មើមយេន(Beetroot) គឺជារុក្ខជាតិម៉ើមដែលដាំដុះភាពច្រើននៅតំបន់អាកាសធាតុត្រជាក់ដូចជានៅខេត្តមណ្ឌលគិរី និងរតនៈគិរី។ រុក្ខជាតិនេះមានអត្ថប្រយោជន៍ច្រើនណាស់ចំពោះសុខភាព។ គេយកយកមើមយេនទៅក្រឡុកធ្វើជាភេសជ្ជៈលេខ១ជំនួយគ្រាប់ឈាមក្រហមក្នុងរាងកាយ បឺតជាតិពុលចេញពីតម្រងនោម ថែសុខភាពតម្រងនោមកុំឱ្យខ្សោយ។

ជាការពិតណាស់ យោងតាមការចុះផ្សាយនៅលើគេហទំព័រ NDTV បានបញ្ជាក់ថា ការផឹកទឹកម់មយេន១ថ្ងៃ១កែវនៅពេលព្រឹកក្រោយអាហារគឺជួយ៖

១. ជួយបំពេញគ្រាប់ឈាមក្រហម៖ Beetroot ផ្ទុកទៅដោយជាតិដែក សារធាតុរ៉ែ និងវីតាមីន ជួយបណ្តុះកោសិកាគ្រាប់ឈាមក្រហមឱ្យកើនឡើងកុំឱ្យខ្វះ និងទប់ស្កាត់កោសិកាគ្រាប់ឈាមសកុំឱ្យកើនឡើងលើសកម្រិត។

២. បឺតជាតិពុលតម្រងនោម៖ Beetroot ផ្ទុកសារធាតុជំងឺទៅដល់សុខភាពតម្រងនោម ជួយបឺតជាតិពុល សម្អាតតម្រងនោមកុំឱ្យមានមេរោគ។ កាន់តែល្អនៅពេលអ្នកក្រឡុកលាយជាមួយ ការ៉ុត និងផ្លែប័រ ផឹក១កែវរាល់ព្រឹក។

៣. ជំនួយស្បែក៖ ក្រៅពីជាតិដែក សារធាតុរ៉ែ Beetroot ផ្ទុកសារធាតុវីតាមីនស៊ីជំនួយស្បែកឱ្យមានសំណើម ប្រឆាំងការរលាក និងប្រតិកម្មផ្សេងៗ។ ចង់ជំនួយស្បែកអ្នកត្រូវក្រឡុកមើម Beetroot ជាមួយនឹងក្រូចឆ្មារ២ចំណិតញ៉ាំនៅពេលថ្ងៃក្រោយអាហារថ្ងៃ។

លោកវេជ្ជបណ្ឌិត Yun Oh, M.D បានបញ្ជាក់ថា ប្រសិនបើ កោសិកាឈាមក្រហមចុះទាប ឬខ្វះ វាបណ្តាលឱ្យថាមពលចុះខ្សោយ និង ប៉ះពាល់ដល់រាងកាយរបស់អ្នក។ វេជ្ជបណ្ឌិតបានបន្ថែមថា ជាទូទៅនៅពេលមនុស្សណាម្នាក់ដែលខ្វះគ្រាប់ឈាមក្រហមគឺតែងតែមានអាការដូចជា៖ កង្វះថាមពល ងងុយគេង ស្បែកស្លេក ឈឺក្បាល វិលមុខ ឆាប់ខឹង មានបញ្ហាក្នុងការផ្តោតអារម្មណ៍ ចង្វាក់បេះដូងលោតញាប់ (tachycardia) សម្ពាធឈាមទាប (hypotension)...ជាដើម។ ករណីធ្ងន់ធ្ងរអាចបណ្តាលឱ្យអ្នកជំងឺ ដួលសន្លប់ ដកដង្ហើមខ្លី ខ្សោយបេះដូង និងខូចសរីរាង្គកាយខាងក្នុងភ្លាមៗ។ ដូច្នេះជម្រើសល្អបំផុតត្រូវជ្រើសរើសអាហារឬភេសជ្ជៈដែលប៉ូវគ្រាប់ឈាមមកញ៉ាំឱ្យទាន់ពេល៕



អត្ថបទដោយ៖ មឿន គន្ធា