បងប្អូនមួយចំនួនចង់បានស្បែកស រលោង ខំទិញឡេលាប ស្ទើរតែគ្រប់ប្រ៊េនឡេក្នុងស្រុកឱ្យតែចេញថ្មី គឺថាមិនរំលងណាមួយសោះឡើយ។ លាបចុះលាបឡើងមិនត្រឹមតែមិនសដូចប្រាថ្នាទេ រើសឡេខុស ធ្វើឱ្យស្បែកអាក្រក់លើសដើម ហើយប៉ះពាល់ដល់សុខភាពទៀត។ ថ្ងៃនេះមកចាបបៃតងនឹងមកចែករំលែកឱ្យបងប្អូនដឹងថា ហេតុអ្វីបានលាបឡេឡើងចង់ខ្ទេចស្បែក ហើយនៅតែមិនស ភ្លឺស្អាតទៀត?

តាមបទពិសោធន៍ផ្ទាល់របស់នារីដែលអតីតជាអ្នកមានស្បែកស្រអែមម្នាក់ កញ្ញា លី ស្រីពេជ្រ ជាស្ថាបនិកក្រុមហ៊ុន Pich22 nature បានចែករំលែកថា ការខាត់ស្បែកជារឿងសំខាន់បំផុត ដោយសារមនុស្សយើងមានកោសិការស់ ហេតុនេះវាដុះចេញមកថ្មីរហូត ប្រសិនបើយើងមិនជម្រុះកោសិកាចាស់ៗចេញទេ ទោះយើងលាបឡេយ៉ាងណាក៏មិនឃើញប្លែកដែរ។

ហេតុនេះការខាត់ស្បែក ជាជំនួយការដ៏សំខាន់សម្រាប់ថែរក្សាស្បែក។ មួយវិញទៀត អ្នកចង់បានស្បែកសក៏មិនមែនចេះខាត់ៗនោះទេ ប្រសិនបើស្បែករបស់បងប្អូនស្ដើងមិនគួរប្រើស្រ្កាប់ខាត់រាល់ថ្ងៃឡើយ។ បើយោងតាមប្រភព BYRDIE បានណែនាំថា សម្រាប់ស្បែកស្ងួត ងាយប្រតិកម្ម គួរខាត់១ដង ក្នុង១សប្ដាហ៍បានហើយ ចំពោះស្បែកខ្លាញ់ប្រេងវិញ គួរខាត់ជាមធ្យម ២ទៅ៣ដង ក្នុង១សប្ដាហ៍ដើម្បីឱ្យស្បែករលោង គ្មានគ្រើមក្រិន។

កញ្ញា លី ស្រីពេជ្រ បានបន្តថា គួរជ្រើសរើសប្រភេទស្ក្រាប់ដែលគ្មានជាតិកាត់ ព្រោះវាអាចប៉ះពាល់ខ្លាំងដល់សុខភាពយើង។ អាចជ្រើសយកប្រភេទស្ក្រាប់បែបធម្មជាតិ ដែលអាចប្រើសម្រាប់ស្បែកទូទៅ វាជួយឱ្យស្បែកភ្លឺរលោង មិនក្រិនស្បែក និងមានសំណើមជាងមុន។ ក្រៅពីស្រ្កាប់ខាត់ សម្រាប់ឡេបងប្អូនគួរជ្រើសរើសឡេប្រ៊េនណាក៏បាន ដែលត្រូវនឹងប្រភេទស្បែករបស់បងប្អូន តែសូមលើកទឹកចិត្តឱ្យប្រើប្រភេទឡេ​ដែលមានសារធាតុផ្សំច្បាស់លាស់ កុំផ្តោតតែលើសលឿន និងតម្លៃធូរពេក។

ក្បួនលាបឡេឱ្យបានត្រឹមត្រូវទៀតសោធ គួរលាបឡេផ្ដល់សំណើមនៅពេលយប់ ប្រើឡេប្រភេទការពារកម្ដៅថ្ងៃនៅពេលថ្ងៃ។ តែបញ្ជាក់ សម្រាប់ឡេការពារកម្ដៅថ្ងៃគ្រប់ប្រភេទមិនគួរលាបហើយបណ្ដោយឱ្យស្បែកត្រូវថ្ងៃផ្ទាល់យូរទេ ពោលគឺគួរស្លៀកពាក់ឱ្យបានជិត មុនចេញក្រៅ។ កញ្ញាបន្ថែមទៀតថា សម្រាប់ការថែរក្សាស្បែករបស់កញ្ញា ការប្រើប្រាស់ផលិតផលជំនួយពីខាងក្រៅជារឿងមួយ តែអ្វីដែលសំខាន់កញ្ញាផ្ដោតលើការទទួលទានអារហារ គួរញ៉ាំបន្លែផ្លែឈើ និងទឹកឱ្យបានច្រើន ព្រោះវាជួយឱ្យស្បែកភ្លឺស្អាតមកពីខាងក្នុងហើយថែមទាំងសុខភាពល្អទៀត។

គួរបញ្ជាក់ផងដែលថា បច្ចុប្បន្នក្រុមហ៊ុនរបស់កញ្ញា លី ស្រីពេជ្រ ក៏មានលក់ប្រភេទស្ក្រាប់ធម្មជាតិ ទាំងស្ក្រាប់មុខ និងដងខ្លួន​ព្រមទាំងផលិតផលថែរក្សាសម្រស់ជាច្រើនទៀត។ កញ្ញារីករាយនិងចែករំលែក ពិភាក្សាបញ្ហាស្បែករបស់បងប្អូនគ្រប់គ្នា ប្រសិនជាបងប្អូនចង់បានស្បែកសស្អាត ដោយប្រើផលិតផលធម្មជាតិ និង គិតសុខភាពថ្ងៃអនាគតគឺអាចទាក់ទងទៅបងស្រីផ្ទាល់បាន៕

 អត្ថបទដោយ ៖ Senghong