ការហូបអាហារណាមួយសុទ្ធតែប៉ះពាល់ដល់ខួរក្បាល។ ដូចជាអ្នកផឹកស្រារាល់ថ្ងៃប្រព័ន្ធការគិតរបស់អ្នកនឹងចុះខ្សោយ។ ដូចនេះហើយ ការញ៉ាំអាហារល្អៗ ពិតជាជួយខួរក្បាល កុំឱ្យស្រ្តេស កុំឱ្យគិតយឺត និងខួរក្បាលស្រស់ផងដែរ។ សម្រាប់អាហារទាំង ៣នេះល្អបំផុតសម្រាប់ខួរក្បាល៖
១. ទឹកសណ្តែក៖ នៅសារចិញ្ចឹមនៅក្នុងទឹកសណ្តែក ក៏មានប្រយោជន៍មិនចាញ់ទៅនឹងទឹកដោះគោប៉ុន្មានដែរ ព្រោះមានការសិក្សាស្រាវជ្រាវមួយចំនួនបានបង្ហាញថា ទឹកដោះគោសណ្តែក អាចជំរុញឱ្យមានប្រសិទ្ធិភាព sedative ធម្មជាតិ ដោយធ្វើឱ្យប្រសើរឡើងនូវកម្រិត Melatonin របស់រាងកាយ កាត់បន្ថយភាពតានតឹង ជំរុញដល់វដ្តនៃការគេងឱ្យកាន់តែមានគុណភាព។
២. ផ្លែក្រូចកាត់ស្រ្តេសខួរក្បាល៖ តាមប្រភព Health Shots អ្នកជំនាញផ្នែកកាយសម្បទា និងអាហារូបត្ថម្ភ លោក Rohit Shelatkar បានលើកឡើងថា ការហូបផ្លែក្រូចជាផ្លែឈើមានរសជាតិដ៏ឆ្ងាញ់បូករួមនឹងមានវីតាមីនជាច្រើនប្រភេទ។ កាលណាមនុស្សយើងទទួលបានវីតាមីនច្រើនធ្វើឱ្យប្រព័ន្ធភាពសុំាក្នុងខ្លួនកាន់តែរឹងមាំ ដើម្បីការពារអ្នកចេញពីជំងឺផ្លូវចិត្តធ្ងន់ធ្ងរ និងខួរក្បាលស្រស់ស្រាយផងដែរ។
៣. -គ្រាប់ជី លាយជាមួយទឹកដោះគោជូ និងផ្លែឈើ៖ ជាការពិតណាស់ នាពេលព្រឹក បងប្អូនអាចសាកល្បងញុំាប្រភេទ គ្រាប់ជីលាយជាមួយទឹកដោះគោជូ មានបន្ថែមផ្លែឈើខ្លះៗបាន ព្រោះវាមានប្រយោជន៍ច្រើនជួយដល់ សុខភាពក្រពះពោះវៀន រួមទាំងល្អសម្រាប់សុខភាពខួរក្បាល រាងកាយពេញ ។ ជាពិសេសល្អសម្រាប់អ្នកដែលចង់សម្រកគីឡូបានផងដែរ៕ អត្ថបទដោយ៖ ទ្រ សុភាព