នៅថ្ងៃទី៣០ ខែសីហា ឆ្នាំ២០២១នេះ ដំណឹងដ៏សោកសៅនៃការបាត់បង់អាយុជីវិតរបស់ក្រុមគ្រូពេទ្យអាវសកម្ពុជាមួយរូប បន្ទាប់ពីការលះបង់កម្លាំងកាយចិត្តសម្រាប់ជួយថែទាំអ្នកជំងឺកូវីដ១៩ និងបានឆ្លងកូវីដ១៩ហើយបានស្លាប់ ក្រោយពេលសម្រាកព្យាបាលនៅក្នុងមជ្ឈមណ្ឌលព្យាបាលកូវីដ។
អ្នកគ្រូពេទ្យដែលបានបាត់បង់ជីវិតនេះ មានឈ្មោះថា អ៊ឹម ស្រីនី ភេទស្រី បានទទួលមរណភាពបន្ទាប់ពីឆ្លងកូវីដ១៩ ក្នុងអំឡុងពេលបំពេញកិច្ចការងារក្នុងការលះបង់ជួយថែទាំអ្នកជំងឺកូវីដ១៩។ អ្វីដែលគួរឱ្យសោកស្ដាយ និងស្រណោះបំផុតនោះគឺ អ្នកគ្រូពេទ្យវ័យក្មេងរូបនេះ ទើបនឹងទទួលបានក្របខណ្ឌពេញសិទ្ធកាលពីពេលថ្មីៗនេះ និងមិនទាន់សូម្បីតែធ្វើពិធីជប់លៀងអបអរសាទនេះផង ប៉ុន្តែអ្នកគ្រូពេទ្យរូបនេះ បានលាចាកលោកមុនទៅហើយ។
ជាចុងក្រោយ សូមគោរពអរគុណអ្នកគ្រូពេទ្យ អ៊ឹម ស្រីនី និងក្រុមគ្រូពេទ្យអាវសកម្ពុជាទាំងអស់ដែលបានលះបង់ ទាំងកម្លាំងកាយ កម្លាំងចិត្តក្នុងការជួយសង្គ្រោះអាយុជីវិតប្រជាជនទូទាំងប្រទេសកម្ពុជា នាសម័យកូវីដនេះ។ ជាមួយគ្នានេះ សូមបងប្អូនទាំងអស់គ្នាមេត្តាប្រុងប្រយ័ត្នបន្ថែមទៀតលើ គម្លាត អនាម័យ នៃការរស់នៅ ត្រូវចេះប្រុងប្រយ័ត្នការពារឱ្យបានខ្ពស់ ដើម្បីចៀសផុតពីជំងឺកាចសាហាវមួយនេះ។
អត្ថបទដោយ៖ តឹក ស៊ីថា