ការមានសុខភាពរឹងមាំ និងរក្សាសម្រស់ ជារឿងមនុស្សត្រូវគិតយកចិត្ត ដើម្បីរក្សាបន្តភាពស្រស់ស្អាត។ តាមលោកយាយ Iris Apfel មានវ័យ១០២ឆ្នាំ ដែលកើតឆ្នាំជាតារា និងជាអ្នករចនាម៉ូតដ៏អស្ចារ្យដែលគាត់នៅតែមានសុខភាពរឹងមាំដូចវ័យក្មេង និងរក្សាវ័យស្រស់ស្អាត ហើយមានស្តាយជាប្រចាំខ្លួន ជាស្តាយស្រស់ឆើតឆាយ។
លោកយាយ Iris Apfel បាននិយាយថា “ការរក្សាសុខភាពឱ្យរឹងមាំ និងរក្សាវ័យឱ្យស្រស់ស្អាត គឺកើតពីខ្ញុំមានការផ្តោតអារម្មណ៍លើការងារឱ្យខ្លាំង ពីព្រោះខ្ញុំជាអ្នកស្រឡាញ់ការច្នៃម៉ូតឱ្យមានភាពប្លែក ហើយខ្ញុំជាមនុស្សមានស្តាយប្រចាំខ្លួន។” លោកយាយ Iris Apfel បានបន្តថា ការផ្តោតអារម្មណ៍លើការងារឱ្យខ្លាំង គឺជាថ្នាំ ដែលជួយសង្គ្រោះសុខភាពរបស់ខ្ញុំ”។ នេះបើតាមសម្តីរបស់ Apfel ក្នុងពិធីសម្ពោធភាពជាដៃគូរបស់គាត់ជាមួយយីហោ INC International Concepts ដែលបានដាក់ឈ្មោះថា“ Iris Meets INC” នៅទីក្រុងញូវយ៉ក។
ការដែលធ្វើឱ្យសុខភាពគាត់មានសុខភាពរឹងមាំ គាត់ធ្វើកិច្ចការខ្លាំង គឺរាងកាយរបស់គាត់មានចលនារហូត វាធ្វើឱ្យសរសៃឈាម និងដំណើរបេះដូងរបស់គាត់ដំណើរការល្អផងដែរ។ គាត់មិនបានធ្វើលំហាត់ប្រាណខ្លាំងៗ ទេ កិច្ចការរបស់គាត់ជាប្រចាំថ្ងៃនេះ ជាលំហាត់ប្រាណ ដើម្បីសុខភាពដូចជាជនជាតិជប៉ុននៅកោះអូគីណាវ៉ាផងដែរ។
ទោះបីលោកយាយ Iris Apfel មានអាយុច្រើន តែគាត់នៅតែបន្តធ្វើការងារ នេះជារឿងមួយ ដែលធ្វើឱ្យគាត់មានអាយុវែង និងស្រស់ស្អាតទៀត។ តែវាក៏មានការនាក់ទងជាមួយរបបអាហារ និងលំហាត់ប្រាណរបស់គាត់ផងដែរ (លោកអ្នកអាចអានអត្ថបទខាងក្រោមនេះ)។ តាមការស្រាវជ្រារបស់លោក Dan Buettner ជាអ្នកនិពន្ធសៀវភៅមួយចំណងជើងថា The Blue Zones បានសរសេរថា មានប្រជាជនអាមេរិកដែលចូលនិវត្តន៍ជាច្រើន បានស្លាប់ក្នុងឆ្នាំដំបូង ពេលឈប់ធ្វើការងារ គឺមកពីអស់កម្លាំងចិត្តក្នុងការរស់នៅ។ តាមវិរៈបុរសលោក វីនស្តុន ឆឺចឈីល បាននិយាយថា កុំរស់នៅដោយគ្រាន់តែរស់ពីមួយថ្ងៃ ទៅមួយថ្ងៃ គឺយើងត្រូវឱ្យច្បាស់ថា យើងរស់នៅដើម្បីអ្វី? ចំពោះលោកយាយ Iris Apfel បាននិយាយ ខ្ញុំស្រឡាញ់អ្វី ដែលខ្ញុំកំពុងតែធ្វើពេលនេះ។ វាមិនធ្វើឱ្យខ្ញុំមានអារម្មណ៍តានតឹងទេ ពីព្រោះវាជារបៀបរស់នៅរបស់ខ្ញុំ ហើយវាជួយសុខភាពរបស់ខ្ញុំកាន់តែរឹងមាំផងដែរ៕ អត្ថបទដោយ៖ ទ្រ សុភាព