តាមការឱ្យដឹងរបស់រដ្ឋបាលក្រុងប៉ោយប៉ែតថ្ងៃទី៣ខែឧសភាឆ្នាំ២០២២ បានឱ្យដឹងថា បងប្អូនប្រជាពលរដ្ឋរស់នៅក្រុងប៉ោយប៉ែត អាចមកទទួលសេវាធ្វើប័ណ្ណព្រំដែនជាមួយមន្ត្រីប្រចាំការរបស់អង្គភាពច្រកចេញចូលតែមួយខេត្តបន្ទាយមានជ័យ ចាប់ពីថ្ងៃទី០៣ ខែមីនា ឆ្នាំ២០២២ នេះតទៅ។
ចំពោះទីតាំងគឺនៅការិយាល័យច្រកចេញចូលតែមួយក្រុងរៀងរាល់ នៅថ្ងៃធ្វើការពីថ្ងៃច័ន្ទដល់សុក្រ ពេលព្រឹកម៉ោង៧.៣០នាទី-១១.៣០នាទីនិងពេលរសៀលម៉ោង១៣.៣០នាទី-១៧.៣០នាទី។
ជាមួយគ្នានេះបងប្អូនក៏ត្រូវភ្ជាប់ជាមួយនូវឯកសារពាក់ព័ន្ធមួយចំនួនដូចជា៖
+អត្តសញ្ញាណប័ណ្ណសញ្ជាតិខ្មែរថតចម្លង ឬសេចក្តីចម្លងសំបុត្រកំណើត-បញ្ជាក់កំណើតចំនួន០១ច្បាប់
+សៀវភៅគ្រួសារ ឬសៀវភៅស្នាក់នៅថតចម្លងចំនួន០១ច្បាប់
+រូបថតសាមីខ្លួនបច្ចុប្បន្ន៤គុណ៦ ចំនួន០២សន្លឹក
+រូបថតកូន៣គុណ៤ ចំនួន០២សន្លឹក(ករណីមានកូនរួមដំណើរជាមួយអាយុ១២ឆ្នាំចុះក្រោម)។
+ត្រូវមកបង្ហាញមុខដោយផ្ទាល់ ដោយត្រូវផ្តិតស្នាមមេដៃលើពាក្យស្នើសុំ និងប័ណ្ណព្រំដែន
-រយៈពេលផ្តល់សេវា(៥ថ្ងៃយ៉ាងយូរ) និងតម្លៃសេវាធ្វើប័ណ្ណព្រំដែន ត្រឹមតែ២០,០០០៛(ពីរម៉ឺនរៀល) ប៉ុណ្ណោះ។
ប្រភពដដែលបានបញ្ជាក់ដែរថា ការធ្វើប័ណ្ណព្រំដែនមិនមានការទាមទារលើសកម្រៃសេវាដែលបានបញ្ជាក់ជូនខាងលើនោះទេ។ករណីមានការទាមទារលើសកម្រៃសេវាសូមផ្តល់ព័ត៌មានទៅកាន់លេខទូរស័ព្ទ ០១៧ ៨៣៦ ៥២៦/ ០៩៥ ៥០០០០៣/០១១ ៣០៦ ៦០០ដើម្បីមានវិធានការ។
គួរជម្រាបដែរថាថ្មីៗនេះថៃទើបនឹងបើកដៃឱ្យមានការចេញចូលក្នុងតំបន់ខ្លួនដោយមិនមានការធ្វើចត្តាឡីស័កឡើយ ប្រសិនបើបងប្អូនមានគោលបំណងចង់ចេញចូលប្រទេសនេះកាន់តែល្អតាមរយៈការជួយសម្រួលពីក្រសួងរបស់កម្ពុជាយើងចូលទៅក្នុងទឹកដីនេះ ដូចបានជម្រាបខាងលើ។
