបាកចំពោះក្រពះពោះវៀនទៀត។ ដូច្នេះការពិនិត្យសុខភាពជាប្រចាំ​ងាយស្រួលក្នុងការការងារសុខភាព ការពារការកើតជំងឺកាចៗនានដែលអ្នកពុំអាចមើលឃើញដោយភ្នែក។

៣.ធ្វើបច្ចុប្បន្នភាពសុខភាព

នៅពេលអ្នកទទួលបានលិទ្ធផលតេស្តរបស់អ្នក អ្នកត្រូវយកមកពិភាក្សាជាមួយគ្រូពេទ្យដែលមានជំនាញច្បាស់លាស់ ដើម្បីធ្វើការវិភាគទៅលើសុខភាបរបស់អ្នក។ ខណៈពេលនោះគ្រូពេទ្យនឹងប្រាប់នូវបញ្ហាប្រឈម ឬក៏ដំបូន្មាននានមកកាន់អ្នក អ្វីដែលត្រូវចៀសវាង និងអ្វីដែលមិនត្រូវចៀសវាង ហើយអ្នកត្រូវអនុវត្តតាមការណែនាំរបស់ពេទ្យ។

៤.ការធ្វើតេស្តឈាម

ការធ្វើតេស្តឈាម គឺជាផ្នែកមួយនៃការពិនិត្យលើរាងកាយទាំងមូលរបស់អ្នកផងដែរ ហើយការធ្វើតេស្ដនេះពិតជាមានសារៈសំខាន់ជាខ្លាំងសម្រាប់អ្នក។ ការធ្វើតេស្តឈាមអាចរកមើលនូវ កូលេស្ដេរ៉ុល ជំងឺទឹកនោមផ្អែម មហារីក សម្ពាធឈាមខ្ពស់ ភាពស្លេកស្លាំង មេរោដស៍ និងជំងឺសរសៃឈាមបេះដូង។ មិនតែប៉ុណ្ណោះទេ ការធ្វើតេស្តឈាមនេះក៏អនុញ្ញាតឱ្យគ្រូពេទ្យវាយតម្លៃសុខភាពនៃសរីរាង្គកាយជាច្រើនទៀតដូចជា ថ្លើម តម្រងនោម បេះដូង និងទីរ៉ូអ៊ីត។

៥.បង្កើតទំនាក់ទំនងល្អជាមួយវេជ្ជបណ្ឌិត

ការពិនិត្យសុខភាពមិនទាន់គ្រប់គ្រាន់នោះទេ ធ្វើដែលអ្នកត្រូវធ្វើនោះគឺ ការប្រើទំនាក់ទំនងល្អជាមួយពេទ្យ​ ដើម្បីតាមដានសុខភាពជាប្រចាំ និងយល់ដឹងបន្ថែមពីការការព្យាបាល ហើយនិងការការពារខ្លួន។

អត្ថបទដោយ៖ Daddy_Rath