១. រៀនគ្រប់គ្រង និងហ៊ានសាកល្បងប្រឈមនឹងហានិភ័យ៖ ប្រសិនបើអ្នកខ្លាចមិនហ៊ានសាកល្បងប្រឈមនឹងហានិភ័យអ្វីសោះក្នុងជីវិត អ្នកក៏នឹងត្រូវធ្វើជាមនុស្សធម្មតាជារៀងរហូត។ ប៉ុន្តែក្នុងន័យនេះគឺមិនមែនឱ្យប្រថុយទាំងមិនបានត្រៀមអ្វីសោះនោះទេ​ ពោលគឺប្រថុយដោយបានត្រៀមខ្លួន គិត វិភាគស៊ីជម្រៅ និងរៀបចំឱ្យបានល្អបំផុត។

២. ផ្តោតលើពេលវេលាបច្ចុប្បន្នកាល៖ បច្ចុប្បន្នកាលគឺជាកាដូដ៏មានតម្លៃ ដូច្នេះត្រូវរស់ជាមួយវាឱ្យបានល្អបំផុត។ សូមកុំរស់នៅដិតដាមជាមួយនឹងអតីតកាលដែលមិនល្អ ហើយក៏កុំរស់នៅដោយព្រួយបារម្ភខ្លាំងពេកជាមួយនឹងអនាគតដែលមិនទាន់មកដល់។

៣. ហ៊ានធ្វើអ្វីៗដែលអ្នកពិតជាចង់ធ្វើ៖ មនុស្សភាគច្រើនត្រូវបានរស់នៅដោយត្រូវគ្រប់គ្រងដោយភាពភ័យខ្លាច ដូច្នេះសូមអ្នកកុំបណ្ដោយខ្លួនឱ្យស្ថិតក្នុងក្រុមមនុស្សមួយក្រុមនេះដែរឱ្យសោះ។ ប្រសិនបើអ្នកពិតជាចង់សម្រេចអ្វីមួយពិតមែន សូមធ្វើវាដោយមោះមុត និងតស៊ូក្រាញននៀលនឹងវា រហូតសម្រេចជោគជ័យ។

៤. ឈប់មានលេស៖ មនុស្សភាគច្រើនតែងតែមានបិសាចក្នុងខ្លួន ដែលគេអាចហៅមួយបែបទៀតថាជាលេស។ លេសវាមិនបានធ្វើឱ្យជីវិតមនុស្សរីកចម្រើននោះទេ ដូច្នេះ បើទោះបីជាមានបញ្ហាអ្វី ជួបភាពបរាជ័យ ឬធ្វើអ្វីមិនបានដូចចិត្ត ត្រូវចេះទទួលស្គាល់ការពិត ហើយកុំបន្ទោសកត្តាជុំវិញខ្លួនតទៅទៀត៕