វេជ្ជបណ្ឌិត និងបុគ្គលិកសុខាភិបាលជាង ៣៥០ នាក់រកឃើញឆ្លងកូវីដ‑១៩ និងមនុស្សរាប់សិននាក់ត្រូវបានបញ្ចូនទៅសម្រាលព្យាបាលនៅមន្ទីពេទ្យដោយក្ដីទុក្ខកង្វល់ បើទោះបីជាចាក់វ៉ាក់សុំាង ស៊ីណូវ៉ាក់​ហើយក្ដី នេះបើយោងតាមការចុះផ្សាយរបស់ Bangkokpost កាលពីថ្ងៃទី១៧ ខែមិថុនា ម្សិលមិញ។

ប្រធានការិយាល័យសុខភាពនៅតំបន់ Kudus ដែកស្ថិតលើកោះជ្វា នៅក្នុងប្រទេសឥណ្ឌូនេស៊ី មានប្រសាសន៍ថា តំបន់ Kudus កំពង់តែមានការផ្ទុះកូវីដខ្លាំងជាងគេនៅក្នុងប្រទេស ហើយប្រភេទវីរុសដែលកំពុងផ្ទុះនេះ គឺមានឈ្មោះថា Delta ដែលមានប្រភពមកពីប្រទេស​ឥណ្ឌា។

នៅក្នុងនោះដែរ ប្រធានការិយាល័យសុខភាព បានបន្ថែមថា នៅក្នុងតំបន់​ Kudus នេះមានបុគ្គលិកថែទាំសុខាភាពប្រមាណជា ៥,០០០នាក់កំពុងតែលុតដៃលុតជើងប្រយុទ្ធប្រឆាំងការពារការផ្ទុះកូវីដក្នុងតំបន់នោះ។

គួរបញ្ជាក់ថា សមាគមវេជ្ជសាស្ត្រឥណ្ឌូនេស៊ី (IDI) បានបញ្ជាក់ដែរថា បុគ្គលិកសុខាភិបាលស្ទើរតែទាំងអស់ នៅក្នុងប្រទេសឥណ្ឌូនេស៊ី បានទទួលវ៉ាក់សាំង Covid-19 របស់ចិន Sinovac តាំងពីខែ មករា ឆ្នាំ២០២១ មកម្ល៉េះ ហើយប្រជាជនភាគច្រើន ក៏បានទទួលវ៉ាក់សាំងចិននេះ ផងដែរ ៕

អត្ថបទដោយ៖ម៉ាង វិសិដ្ឋារតន៍