អ្នកផលិតវ៉ាក់សុំាងកូវីដបានរង្វាន់ណូបែលវេជ្ជសាស្ត្រប្រចាំឆ្នាំ២០២៣

នៅថ្ងៃចន្ទទី២ ខែ តុលា ឆ្នាំ២០២៣ ម្សិលមិញនេះ សាស្រ្តាចារ្យផលិតថ្នាំកូវីដ១៩ប្រភេទmRNA Covid ចំនួន២រូបគឺ Katalin Kariko និង Drew Weissman​បានទទួលពានរង្វាន់ ណូបែលផ្នែកវេជ្ជសាស្រ្តក្នុងឆ្នាំ២០២៣ នេះបើយោងតាមរយៈប្រភព VOA។

ជាការពិតណាស់ កាលពី៤ឆ្នាំមុន គឺឆ្នាំ២០១៩ ជំងឺកូវីដ១៩ បានវាយប្រហារសុខភាពប្រជាជននៅទូទាំងពិភពលោក តាមរយៈការឆ្លងរីករាលដានបន្ដៗគ្នាមិនដាច់។ ប្រទេសជាច្រើនបានបិទជាបណ្ដោះអាសន្ន ដើម្បីការពារការឆ្លងរីករាលដានរួមទាំងប្រទេសកម្ពុជាផងដែរ។ អ្វីដែលពិសេសនៅអំឡុងពេលឆ្លងជំងឺ អ្នកវិទ្យាសាស្រ្តគឺបានព្យាយាមសិក្សាស្វែងរកប្រភេទថ្នាំខ្លាំងមែនទែន ដើម្បីចាក់ការពារការឆ្លង ជំងឺកូវីដ១៩ នៅទីបំផុតអ្នកវេជ្ជសាស្រ្តក៏បានរកឃើញប្រភេទថ្នាំដែលមាន ប្រសិទ្ធភាពខ្លាំងបំផុតយកឈ្នះការឆ្លងជំងឺកូវីដ១៩បានយ៉ាងជោគជ័យ។

ជាចុងក្រោយអ្នកវិទ្យាសាស្ត្រជនជាតិហុងគ្រីនិង ជនជាតិអាមេរិកាំង Katalin Kariko និងសហសេវិកអាមេរិករបស់នាងគឺ Drew Weissman បានឈ្នះពានរង្វាន់ ណូបែលឆ្នាំ២០២៣នេះ ក្នុងការផលិត វ៉ាក់សាំង mRNA Covid ជួយសង្រ្គោះជីវិតមនុស្សជាច្រើននៅលើពិភពលោកពីការឆ្លងជំងឺCovid-19 ៕

អត្ថបទដោយ៖ ធីតា