តាមលោកតា Charlie Munger ជាអនុប្រធានក្រុមហ៊ុន Berkshire Hathaway មានអាយុ៩៩ឆ្នាំ បាននិយាយថា នៅក្នុងជីវិតការងារនិងការរកស៊ី អ្នកនឹងជាប់គាំងពេញមួយជីវិតបើមិនធ្វើខ្លួនជាសិស្សទេនោះ។ ព្រោះអ្នកគ្មានការរៀនសូត្រក៏គ្មានការរីកចម្រើនធំដែរ។ រាល់ការរីកចម្រើនទាំងអស់ផ្តើមពីគំនិតជាមុនសិន។ មានមនុស្សភាគច្រើនមិនអាចបោះជំហានទៅបានឆ្ងាយ ពួកគេពឹងផ្អែកត្រឹមតែដឹងក្នុងជីវិតរស់ពីមួយថ្ងៃទៅមួយតែប៉ុណ្ណោះ។ ពេលអ្នកដាក់ខ្លួនធ្វើជាសិស្សពេញមួយជីវិត អ្នកនឹងចាក់ចេញពីតំបន់ដ៏តូចចង្អៀតនេះ។ ខ្ញុំដឹកនាំក្រុមហ៊ុនរីកចម្រើនមិនមែនខ្ញុំពូកែពីកំណើតទេ គឺខ្ញុំអានសៀវភៅ និងរៀនពីអ្វីៗ គ្រប់យ៉ាងជុំវិញខ្លួនរបស់ខ្ញុំ។ នេះជាគន្លឹះពង្រីកសមត្ថភាពឱ្យខ្លាំងជាងបញ្ហា ទើបអាជីកម្មដំណើរលូតលាស់ទៅមុខបានល្អ”។

វិធីដាក់ខ្លួនដើម្បីឈានដល់កម្រិតកំពូលគឺការធ្វើខ្លួនជាសិស្សគ្រប់ពេលវេលាដើម្បីសំលៀងខួរក្បាលឱ្យមុតស្រួច។ បើអ្នកខ្វះការរៀនសូត្រក្នុងការធ្វើដំណើរជីវិតនោះច្បាស់ជាភាពអំនួតចូលមកជំនួយការដាក់ខ្លួនហើយអ្នកអាចធ្វើរឿងខ្វាក់ភ្នែកអត់ដឹងខ្លួនផងដែរ។ កុំឱ្យមានគ្រោះថ្នាក់លើស្នាដៃ ការធ្វើអាជីវកម្ម និងការងាររបស់អ្នក ចូលអ្នកធ្វើខ្លួនតាមលោក Ryan Holiday ជាសហគ្រិនឆ្នើមលើកឡើងថា មូលហេតុក្មេងអាចរៀនសូត្រចេះបានលឿន ពួកគេធ្វើជាកូនសិស្សមិនប្រកាន់ខ្លួន ឬតាំងខ្លួនជាអ្នកចេះដឹងនោះទេ។ គេធ្វើឱ្យគ្រូមានអំណាចលើខ្លួន ហើយគេមិនដែលគិតថា ខ្លួនចេះជាងគ្រូឬមិនហ៊ានគិតថែមទៀត។ បន្ទាប់មកគ្រូនឹងបង្ហាញថ្វីដៃឱ្យសិស្សរីកចម្រើន។ ប៉ុន្តែបើអ្នកមិនធ្វើតាមរបៀបនេះទេ គ្រូក៏មិនទុកអ្នកបន្តទៀតដែរ”។ ចូរធ្វើជាសិស្សដាក់ខ្លួនដាក់កាយមិនខ្វះគ្រូបង្ហាញខ្លួនចេញមកនោះទេ។ ពេលអ្នករបៀបនេះ អ្នកផ្លាស់ប្តូរពីសិស្សទៅជាអ្នកអនុវត្តឱ្យជីវិតរបស់អ្នកមានអនាគតយ៉ាងភ្លឺស្វាងផងដែរ៕ អត្ថបទដោយ៖ ទ្រ សុភាព