ថ្លើមគឺមាននាទីស្រូបយកជាតិពុល ផលិតប្រូតេអ៊ីនចេញពីអាហារតាមរយៈយើងញុំាចូល មុខងារថ្លើម គឺមានសារៈសំខាន់ខ្លាំងដូចតម្រងនោមដែរ ព្រោះប្រសិនណាថ្លើម មានជំងឺដូចជា រលាក ក្រិន ខ្លាញ់រុំថ្លើមឡើងមក អ្នកមិនយកចិត្តទុកដាក់ថែទាំអាចបង្កជាគ្រោះថ្នាក់ដល់សុខភាព អាចស្លាប់បាត់បង់ជីវិតបានជាពិសេសជំងឺក្រិនថ្លើម ។

ទោះជាយ៉ាងនេះក្ដី អាហារមានរសជាតិឆ្ងាញ់ ទាំងប៉ុន្មាននេះ មានអត្ថប្រយោជន៍ជួយដល់មុខងារថ្លើម​បានយ៉ាងច្រើន ដែលអ្នកមិនគួររំលងមិនញុំាសោះឡើយ នេះបើតាមរយៈគេហទំព័រ goodrx

១.គ្រាប់​ធញ្ញជាតិ៖ ការញុំាគ្រាប់ធញ្ញជាតិជាប្រចាំអាចជួយការពារថ្លើម​ឱ្យមានសុខភាពល្អ ព្រោះគ្រាប់ធញ្ញជាតិសម្បូរដោយអាស៊ីតខ្លាញ់មិនឆ្អែត​មិនបង្កជាផលប៉ះពាល់ដល់មុខងាររបស់ថ្លើម។

២.ផ្លែទំពាំងបាយជូរ៖ នៅក្នុងផ្លែទំពាំងបាយជូរសម្បូរដោយសារធាតុសរសៃរខ្ពស់ ដែលល្អសម្រាប់សុខភាពរបស់ថ្លើម​ ជួយការប្រឆាំងសារធាតុអុកស៊ីតកម្មនៅក្នុងខ្លួន ការពារការរលាក​ក្នុងរាងកាយ ក៏ដូចជាជួយឱ្យមុខងាររបស់ថ្លើមសកម្មមានសុខភាពល្អ។

៣.កាហ្វេ៖ កាហ្វេគឺត្រូវបានគេសិក្សាមកថាល្អសម្រាប់សុខភាពរបស់ថ្លើម ជួយបន្សាបជាតិពុលដែលមានក្នុងថ្លើម​ជួយការពារ ខ្លាញ់រុំថ្លើម ដោយសារការប្រើប្រាស់គ្រឿងស្រវឹងលើកំណត់ពេក ក៏ដូចជាជួយការពារជំងឺក្រិនថ្លើម​ផងដែរទោះជាយ៉ាងនេះក្ដី ដើម្បីបានអត្ថប្រយោជន៍ទាំងនេះចេញពីកាហ្វេ ត្រូវប្រាកដថាអ្នកផឹកនប្រភេទកាហ្វេមានជាតិស្ករទាប កុំបន្ថែមជាតិស្ករច្រើន មិនដូច្នេះទេ អាចបង្កជាប៉ះពាល់ដល់សុខភាពអ្នកវិញពេលទទួលទាន។

អត្ថបទដោយ៖ ប៉ែត ធីតា