កាលពីពេលថ្មីៗនេះយោងតាមរយៈការចុះផ្សាយរបស់ CNN កាលពីថ្ងៃទី១៣ ខែតុលា ឆ្នាំ២០២៣នេះ បានឱ្យដឹងថា នៅខេត្ត១ភាគខាងត្បូងប្រទេសឥណ្ឌា កំពុងមានការឆ្លងមេរោគNipah គឺជាមេរោគ zoonotic ឆ្លងពីសត្វប្រជៀវ ជ្រូក ទៅមនុស្សដែលបណ្ដាលឱ្យ ស្លាប់ចំនួន២នាក់​ និងកំពុងសម្រាកព្យាបាល នៅមន្ទីរពេទ្យជាច្រើននាក់។

ជាយោងតាមរយៈមេរោគនេះត្រូវបានគេដឹងថា កើតមានឡើងចាប់តាំងពីឆ្នាំ២០១៨មកម្ល៉េះ។ ប៉ុន្ដែនៅក្នុងឆ្នាំ២០២៣នេះផ្ទុះឡើងម្ដងទៀតនៅក្នុងខេត្ត Kozhikode ។ បើតាមឱ្យដឹងមានប្រជាជន២នាក់បានស្លាប់និង ប្រមាណ៧០០នាក់ សង្ស័យកំពុងបានឆ្លងមេរោគនេះ តែមានមនុស្ស៧៧នាក់ដែលគេសង្ស័យថាមានហានិភ័យខ្ពស់តម្រូវឱ្យត្រូវស្នាក់នៅផ្ទះជាបណ្ដោះអាសន្ននិងកំពុងតែដានដានសុខភាពបន្ដ។ ដើម្បីទប់ស្កាត់ការរីករាលដាលច្រើនជាងនេះ អភិបាកខេត្តលោក Kerala Pinarayi Vijayan បានបិទសាលារៀនមួយចំនួនក្នុងខេត្តនេះ រួមទាំងបិទភូមិចំនួន៧ភូមិផងដែរ។

នេះយោងតាមមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក (CDC) បានឱ្យដឹងថា ការឆ្លងមេរោគអាចបង្កឱ្យមានជំងឺស្រាលទៅធ្ងន់ធ្ងរ ហើយមានរោគសញ្ញាជារឿយៗចាប់ផ្តើមដោយការ ឈឺក្បាល និងងងុយដេក។ ប៉ុន្តែអាចផ្លាស់ប្តូរយ៉ាងឆាប់រហ័សទៅជាសន្លប់ក្នុងរយៈពេលប៉ុន្មានថ្ងៃ។ វាក៏អាចបណ្តាលឱ្យមានរោគសញ្ញាផ្លូវដង្ហើមស្រួចស្រាវ ដែលសួតមិនអាចទទួលបានអុកស៊ីសែនគ្រប់គ្រាន់ដល់រាងកាយ និងជំងឺរលាកខួរក្បាលធ្ងន់ធ្ងរ ដែលជាការរលាកនៃខួរក្បាល។ មេរោគនេះមិនទាន់មានវ៉ាក់សាំងព្យាបាលនោះទេ ហើយការព្យាបាលនៅពេលនេះ គឺត្រូវការការថែទាំសុខភាពខ្លាំង៕

អត្ថបទដោយ៖ ធីតា