បញ្ហាលើសទម្ងន់ ជាពិសេសការដុះខ្លាញ់ក្បាលពោះ ត្រូវបានគេមើលឃើញថា ជាមូលហេតុដ៏ចម្បងដែលអាចបណ្ដាលឲ្យមានបញ្ហាសុខភាពជាច្រើន ។ ការសម្រកខ្លាញ់ក្បាលពោះ អាចជាការងារដ៏លំបាកមួយ បើប្រៀបធៀបជាមួយការសម្រកខ្លាញ់នៅផ្នែកផ្សេងៗទៀតនៃរាងកាយ ដែលតម្រូវឲ្យអនុវត្តតាមក្បូនខ្នាតដ៏ត្រឹមត្រូវ ទើបទទួលបានប្រសិទ្ធភាព ។ ខាងក្រោមនេះ ជាធម្យោបាយទាំង៥យ៉ាង ដែលអាចជួយក្នុងការស្រកខ្លាញ់ក្បាលពោះ ដោយសុវត្ថិភាព។
១. ដកដង្ហើមឲ្យវែងៗ៖ អារម្មណ៍ស្រ្តេសក៏ជាមូលហេតុនាំឲ្យលើសទម្ងន់ផងដែរ ។ ការដកដង្ហើមចេញចូលឲ្យបានវែងៗ អាចជួយដល់ដំណើរការនៃអ័រម៉ូន បន្ថយចង្វាក់បេះដូង និងកាត់បន្ថយសកម្មភាពរាងកាយ ដែលនាំឲ្យស្រកទម្ងន់ ជាពិសេសខ្លាញ់ក្បាលពោះតែម្ដង ។
២. ញ៉ាំអាហារសម្បូរប្រូតេអ៊ីន៖ ជាតិប្រូតេអ៊ីន ជួយឲ្យលោកអ្នកមានអារម្មណ៍ឆ្អែតបានយូរ ជួយបន្ថយល្បឿននៃការបំបែកជាតិកាឡូរី ដែលជាមូលហេតុនាំឲ្យលើសជាតិខ្លាញ់ ។
៣. កាត់បន្ថយការញ៉ាំផ្អែម៖ ទម្លាប់ញ៉ាំអាហារមានជាតិស្ករខ្ពស់ ជាពិសេសភេសជ្ជៈផ្អែម គឺជាមូលហេតុដ៏សំខាន់ដែលនាំឲ្យដុះខ្លាញ់ក្បាលពោះលឿន ដូន្នេះសូមជៀសវាងឱ្យបាននូវអាហារមានស្ករច្រើន។
៤. ញ៉ាំទឹកក្រូចឆ្មារ៖ មានសមត្ថភាពជួយកាត់់បន្ថយការដុះជាតិខ្លាញ់ត្រង់ក្បាលពោះ និងជួយបំពេញជាតិទឹកដល់រាងកាយបានល្អ ។ ក្រៅពីនេះ ក្រូចឆ្មារក៏មានផ្ទុកជាតិកាឡូរីទាប ដែលមិនធ្វើឲ្យឡើងទម្ងន់នោះទេ ។
៥. ហាត់ប្រាណ៖ ការហាត់ប្រាណតាមរយៈការដើរ(ដើរញាប់ៗ) បានជួយលៃតម្រូវកម្រិតអ័រម៉ូន អាំងស៊ុយលីនបានល្អ ដែលអាចជួយកាត់បន្ថយការផ្ទុកជាតិខ្លាញ់ត្រង់ក្បាលពោះបានយ៉ាងមានប្រសិទ្ធភាព ។
ការសម្រកទម្ងន់សូមកុំចេះតែសម្រកតាមចិត្តចង់ បងប្អូនត្រូវពិចារណា និងស្វែងយល់ឱ្យស៊ីជម្រៅ ពិសេសផលិតផលលើទីផ្សារតែម្ដង។
អត្ថបទពីការឡើងគីឡូៈ អ្នកធាត់កាម៉ាប់ៗ មិនប្រញាប់ហាត់ប្រាណ តិចអង្គុយយំដោយសារជំងឺ ៣នេះ
ប្រភព៖ www.eatthis.com