នរណាខ្លះចូលចិត្តញុំាផ្លែចេក ទឹកក្រឡុកចេក រួមទាំងយកផ្លែចេកទៅលាយគ្នាជាមួយផ្លែឈើផ្សេងៗទៀតដើម្បីធ្វើជាភេសជ្ជៈផឹកជាប្រចាំថ្ងៃ? ក្រោយពីផឹកហើយ តើទទួលបានផលយ៉ាងណាខ្លះសម្រាប់សុខភាព ជួយបានច្រើនដែរឬទេ?

យោងតាមរយៈអ្នកជំនាញខាងចំណីអាហារ  Elyse Homan, RD, LD បាននិយាយថា ផ្លែចេកគឺជួយដល់សរីរាង្គ ក្នុងក្រៅបានច្រើនណាស់ ដែលមិនគួររំលងមិនញុំាសោះឡើយ។ ដោយហេតុថានៅក្នុងផ្លែចេកសម្បូរដោយ ជាតិសរសៃខ្ពស់ ប្រូតេអ៊ីន សារធាតុរ៉ែ ល្អៗ​ផ្ដល់ជាអាហាររូបត្ថម្ភសម្រាប់រាងកាយអ្នកញុំាបានច្រើនតាមរយៈប្រភព clevelandclinic ។

ខាងក្រោយនេះគឺជាអត្ថប្រយោជន៍៣យ៉ាងជួយសុខភាពរបស់ផ្លែចេក

១.ជួយរំលាយអាហារការពារជំងឺ៖ នៅក្នុងផ្លែចេកសម្បូរដោយជាតិសរសៃខ្ពស់ តាមរយៈការសិក្សាចំនួន២០០បានរកឃើញថា អ្នកដែលទទួលទានជាតិសរសៃខ្ពស់ប្រមាណ២៥ក្រាមទៅ២៩ក្រាមនៅក្នុង១ថ្ងៃ អាចជួយកាត់បន្ថយជំងឺសាហាវ៣០%ជំងឺទាំងនោះមានដូចជា

- ជំងឺបេះដូង

-សម្ពាធ​ឈាម​ខ្ពស់

- កូលេស្តេរ៉ុលខ្ពស់

-ជំងឺដាច់សរសៃឈាមខួរក្បាល

-ជំងឺទឹកនោមផ្អែមប្រភេទទី២

-ជំងឺមហារីកពោះវៀនធំ

២.ជាតិប៉ូតាស្យូមបន្ថយសម្ពាធឈាម៖​ជាធម្មតា ជាតិប៉ូតាស្យូមគឺចាំបាច់សម្រាប់មនុស្សខ្លាំងណាស់ ដោយជាទូទៅគេណែនាំឱ្យទទួលទានប្រមាណ ៤៧០០ទៅ៥០០០មីលីក្រាមដើម្បីប៉ូវសុខភាព ។ ជាការពិតណាស់ប៉ូតាស្យូមគឺល្អសម្រាប់សរីរាង្គសំខាន់ៗមានដូចជា បេះដូង តម្រងនោម សាច់សដុំ សរសៃប្រាសាទ។

៣.ជាតិម៉ាញេស្យូមបន្ថយសម្ពាធឈាម៖ ញុំាចេកជួយសម្រួលមុខងាររបស់រាងកាយយ៉ាងច្រើនសន្ធឹកសន្ធាប់ មានដូចជា សម្ពាធឈាម បេះដូង ជាតិស្ករក្នុងឈាម ថែរក្សាឆ្អឹង​ មុខងារសរសៃប្រាសាទ សាច់ដុំ។

គូសបញ្ជាក់ឱ្យដឹងផងដែរថា ញុំាផ្លែចេកជាប្រចាំអាចជួយសម្រួលមុខងារសរីររាង្គខាងក្នុងបានច្រើន ជាពិសេសល្អសម្រាប់ញុំាពេលថ្ងៃ ឬក៏ធ្វើជាអាហារសម្រន់ សម្រាប់ញុំាជាមួយអាហារផ្សេងទៀតក៏បាន៕

អត្ថបទដោយ៖ ប៉ែត ធីតា