ការថែរក្សាសុខភាព ជារឿងសំខាន់ណាស់។ បើអ្នកធាត់ខ្លាំង ជាហេតុកើតជំងឺច្រើនមុខណាស់។ យើងបានឃើញថា អ្នកធាត់គ្មានលំហាត់ប្រាណ អាចវិវត្តកើតជំងឺទឹកនោមផ្អែម ជំងឺបេះដូង និងជំងែផ្សេងៗ ទៀត។ ថ្ងៃនេះ ចាបបៃតង សុំលើកអ្នកធាត់គ្មានលំហាត់ប្រាណ ប្រឈមនឹងជំងឺ ៣នេះ ជាជំងឺគ្រោះថ្នាក់បំផុត៖

១. អ្នកធាត់ងាយមានហានិភ័យដល់ជីវិត

តាមគេហទំព័រ Smithsonian Magazine​ បានចុះផ្សាយថា មានការសិក្សាមួយបានបញ្ជាក់ពីចំនួនអ្នកស្លាប់ភាគច្រើន មកពីខ្វះលំហាត់ប្រាណ និងគ្មានទំនួលខុសលើរបបអាហាររបស់ខ្លួន នាំឱ្យកើតជំងឺគាំងបេះដូង និងដាច់សរសៃរឈាម។ ហើយបានបន្តថា ការធ្វើលំហាត់ប្រាណនេះ ជាវិធីមួយប្រឆាំងនឹងជំងឺ និងឱ្យមនុស្សរស់នៅបានយូរ។ ពេលរាងកាយយើងទន់ខ្សោយ អាយុកាន់តែច្រើន(៣៥ឆ្នាំឡើងទៅ) សុខភាពរបស់យើងមិនអាចទប់ទល់ជាមួយជំងឺជាច្រើនបានទេ ដូចជា ជំងឺធាត់ ជំងឺសម្លាក់ ជំងឺលើសឈាម...។ ការបញ្ចុះគីឡូ ជាវិធីការពារកាត់បន្ថយហានិភ័យជំងឺបានល្អបំផុត។

២. ជំងឺផ្លូវចិត្ត

មនុស្សប្រុស ស្រីជាដើម ពេលធាត់តែងមានអារម្មណ៍ខ្មាស់អៀនក្នុងការចូលរួមសង្គម​ មានអ្នកមើលងាយ និងបង្អប់ វាធ្វើឱ្យពួកគាត់ធ្លាក់ទឹកចិត្ត។ តាមការស្រាជ្រាវជាច្រើនបានបង្ហាញថា អ្នកធាត់មានអារម្មណ៍ធ្លាក់ទឹកចិត្ត ហើយតែងតែចូលចិត្តនៅម្នាក់ឯង និងគិតច្រើនផងដែរ។ សេចក្តីសុខរបស់ពួកគេហូបច្រើន និងចូលចិត្តនៅក្នុងផ្ទះ នេះជាហេតុបង្កជំងឺ។ មានអ្នកធាត់ជាច្រើន នៅសហរដ្ឋអាមេរិក ដែលអាចប្រែខ្លួនពីមនុស្សធាត់ មកជាអ្នកមានសាច់ដុំ មានរាងស្អាត និងមានសុខភាពល្អ ពួកគេតែងនិយាយថា ការធ្វើលំហាត់ប្រាណ ជាវិធីបង្កើតទំនុកចិត្ត​ដែលធ្វើឱ្យពួកគេចូលសង្គម ដោយគ្មានអារម្មណ៍ខ្មាស់អៀនដូចពីមុននោះទេ។

៣. អ្នកធាត់មានជំងឺទាំងនេះ

អ្នកធាត់ឡើងកាម៉ាប់ៗ មិនប្រញាប់ហាត់ប្រាណទេ មិនយូរប៉ុន្មាន ច្បាស់ជាមានដូចជាជំងឺទឹកនោមផ្អែម ជំងឺលើសឈាម ជំងឺដាច់សរសៃឈាមខួរក្បាល និងជំងឺគាំបេះដូង នេះជាកត្តាជំងឺធ្វើឱ្យមនុស្សឆាប់ស្លាប់បំផុត។ ភាពអសកម្មដែលគ្មានការធ្វើលំហាត់ប្រាណនេះឯង អាចនាំឱ្យមានហានិភ័យធំបំផុតក្នុងការរស់នៅរបស់មនុស្សគ្រប់គ្នា។

តាមការសិក្សាមួយ អស់រយៈពេល ១២ ឆ្នាំបានរកឃើញថា មនុស្សកង្វះសកម្មភាពរាងកាយ(លំហាត់ប្រាណ) ធ្វើឱ្យទម្ងន់របស់ពួកគេមានការធាត់ទ្វេដង។ នៅសាកលវិទ្យាល័យខេមប្រ៊ីដមានមនុស្សចូលរួមបុរស និងស្រ្តីចំនួន ៣៣៤.១៦១ នាក់ ក្នុងរយៈពេល ១២ឆ្នាំក្រោយមក មានអ្នកស្លាប់មុនអាយុ ២១.៤៣៨ នាក់មកពីបញ្ហាសុខភាព។

អ្នកស្រាវជ្រាវផ្នែកកាយសម្បទា បានរកឃើញថា អ្នកដែលធ្វើលំហាត់ប្រាណ ២០ ទៅ ៣០ នាទីជារៀងរាល់ថ្ងៃ​ កុំឱ្យស្លាប់មុនអាយុចំនួន ១៦% ទៅ ៣០ %។ មានសេចក្តីប្រកាសព័ត៌មានមួយរបស់លោក Ulf Ekelund មកពីសាកលវិទ្យាល័យខេមប្រ៊ីដបាននិយាយថា“ នេះជាសារដ៏សាមញ្ញមួយ៖ គ្រាន់តែលោកអ្នកហាត់ប្រាណបន្តិចបន្តួចក្នុងមួយថ្ងៃៗ វាអាចមានគុណប្រយោជន៍ច្រើនចំពោះសុខភាពផ្លូវចិត្ត និងរាងកាយរឹងមាំផងដែរ។

អ្នកធាត់ និងអ្នកស្គម មិនបានធ្វើលំហាត់ប្រាណទេ ក៏មានហានិភ័យដល់សុខភាព ដែលធ្វើឱ្យពួកគេឆាប់ស្លាប់បំផុតផងដែរ។ ការហាត់ប្រាណជាប្រចាំ ជួយដល់អ្នកមិនលើសទម្ងន់ បេះដូងដើរស្រួល ជួយឱ្យអ្នកមានអារម្មណ៍ល្អ និងមានការរស់នៅស្រួលផងដែរ៕

អត្ថបទស្រាវជ្រាវដោយ៖ ទ្រ សុភាព