ជាធម្មតានៅអំឡុងពេលពពោះ នៅពេលម៉ាក់ៗទៅថតអេកូតាមដានសុខភាពកូនម្តងៗ គឺយើងអាចមើលដឹងត្រឹមតែធំហំរូបរាងកូន សុខភាពកូន ដៃជើងកូន មុខ និងគីឡូ...តែប៉ុណ្ណោះ។ ប៉ុន្តែនៅមានចំណុចសំខាន់មួយទៀតដែលម៉ាក់ៗគ្រប់រូបត្រូវគិតគូក្រោយពេលសម្រាលរួច ត្រូវការវាស់កម្រិតការស្តាប់របស់កូន។ ដើម្បីដឹងថាតើកូន មានបញ្ហាគថ្លង់ពីកំណើតឬអត់?

ជាការពិតណាស់ យោងតាមការចុះផ្សាយនៅលើគេហទំព័រ Medicalnewstoday បានបញ្ជាក់ច្បាស់ៗថា ទារកម្នាក់ដែលកើតមកមានបញ្ហាគថ្លង់តាំងពីកំណើត គឺបណ្តាលមកពីកត្តាជាច្រើនដូចជា កត្តាហ្សែន តំណពូជ អំឡុងពេលពពោះម៉ាក់បានកើតជំងឺកញ្រ្ជិល ស្អូច ម៉ាក់ៗសុខភាពខ្សោយឈឺច្រើនអំឡុងពេលពពោះហើយញ៉ាំថ្នាំផ្តេសផ្តាស ឬម៉ាក់ៗមានគ្រោះថ្នាក់ដូចជាការដួលឬរអិលនៅពេលពពោះ...ជាដើម។

ជាមួយគ្នានេះដែរ ក្រៅតែពីកត្តាផ្សេងៗខាងលើ បើតាមការបញ្ជាក់ពី លោក ផា សុជាតិ នាយកប្រតិបត្តិក្រុមហ៊ុន Advance Hearing Center  អ្នកជំនាញខាងត្រចៀកបាននិយាយថា ក្រោយសម្រាលរួចរយៈពេល២៤ម៉ោងឬ៣៦ម៉ោង ម៉ាក់ៗត្រូវតែនាំកូនទៅវាស់កម្រិតការស្តាប់ជាចាំបាច់ ពីព្រោះការវាស់កម្រិតការស្តាប់ដល់កូនទើបតែកើតនេះ ដើម្បីចង់ដឹងថា កម្រិតនៃការស្តាប់របស់កូនប្រក្រតីឬខុសប្រក្រតី។ បើករណីពិនិត្យទៅឃើញខុសប្រក្រតីនិងបានដោះស្រាយទាន់ពេលវេលា។

ដូច្នេះ ដើម្បីការពារការកុំឱ្យមានបញ្ហាគថ្លង់ពីកំណើត ម៉ាក់ៗគ្រប់រូបគួរណាស់តែរកមន្ទីរពេទ្យសម្រាប់សម្រាលកូនដោយមានម៉ាស៊ីនវាស់កម្រិតការស្តាប់ ដើម្បីឱ្យម៉ាក់ៗដឹងថាកូនរបស់ខ្លួនមានបញ្ហាគថ្លង់ឬអត់។ សរុបមកវិញ ប្រសិនបើចង់ថតអេកូវាស់កម្រិតការស្តាប់របស់កូនក្រោយសម្រាល អាចអញ្ជើញទៅទទួលសេវាកម្មនៅមន្ទីរពេទ្យចំនួន៤នៅក្នុងប្រទេសកម្ពុជាបានដែលមានដូចជា៖

១. មន្ទីរពេទ្យ Maxicare Children Hospital លេខទូរស័ព្ទ 012 311 355

២. មន្ទីរពេទ្យសម្ភពសោភា Sorphea Maternity Hospital លេខទូរស័ព្ទ 012 591 577

៣. Well Kids Child Health Clinic គ្លីនិកព្យាបាលនិងតាមដានសុខភាពកុមារវែលឃីដស៍ លេខទូរស័ព្ទ 012 858 984

៤. Orchid Koh Pich Hospital លេខទូរស័ព្ទ 092 381 881

នៅមន្ទីរពេទ្យ និងសម្ភពទាំង៤ខាងលើនេះ មានម៉ាស៊ីនទំនើបវាស់កម្រិតការស្តាប់របស់ទារកទើបតែសម្រាលរួច។ ហើយសម្រាប់ព័ត៌មានបន្ថែម បងប្អូនអាចទំនាក់ទំនងទៅកាន់ក្រុមហ៊ុន Advance Hearing Cemter បានតាមរយៈលេខទូរស័ព្ទ 095 665 253/ 031 660 5253 ដើម្បីសួរពីព័ត៌មានលម្អិតពាក់ព័ន្ធជាមួយបញ្ហាត្រចៀកទាំងក្មេង និងមនុស្សចាស់៕

អត្ថបទដោយ៖ គន្ធា