មនុស្សយើងសព្វថ្ងៃនេះ បើមានជំងឺរស់ក្នុងខ្លួនហើយ ពិតជាមានអារម្មណ៍លំបាកវេទនាណាស់។ ជាពិសេសអ្នកត្រូវដឹងពីវិធីសាស្រ្តរបស់វេជ្ជបណ្ឌិត John Scharffenberg ដែលមានវ័យ ១០០ឆ្នាំជួយការពារជំងឺទឹកនោមផ្អែមនិងជំងឺលើសឈាម។ គាត់បានលើកឡើងថា កុំធ្វើរឿងទាំង ៦នេះ កុំផឹកគ្រឿងស្រវឹង(១) កុំថ្នាំជក់(២) កុំអសកម្មផ្នែករាងកាយ(៣) កុំឱ្យលើសគីឡូ(៤) កុំហូបសាច់ច្រើនពេក(៥) និងកុំហូបអាហារមានជាតិស្ករកែច្នៃច្រើនពេក(៦) ពេលអ្នកមានទម្លាប់បែបនេះ អ្នកនឹងរស់នៅកាត់បន្ថយជំងឺលើសឈាមបាន៨០% និងទឹកនោមផ្អែម ៨៨% ឯណោះ។
ពេលអ្នកកុំធ្វើរឿងទាំង ៦យ៉ាងនេះ អ្នករស់នៅលែងត្រូវការថ្នាំពេទ្យទៀតហើយ វាជារបៀបរស់នៅចិញ្ចឹមសុខភាពល្អឱ្យអ្នកនៅឆ្ងាយពីជំងឺផ្សេងៗផងដែរ។ មានសំណួរគេបានសួរលោកវេជ្ជបណ្ឌិត Scharffenberg ថា អ្នកលើសគីឡូប្រឈមជំងឺទឹកនោមផ្អែមនិងជំងឺលើសឈាមខ្ពស់មែនទេ? ហើយលោកវេជ្ជបណ្ឌិតឆ្លើយបតថា នេះជាការពិត។ អ្នកមានជម្រើស២ ដើម្បីការពារជំងឺនេះទី១.អ្នកត្រូវរៀបចំរបបអាហារមួយថ្ងៃញ៉ាំបីពេលឬពីរពេលជាអាហារធំ ដែលស្ថិតលើបន្លែ ផ្លែឈើ ត្រី និងសាច់ចំនួនតិច កុំហូបអាហារតូចៗ ច្រើនពេកវានាំឱ្យអ្នកលើសគីឡូតោងតែជំងឺចូលខ្លួនទេ។
សម្រាប់ជម្រើសទី២វិញគឺលំហាត់ប្រាណ ទោះបីខ្ញុំមានអាយុ ១០០ឆ្នាំខ្ញុំនៅតែហាត់ប្រាណដដែល។ លំហាត់ជួយបញ្ចុះជាតិស្ករនិងជាតិខ្លាញ់ចេញពីរាងកាយ។ ពេលអ្នកហាត់ប្រាណរួច សរសៃឈាមរបស់អ្នកដើរស្រួលព្រោះតែវាកម្ចាត់ជាតិពុលនិងបញ្ចេញអរម៉ូនអារម្មណ៍រីករាយផងដែរ។ នេះជាបច្ចេកទេសក្នុងការផ្លាស់ប្តូររបៀបរស់នៅការពារជំងឺលើសឈាមនិងទឹកនោមផ្អែម។ មានដឹងអាក្រក់មួយ សព្វថ្ងៃនេះមនុស្សមួយធំនៅអាមេរិកកំពុងឈឺក្នុងរយៈពេល ៣០ឆ្នាំចុងក្រោយនៃជីវិតរបស់ពួកគេ តស៊ូជាមួយការលេបថ្នាំជាប្រចាំថ្ងៃ។
សូម្បីតែលោកគ្រូពេទ្យ ចាន់ភក្ដី បានបញ្ជាក់បន្ថែមទៀតថា ការពិនិត្យសុខភាពរយៈពេលមួយឆ្នាំម្តងឬពីរម្តងសម្រាប់ប្រជាជនយើងដើម្បីដឹងពីអាការៈជំងឺរយៈពេល៥ឆ្នាំខាងមុន ហើយយើងអាចការពារជំងឺទុកជាមុន។ ព្រោះការពិនិត្យសុខភាពជួយការពារជំងឺទឹកនោមផ្អែមទុកជាមុនយ៉ាងល្អថាយើងលើសកម្រិតជាតិស្ករនិងខ្លាញ់កម្រិតណា? ឬមួយទៀតដឹងថា យើងកើតជំងឺទឹកនោមផ្អែមកម្រិតស្រាល ឬកម្រិតធ្ងន់ធ្ងរ? ហើយគួរហូបអាហារបែបណាល្អសុខភាព និងធ្វើលំហាត់ប្រាណដើម្បីបញ្ចុះជាតិស្ករក្នុងឈាមជាដើម”។
ដូច្នេះ បើសរុបឱ្យយខ្លីគឺថា កុំធ្វើរឿងទាំង៦នេះ អ្នកគួរតែផ្តោតអារម្មណ៍លើរបបអាហារពេលណាគួរហូប ពេលណាមិនគួរហូរ ព្យាយាមបញ្ចុះជាតិស្ករនិងគីឡូដោយការធ្វើលំហាត់ប្រាណ ហើយគួរតែពិនិត្យសុខភាពមួយឆ្នាំមួយម្តងជាការល្អបំផុត។ ដំណេកក៏ជារឿងសំខាន់ដែរ បើដេកអត់លក់ទេ អ្នកគួរធ្វើសមាធិ អានសៀវភៅ ស្តាប់ចម្រៀង សំខាន់សម្រួលអារម្មណ៍ឱ្យស្ងប់... រឿងទាំងអស់នេះជាទម្លាប់រស់នៅជាប្រចាំថ្ងៃរបស់អ្នក។ ទម្លាប់ល្អដុះសុខភាពល្អ រស់គ្មានជំងឺនោះទេ៕ អត្ថបទដោយ៖ ទ្រ សុភាព
សៀវភៅ "លំហូរចិត្ត" លោកអ្នកអាចទិញតាម https://t.me/hangchhengH24
