នេះជាការបញ្ជាក់ថា ពេលវេលាក្រៅពីនេះលោក Aliko ធ្វើការស្ទើរតែ៨០%ទៅហើយ នៅសល់ម៉ោងប៉ុន្មានទៀតគឺគាត់តែងតែឆ្លៀតពេលចូលរួមកម្មផ្សេងៗ។ ទោះបីជារស់នៅក្នុងនាមជាសហគ្រិនមានកិច្ចការរវល់ច្រើនមិនចេះចប់មិនចេះហើយក៏ដោយ ក៏សេដ្ឋីរូបនេះ មិនដែលភ្លេចចំណាយពេលវេលាជាមួយខ្លួនឯងដែរ។ គាត់ឆ្លៀតពេលធ្វើរឿងដែលគាត់ចូលចិត្ត រៀនអ្វីដែលគាត់ចង់រៀន ញ៉ាំរបស់ដែលគាត់ចង់ញ៉ាំ ដើម្បីកាត់បន្ថយសម្ពាធ ឱ្យចិត្តគាត់ស្រាលពីបញ្ហា ឱ្យចិត្តគាត់មានថាមពលឡើងវិញ ហើយព្រមទាំងប្រគល់ក្ដីស្រលាញ់ជូនខ្លួនឯង ឱ្យជីវិតគាត់រស់នៅមានអារម្មណ៍ថា ការប្រើជីវិតមួយនេះពិតជាមានតម្លៃមានអត្ថន័យណាស់។

ជាក់ស្ដែងគាត់ធ្វើការចាប់ពីម៉ោង៨ព្រឹកដល់ម៉ោង៩យប់ គាត់រវល់នឹងការងាររហូត ហើយជាពេលគាត់ចូលផ្ទះដែរ។ ហើយចាប់ពីម៉ោង ៩ ដល់ម៉ោង១យប់ជាពេលដែលគាត់ចំណាយសម្រាប់ខ្លួនឯងទាំងស្រុង។ គាត់ចាយពេលនិយាយជាមួយភរិយា ជាមួយកូនៗ ព្រោះនេះជាក្តីសុខរបស់គាត់។ ពេលចិត្តគាត់មានក្តីសុខ ការគេងលក់ក៏លឿនដែរ។ (មុនចូលគេ តើអ្វីធ្វើឱ្យអារម្មណ៍អ្នកមានក្តីសុខ?) មុនចូលគេងគាត់មិនដែលយកខួរក្បាលគិតពីបញ្ហាទេ។ បើគិតពីបញ្ហាធ្វើឱ្យការគេងគាត់មិនស្ងប់ពេលភ្ញាក់ឡើងអារម្មណ៍គាត់មិនល្អនោះទេ។

បើថ្ងៃណាមួយលោក Aliko អស់កម្លាំងពេក គាត់នឹងចូលសម្រាកឱ្យរាងលឿន ដើម្បីភ្ញាក់ឡើងមានថាមពលធ្វើការបង្កើនប្រាក់ចំណេញ។ គាត់ដឹងថា អារម្មណ៍ល្អដោះស្រាយបញ្ហាក៏លឿនដែរ មានប្រសិទ្ធភាពមានលទ្ធផលខ្ពស់ ហើយចំណូលកាន់តែច្រើនឡើងទ្វេដង។ រឿងសំខាន់មួយដែលជួយឱ្យការគេងរបស់លោក Aliko ស្ងប់ល្អបំផុតនោះ គាត់តែងតែចំណាយពេលេវេលាអានសៀវភៅដើម្បីអភិវឌ្ឍចិត្តគំនិតនិងសមត្ថភាពបន្ថែម។ អារម្មណ៍មនុស្សយើងអាចនឹងបែកខ្ញែកពេញមួយថ្ងៃព្រោះតែមានកិច្ចការរវល់ច្រើនណាស់ ដូច្នេះហើយសេដ្ឋីរូបនេះ ប្រើប្រាស់ការអានដើម្បីប្រមូលអារម្មណ៍ផ្ដុំអារម្មណ៍ឱ្យមូលឱ្យស្ងប់មុនគាត់ចូលគេង។ ទោះបីគាត់គេងតែ ៤ម៉ោងពេលគាត់ស្ងប់ចិត្តបែបនេះ ធ្វើឱ្យគាត់មានអារម្មណ៍ដូចជាគេង៨ម៉ោងដែរ។ បើអ្នកចង់មានអារម្មណ៍ស្ងប់ អារម្មណ៍មានក្តីសុខ ខ្ញុំសូមណែនាំសៀវភៅ លំហូរចិត្ត ១ក្បាលជាសៀវភៅឱ្យចិត្តរបស់អ្នករឹងមាំ មានសន្តិភាពផ្លូវចិត្តបំផុត៕ អត្ថបទដោយ៖ ទ្រ សុភាព

អ្នកអាចទិញសៀវភៅ លំហូរចិត្ត ទិញតាមនេះ៖ https://t.me/BusinessCambodiaBook