ការឈឺចាប់ពេលមករដូវ គឺជារឿងធម្មតាសម្រាប់ស្ត្រីភាគច្រើន ដែលជាទូទៅកើតមានជាធម្មតា ត្រង់​សាច់ដុំ​ក្នុង​ពោះ ​អាច​រាលដាល​ដល់​ខ្នង និង​ភ្លៅ​។ ជួនកាលការឈឺចាប់កើតឡើង ដោយកន្ត្រាក់ខ្លាំងនៃស្បូន ឈឺចុករោយនៅអាងត្រគាក...។

ការឈឺចាប់ពេលមករដូវជាទូទៅ កើតឡើងនៅពេលដែលជញ្ជាំងសាច់ដុំនៃស្បូនរឹតបន្តឹង។ ការកន្ត្រាក់នៃកម្រិតស្រាលទៅខ្លាំងអាចកើតឡើងជាបន្តបន្ទាប់នៅក្នុងស្បូន ហើយនៅពេលដែលជញ្ជាំងស្បូន ធ្វើឱ្យមានការបង្រួមសរសៃឈាមក្នុងស្បូន នោះកាត់ផ្តាច់ការផ្គត់ផ្គង់ឈាម និងការផ្គត់ផ្គង់អុកស៊ីសែនទៅស្បូនជាបណ្តោះអាសន្ន បណ្ដាលឱ្យជាលិកាក្នុងស្បូនបញ្ចេញសារធាតុគីមីដែលបង្កឱ្យមានការឈឺចាប់។ ការឈឺចាប់ជាធម្មតាមានរយៈពេលពី ៤៨ទៅ៧២ម៉ោង ឬអាចតិច និងរយៈយូរជាងនេះទៅតាមសុខភាពរបស់ស្ត្រីម្នាក់ៗ ។ (នេះបើយោងទៅតាមប្រភព nhs.uk)

យ៉ាងណាមិញ ដើម្បីជាដោះស្រាយបញ្ហា ខាងក្រោមនេះ គឺជាក្បួនខ្លីៗជួយកាត់បន្ថយភាពឈឺចាប់នាអំឡុងពេលមករដូវ៖

១. លេបថ្នាំបំបាត់ការឈឺចាប់

២. ធ្វើលំហាត់ប្រាណបែបស្រាលៗដូចជា យូហ្គា ដើរចុះឡើង...

៣. ស្អំទឹកកំដៅឧណ្ឌនៅត្រង់បរិវេណក្រោមពោះ

៤. ការ​ងូត​ទឹក​ក្តៅ​ឧណ្ហ

៥. ការម៉ាស្សាស្រាលៗជារង្វង់ជុំវិញពោះផ្នែកខាងក្រោម

៦. កាត់បន្ថយស្ត្រេស ឬភាពតានតឹង តាមរយៈការតាំងសមាធិ អានសៀវភៅ ឬស្តាប់ចម្រៀង

៧. ញុំាជាប្រភេទភេសជ្ជៈក្តៅឧណ្ហៗដូចជា តែខ្ញី...

៨. ញុំាអាហារសម្បូរទៅដោយសារជាតិវីតាមីន ប្រូតេអ៊ីន ជាពិសេសសារជាតិដែក ដើម្បីជួយបំពេញគ្រាប់ឈាមក្នុងរាងកាយ...

៩. គេងឱ្យបានគ្រប់គ្រាន់ និងស្កប់ស្កល់...។

ដោយឡែក ក្នុងករណីប្រសិនណាការមករដូវនេះ បង្កជាអាការឈឺចុកចាប់ខ្លាំងហួសហេតុ គួរប្រញាប់ទៅពេទ្យ ព្រោះនេះអាចស្ថិតចូលក្នុងលក្ខខណ្ឌសុខភាពស្បូនមានបញ្ហា៕

អត្ថបទដោយ៖ ប៉ាវ ភក្តី