ចិញ្ចឹមខួរក្បាលរបស់អ្នកជាមួយនឹងរបបអាហារដែលមានសុខភាពល្អ ព្រោះដូចម៉ាស៊ីនដែលដំណើរការច្រើនឥតឈប់ឈរដែរ ខួរក្បាលត្រូវការឥន្ធនៈ (អាហារ) ដែលមានគុណភាពខ្ពស់។
តើរបបអាហារបែបណាដែលល្អសម្រាប់សុខភាពខួរក្បាល?
ខួរក្បាលរបស់អ្នកត្រូវការរបបអាហារមានតុល្យភាពល្អ កូលេស្តេរ៉ុលទាប ហើយអាហារពេលព្រឹកពិតជាសំខាន់ណាស់សម្រាប់ខួរក្បាល។
ខាងក្រោមជាវិធីសាស្ត្របំប៉នខួរក្បាលឱ្យមានសុខភាពល្អ និងមានថាមពល៖
១) របបអាហារ
យោងតាម Brain Foundation អាហារខួរក្បាលរួមមាន៖
- ប្រូតេអ៊ីន និងខ្លាញ់មិនឆ្អែតមានសារៈសំខាន់ជាពិសេសសម្រាប់ការអភិវឌ្ឍខួរក្បាល
- ត្រីដែលជាប្រភពសម្បូរបែបនៃធាតុទាំងពីរនេះ ពេលខ្លះត្រូវបានគេហៅថាអាហារខួរក្បាល
- ខួរក្បាលរបស់អ្នកត្រូវការវីតាមីននិងសារធាតុរ៉ែ ហើយសារធាតុទាំងនោះបានមកពីរបបអាហាររបស់អ្នក
- ការស្រាវជ្រាវបានបង្ហាញថាវីតាមីនមានសមត្ថភាពប្រឆាំងអុកស៊ីតកម្ម ហើយវីតាមីនសេក៏មានមុខងារការពារខួរក្បាលផងដែរ
- ជៀសវាងអាហារកែច្នៃ
- កាត់បន្ថយកាឡូរីអាចជួយកាត់បន្ថយភាពចាស់នៃខួរក្បាល
- ញ៉ាំកាហ្វេអ៊ីន និងអាល់កុលក្នុងកម្រិតតិចល្មម
តើប្រភពថាមពលអ្វីខ្លះដែលចាំបាច់សម្រាប់ខួរក្បាល?
- គ្លុយកូសគឺជាឥន្ធនៈដែលត្រូវការដើម្បីធ្វើឱ្យកោសិកាមានដំណើរការ
- ថ្លើមលំពែងនិងតម្រងនោមរបស់អ្នកធ្វើការជាមួយគ្នាដើម្បីរក្សាកម្រិតជាតិគ្លុយកូសក្នុងឈាមរបស់អ្នកឱ្យបានត្រឹមត្រូវ
- ឈាមរបស់អ្នកផ្គត់ផ្គង់គ្លុយកូសទៅខួរក្បាលរបស់អ្នកក្នុងអត្រាថេរ
- គ្លុយកូសផ្តល់ថាមពលដើម្បីឱ្យប្រូតេអ៊ីនខួរក្បាលបង្កើតកោសិកាផលិតសារធាតុគីមីសម្រាប់សរសៃប្រសាទដើម្បីទំនាក់ទំនង និងជួសជុលការខូចខាត
- នៅពេលដែលការផ្តោតអារម្មណ៍របស់អ្នកខ្សោយនៅពេលព្រឹកព្រលឹម ឬពេលរសៀល ការញ៉ាំអាហារសម្រន់ដែលមានផ្ទុកជាតិស្ករដូចជាផ្លែឈើអាចដោះស្រាយបញ្ហាបាន
២) ធ្វើលំហាត់ប្រាណ
លំហាត់ប្រាណជារៀងរាល់ថ្ងៃទៀងទាត់ជួយកាត់បន្ថយការធ្លាក់ទឹកចិត្តនិ ងកាត់បន្ថយកត្តាហានិភ័យនៃជំងឺសរសៃឈាមបេះដូង។
៣) ចាត់ទុក“ សុវត្ថិភាពជាមុន” ជាអាទិភាព
មូលហេតុចំបងនៃការប៉ះទង្គិចក្បាលមនុស្សពេញវ័យគឺគ្រោះថ្នាក់ចរាចរណ៍ និងការរងរបួសកីឡា។ សូមការពារក្បាលរបស់អ្នកដោយពាក់មួកសុវត្ថិភាព។
៤) រៀនគ្រប់គ្រងការថប់បារម្ភភាព តានតឹង និងការធ្លាក់ទឹកចិត្ត
ការទទួលរងនូវភាពតានតឹងរ៉ាំរ៉ៃ បញ្ហារយៈពេលវែងកាន់តែច្រើនឡើង ៗ បង្កើនស្ត្រេសដេលពិតជាបំផ្លាញខួរក្បាលអ្នកខ្លាំងណាស់។
ការថប់បារម្ភបង្កើនចង្វាក់បេះដូង និងសម្ពាធឈាមហើយអាចនាំឱ្យមានជំងឺដាច់សរសៃឈាមខួរក្បាល៕
ដោយ ហៃ សុចិន្តា
ប្រភព Brain Foundation