រាល់មនុស្សគ្រប់រូបដែលរស់នៅលើផែនដីមួយនេះ គឺសុទ្ធសឹងតែ ប្រាថ្នាចង់បានការរស់នៅដោយសុខសាន្ត ប្រកដដោយអាយុយឺនយូ ជាពិសេសនោះគឺសុខភាពល្អគឺជាកត្តាចម្បងដែលមនុស្សគ្រប់គ្នាត្រូវការ ដូចពាក្យមួយឃ្លានិយាយថា សុខភាពល្អ ជាទ្រព្យដ៏មានតម្លៃ។ នៅក្នុងនេះផងដែរ យើងសង្កេតឃើញថា ជនជាតិជប៉ុន គឺជាជនជាតិមួយដែលមានការរស់ប្រកបដោយអាយុវែង និងមានសុខភាពល្អ។

តើអ្វីដែលជាអាថ៍កំបាំងស្ថិតនៅពីក្រោយចំណុចពិសេសទាំងនេះ?

 បើយោងទៅតាមការស្រាវជ្រាវ  គេបានបញ្ជាក់ឱ្យឃើញថាជនជាតិនេះមានរបៀបថែសុខភាពបានល្អជាងសាសន៍ដទៃ។ ខាងក្រោមនេះគឺជាវិធីសាស្រ្តសាមញ្ញាទាំង ០៥ ដែលអ្នកអាចយកមកអនុវត្តតាមជប៉ុនបាន ដើម្បីឱ្យសុខភាណរឹងមាំ និងអាយុវែង៖

១. កុំចូលនិវត្តន៍

ប្រជជាជនជប៉ុននៅកោះអូគីណាវ៉ា មានអាយុវែង និងសុខភាពរឹងមាំ មកពីរកឃើញកិច្ចការដែលខ្លួនស្រឡាញ់ ហើយពួកគេតែងរីករាយនឹងវាជាប្រចាំថ្ងៃ។ ហើយពួកគេគ្មានគំនិតចូលនិវត្តន៍នោះទេ។ មានពាក្យមួយរបស់ពួកគេនិយាយថា “ចូរអ្នករក្សាសកម្មភាព ហើយកុំចូរនិវត្តន៍”។ យើងបានឃើញយាយតារបស់យើងនៅស្រុកខ្មែរ ពួកគាត់មិនដែលនៅស្ងៀមទេ ពួកគេតែងតែធ្វើសកម្មភាពរហូត...។

២. សន្សឹមៗកុំបំបោល

ចូរកុំប្រហែសជាមួយនឹង រាល់សកម្មភាពដែលយើងបានធ្វើជារៀងរាល់ថ្ងៃ។ ទោះបីជាយើងធ្វើអ្វីក៏ដោយ កុំប្រញាប់ខ្លាំងពេក នាំឱ្យមានការភ្លាំងភ្លាត់​ ត្រូវចេះរៀបចំផែនការ និងពេលវេលាសម្រាប់ជីវិតឱ្យបានច្បាស់លាស់។ ទុកឱកាសឱ្យខួរក្បាល និងរាងកាយរបបស់យើងបានសម្រាកលំហែរខ្លះ ទើបជីវិតរសើនៅរបស់យើងបានប្រកបដោយតុល្យភាព។

៣. ហូបពាក់កណ្តាល់ក្រពះ

ការហូបអាហារឱ្យត្រឹមត្រូវ នៅជប៉ុន គឺមានគោលការណ៍ “ហូប៨០%” មានអារម្មណ៍ថា ឆ្អែត មិនមែនហូបតាមអារម្មណ៍ឃ្លានទេ។ មាននុស្សជាច្រើន ទោះបីខ្លួនហូបអាហារ មានអារម្មថា ឆ្អែតហើយ នៅតែបន្តហូបអាហារទៀត។ ការធ្វើបែបនេះ ធ្វើឱ្យខូចសុខភាព និងកោសិកាឆាប់ចាស់ទៅវិញទេ។

៤. កុំរស់នៅអតីត និងអនាគត

 មនុស្សដែលមានបញ្ហាផ្លូវចិត្តច្រើន តែងតែខ្វល់ពីអតីតកាល និងអនាគត វាធ្វើឱ្យគាត់គ្មានសតិរស់នៅពេលបច្ចុប្បន្ននេះ។ តាមលោកវេជ្ជបណ្ឌិត Hinohara បានផ្តល់យោបល់ថា អ្នកត្រូវរស់នៅជាមួយការសប្បាយចិត្តក្នុងពេលនេះ ដើម្បីបែបនេះបាន អ្នកកុំប្រកាន់គំនិតនេះក្នុងភាពមានះពេក កុំសន្យំរឿង កុំភ្លេចថែរក្សាចិត្ត គឺអ្នករស់នៅដោយសតិបញ្ញា នៅក្នុងភាពជាកណ្តាល។” អ្នកត្រូវប្រឹងឱ្យអស់ពីសមត្ថភាព និងសម្រួលចិត្តដោយចិត្តនៅកណ្តាល ដើម្បីដឹងចិត្តនេះ យើងត្រូវមានសតិបញ្ហា។

៥. សើចឱ្យច្រើន

ការសើចឱ្យខ្លាំងៗ ធ្វើឱ្យប្រសើទាំងសុខភាពរាងកាយ ផ្លូវអារម្មណ៍តានតឹង ខាងវិញ្ញាណ និងផ្លូវចិត្ត។ ការព្យាយាមនិយាយលេង និងនិយាយគ្នាអំពី​រឿងអ្វីមួយជាមួយមិត្តភក្តិ ឬសមាជិកគ្រួសារ ជាការបង្កើតភាពរីករាយ។ មនុស្សមានអាយុវែងដល់ ១០០ ឆ្នាំ តែងតែសើចខ្លាំងៗ គឺជាថ្នាំប្រឆាំងអុកស៊ីតកម្មធម្មជាតិដ៏ល្អបំផុត៕

អត្ថបទដោយ៖ ទ្រ ​សុភាព