មានដំបូន្មានដ៏ពេញនិយមមួយថា ការគេងប្រាំបីម៉ោងរៀងរាល់យប់នាំឱ្យសុខភាពល្អ។ តាមពិតទៅ! ការចង់គេងច្រើនជាងអ្វីដែលអ្នកត្រូវការនាំឱ្យអារម្មណ៍ក្រៀមក្រំទៅវិញទេ។ ពេលខ្លះមនុស្សមានវ័យខុសគ្នា កត្តាគេងក៏ខុសគ្នាដែរ តែសំខាន់អ្នកគេងឆ្អែត។ នេះជាសម្តីលោកស្រី Shelby Harris អ្នកចិត្តសាស្រ្តនិងជានាយកផ្នែកសុខភាពដំណេកនៅ Sleepopolis ។ លោកស្រីបានបន្តថា អ្នកខ្លះគេង ៧ម៉ោង អ្នកខ្លះគេង ៨ម៉ោង ហើយអ្នកខ្លះទៀតគេងតែ ៦ម៉ោងក៏គ្រប់គ្រាន់ដែរ។ បើអ្នកមានបញ្ហាការគេងមិនលក់ទេ អ្នកត្រូវការ ៣ទម្លាប់ជប់ឱ្យអ្នកគេងលក់ស្រួល៖
១.ប្រកាន់ខ្ជាប់នូវទម្លាប់ការគេង៖ បើអ្នកមានទម្លាប់គេងមិនទៀងទេ ហើយអ្នកមានបញ្ហាការគេង វាគ្មានអ្វីចម្លែកទេ។ តាមសកលវិទ្យាល័យ Temitayo Oyegbile-Chidi ជំនាញខាងសរសៃប្រសាទដំណេក និងអង្គការ National Sleep Foundation បានលើកឡើងថាការគេងលក់ជាដំណើរការរបស់ធម្មជាតិ បើអ្នកមានទម្លាប់ចូលគេងទៀងម៉ោងនោះ អ្នកគ្មានបញ្ហាការគេងទេ។ នេះជាការបង្រៀនរាងកាយឱ្យចូលគេង។ ដើម្បីព្យាបាលទម្លាប់ការគេងអ្នកឡើងវិញនោះ អ្នកត្រូវចំណាយពេល ៣០នាទីដើម្បីរៀបចំខ្លួនមុនចូលគេង៖ ចូរបន្ថយពន្លឺនៅក្នុងបន្ទប់របស់អ្នក។ ផឹកតែរុក្ខជាតិក្តៅមួយពែងសិន។ រៀនធ្វើសមាធិ ២ទៅ៣នាទីឱ្យចិត្តសម្រាកឬចិត្តស្ងប់។ ចូរអ្នកបិទអេក្រង់ទាំងអស់ រួមទាំងទូរទស្សន៍ និងទូរសព្ទផងដែរ។ អានសៀវភៅដើម្បីបន្ធូរអារម្មណ៍តានតឹង...។
២. កត់ក្តីព្រួយបារម្ភ៖ តាមលោកស្រី Shelby Harris បាននិយាយថា ពេលអ្នកគេចវេសពីការពិត អ្នកកាន់តែគេងមិនលក់ទេ។ មធ្យោបាយដើម្បីដោះស្រាយបញ្ហាការគេងនេះ ចូរកំណត់បញ្ជីដែលអ្នកមានការព្រួយបារម្ភរក្នុងចិត្តចេញមកហើយស្វែងរកដំណោះស្រាយម្តងមួយៗ ចិត្តរបស់អ្នកនឹងស្ងប់។ ការសរសេរបញ្ជីការងារដែលអ្នកត្រូវធ្វើបែបនេះ ជួយសម្រាលបន្ទុកដោយការធានាថា ខ្លួនអ្នកដឹងកិច្ចការត្រូវធ្វើ? ចាប់ផ្តើមដោះស្រាយបញ្ហានៅត្រង់ចំណុចណា? ហើយមានទទួលខុសត្រូវអ្វីខ្លះ? ការប្រឈមការពិតបែបនេះ ចិត្តស្ងប់អ្នកហើយឆាប់គេងលក់។
៣. កុំលេងទូរស័ព្ទ៖ ការលេងទូរស័ព្ទជួយកំដរអារម្មណ៍មែន ប៉ុន្តែវាមិនល្អចំពោះសុខភាពទេ។ បើយោងតាមប្រភព CNET បញ្ជាក់ថា ការគេងអត់លក់អាចបណ្ដាលមកពីពន្លឺពណ៌ខៀវបញ្ចេញពីអេក្រង់ទូរសព្ទដែលបានបញ្ឆោតខួរក្បាលឱ្យគិតគ្មានឈប់ឈរ”។ ការគេងអត់លក់រាល់យប់ផ្សារភ្ជាប់នឹងជំងឺមហារីក ជំងឺបេះដូង និងជំងឺផ្លូវចិត្ត។ មុនចូលគេង អ្នកគួរសមាធិ និងអានសៀវភៅដើម្បីគេងឆាប់លក់៕ អត្ថបទដោយ៖ ទ្រ សុភាព