ចង់បានស្បែកស្អាត ស្បែកមិនងាយចាស់ ស្បែកមានសុខភាពល្អ ត្រូវដឹងពីវិធីថែស្បែករបស់អ្នក។ បើកាលណាអ្នកជាមននុស្សចេះថែស្បែកបានល្អ សុខភាពស្បែករបស់អ្នកក៏ល្អ មិនងាយចាស់ មិនងាយខូចមិនងាយជ្រីវជ្រួញទៅតាមអាយុនោះឡើយ។

អាស្រ័យហេតុនេះហើយក្រុមការងារចាបៃតង សូមចែករំលែកទម្លាប់ថែស្បែក៥យ៉ាង បើអ្នកធ្វើបានស្បែកមិនងាយចាស់មិនងាយមានបញ្ហា​នៅតែស្អាតជាងអាយុមិនខាននេះបើយោងតាមរយៈគេហទំព័រ MAYOCLINIC ។

ទម្លាប់ទី១ការពារខ្លួនអ្នកពីព្រះអាទិត្យ គឺជាមធ្យោបាយល្អបំផុតមួយការពារស្បែករបស់អ្នកពីភាពជ្រីវជ្រួញចាស់ និងអុចខ្មៅជាដើម។ជាពិសេសពន្លឺព្រះអាទិត្យនៅម៉ោង១០ព្រឹកដល់ម៉ោង៤ល្ងាច ព្រោះម៉ោងនេះពន្លឺព្រះអាទិត្យកំពុងបញ្ចេញខ្លាំងដូច្នេះវាអាចនឹងប៉ះពាល់ខ្លាំងដល់ស្បែករបស់អ្នក។ មួយវិញទៀតប្រសិនណាអ្នកចង់ចេញក្រៅគួរតែស្លៀកពាក់បិទបាំងឱ្យបានត្រឹមត្រូវផងដែរ។​

ទម្លាប់ទី២លាបឡេការពារកម្ដៅថ្ងៃ​ គឺអាចជួយរក្សាស្បែកអ្នកឱ្យមានសុខភាពល្អមួយកម្រិតដែរ។ សម្រាប់វិធីលាប អ្នកគួរតែលាបឱ្យបាន១៥នាទីមុនចេញទៅក្រៅទើបអាចជួយការពារស្បែករបស់អ្នកបានច្រើនភាគរយ។ មួយវិញទៀតមិនមែនលាបតែម្ដងក្នុង១ថ្ងៃនោះទេ គួរតែលាបឱ្យបានច្រើនដងឬក៏២ម៉ោងលាបម្ដងប្រសិនណាអ្នកចេញក្រៅច្រើនទើបអាចជួយការពារស្បែករបស់អ្នកពីពន្លឺព្រះអាទិត្យពេញ១ថ្ងៃបាន។

ទម្លាប់ទី៣ការពារស្បែក ដឹងពីការប្រើប្រាស់សាប៊ូផ្សេងៗដើម្បីដុសសម្អាតខ្លួន។ តែត្រូវចៀសវាងក្រុមសាប៊ូណាដែលអាចកាត់ជាតិប្រេងចេញពីស្បែករបស់អ្នកខ្លាំង។ មានន័យថាកុំព្យាយាមប្រើប្រាស់សាប៊ូដែលកាត់ស្បែករបស់អ្នកខ្លាំង គួរតែប្រើសាប៊ូស្រាលៗទើបល្អសម្រាប់ស្បែក។ លើសពីនេះពេលងូតទឹករួចកុំជូតសម្អាតខ្លួនខ្លាំងៗពេកមិនល្អសម្រាប់ស្បែករបស់អ្នកនោះទេ។

ទម្លាប់ទី៤របបអាហារ របបអាហារដែលមានសុខភាពល្អអាចជួយឱ្យអ្នកមានសុខភាពស្បែកល្អដូចគ្នា។ តាមរយៈការសិក្សាបានរកឃើញថា ញុំារបបអាហារដូចជា ញ៉ាំផ្លែឈើ បន្លែ គ្រាប់ធញ្ញជាតិ និងប្រូតេអ៊ីនគ្មានខ្លាញ់ច្រើន ប្រេងរុក្ខជាតិ​ប្រេងត្រី អាហារមានជាតិខ្លាញ់ទាបអាចធ្វើឱ្យស្បែករបស់អ្នកក្មេងជាងវ័យច្រើនមិនងាយនឹងចាស់។​ក្រៅពីរបបអាហារ ការកាត់បន្ថយភាពតានតឹងក៏អាចជួយធ្វើឱ្យស្បែករបស់អ្នកមានសុខភាពល្អដូចគ្នា៕

អត្ថបទដោយ៖ ធីតា