ជាធម្មតាការព្យាបាលជំងឺមហារីកម្ដងៗគ្រូពេទ្យចំណាយពេលយូរ។ ក៏ប៉ុន្ដែឥឡូវនេះ រយៈពេលនៃការព្យាបាលជំងឺមហារីកមានរយៈមានពេលខ្លីលឿន និងអាចព្យាបាលជូនអ្នកកើតមហារីកបានច្រើននាក់ក្នុងរយៈពេលដ៏ខ្លី។

យោងតាមរយៈប្រភព channelnewsasia.com បាននិយាយថាបន្ទាប់ពីការអនុម័តពីទីភ្នាក់ងារនិយតកម្មឱសថ និងផលិតផលថែទាំសុខភាព (MHRA) NHS ប្រទេសអង់គ្លេសបាន កាលពីថ្ងៃអង្គារ (29 សីហា) អ្នកអ្នកមានជំងឺមហារីកជាច្រើននាក់ បានព្យាបាលដោយថ្នាំ immunotherapy, atezolizumab ចាក់ "ក្រោមស្បែក"  ត្រឹមរយៈពេល៧នាទី ដែលចំណាយពេលវេលាតិចជាងមុននិងងាយស្រួលជាងមុនច្រើន។ វេជ្ជបណ្ឌិត Alexander Martin អ្នកជំនាញខាងជំងឺមហារីកនៅ West Suffolk NHS Foundation Trust បាននិយាយថា "នេះគឺជាដំណឹងដ៏អស្ចារ្យសម្រាប់ទាំងអ្នកជំងឺ និងគ្រូពេទ្យ ។

ជាធម្មតាការព្យាបាលជំងឺមហារីកមានច្រើនប្រភេទ ច្រើនទម្រង់ មានដូចជាការព្យាបាលដោយជំងឺមហារីកស្បូន មហារីកសុដន់ មហារីកថ្លើមជាដើម និងព្យាបាលរយៈពេលយូរនិងព្យាបាលបានតិច។ តែឥឡូវនេះ ការព្យាបាលប្រើប្រាស់ថ្នាំចាក់ត្រឹមតែ៧នាទីតែប៉ុណ្ណោះ។ សង្ឃឹមថាវិធីសាស្ត្រព្យាបាលជួយសង្រ្គោះមួយនេះអាចនឹងកើតមាននៅប្រទេសយើងផងចុះ៕

អត្ថបទដោយ៖ ធីតា