ប្រទេសសិង្ហបុរី បានទទួលបានចំណាត់ថ្នាក់លេខ៦ សម្រាប់ការថែទាំសុខភាពដែលមានគុណភាពល្អបំផុតដោយWHO ។ ចំពោះតម្លៃក្នុងការចំណាយសម្រាប់ការព្យាបាលជំងឺមហារីកក៏សមរម្យ នេះគឺជាកត្តាសំខាន់ដែលជួយទាក់ទាញអ្នកទេសចរណ៍វេជ្ជសាស្ត្រផងដែរ។ ខាងក្រោមនេះជាមន្ទីរពេទ្យកំពូលទាំង៣ ដែលអ្នកគួរតែស្គាល់ប្រសិនបើមានបំណងចង់ទៅមន្ទីរពេទ្យនៅសិង្ហបុរី៖

១ មន្ទីរពេទ្យ Mount Elizabeth គឺជាមន្ទីរពេទ្យមួយក្នុងចំណោមមន្ទីរពេទ្យដែលមានវិញ្ញាបនបត្រ JCI ច្រើនជាងគេនៅអាស៊ី ដែលជំនាញក្នុងការព្យាបាលជំងឺមហារីកក្រពះ។ មន្ទីរពេទ្យផ្តល់នូវវិសាលភាពដ៏ទូលំទូលាយនៃការធ្វើតេស្តរោគវិនិច្ឆ័យ ការព្យាបាលកម្រិត ខ្ពស់ សម្រាប់ការព្យាបាលដោយវិទ្យុសកម្ម និងការព្យាបាលដោយប្រើគីមី និងការថែទាំសុខភាពសម្រាប់លទ្ធផលវិជ្ជមាន។ មន្ទីរពេទ្យនេះមានវេជ្ជបណ្ឌិតជំនាញក្នុងផ្នែកផ្សេងៗគ្នាជាច្រើននៃដូចជា វេជ្ជសាស្ត្រវះកាត់ ជំងឺមហារីក បាញ់កាំរស្មី និងផ្នែកកុមារ ក្នុងការផ្តល់ការព្យាបាលជំងឺមហារីកដ៏ល្អបំផុតនៅក្នុងពិភពលោក។

២ មន្ទីរពេទ្យ Raffles៖ មន្ទីរពេទ្យនេះក៏ជាបានទទួលស្គាល់ពី JCI ដូចគ្នា។ មន្ទីរពេទ្យមួយនេះបានទាក់យកចិត្តអ្នកជំងឺបរទេសជាច្រើនជាតិសាសន៍ ដោយសារតែផ្ដល់ជូនទំនុកចិត្ត ព្យាបាលដោយបច្ចេកវិទ្យាទំនើបថ្មី និងទទួលស្គាល់កម្រិតពិភពលោក។ មិនតែប៉ុណ្ណោះក៏មាន ក្រុមអ្នកជំនាញវេជ្ជសាស្ត្រ ដែលមានបទពិសោធន៍ខ្ពស់ មានចំណេះដឹង និងជំនាញដើម្បីព្យាបាលជំងឺមហារីកគ្រប់ប្រភេទផងដែរ។

៣ មន្ទីរពេទ្យ Gleneagles ៖ មន្ទីរពេទ្យនេះមានគ្រែពេទ្យចំនួន ២៥៨ និងបានទទួលបានស្គាល់ពី JCI ដែលឯកទេសខាងវេជ្ជសាស្រ្តនិងវះកាត់។ មន្ទីរពេទ្យនេះស្ថិតក្នុងចំណោមមន្ទីរពេទ្យមហារីកកំពូលទាំង១០ នៅក្នុងពិភពលោកសម្រាប់ការព្យាបាលជំងឺមហារីក ដោយប្រើបច្ចេកវិទ្យារីកចម្រើនបំផុត សម្រាប់លទ្ធផលព្យាបាលដ៏ល្អប្រសើរមួយសម្រាប់អ្នកជំងឺ។ មន្ទីរពេទ្យនេះ មានប្រវតិ្តព្យាបាលទាំងអ្នកជំងឺជាតិនិងអន្តរជាតិជាច្រើនផងដែរ៕

ប្រភព៖ clinicspots

អត្ថបទដោយ៖ Senghong