ប្រជាពលរដ្ឋខ្មែរជាច្រើនមិនសូវជាយកចិត្តទុកដាក់ខ្លាំងចំពោះសុខភាពខ្លួនឯងទេ ទាំងការថែទាំសុខភាព ចំនីអាហារ ទម្លាប់ និងការរស់នៅជាដើម។ ដោយសារតែកត្តាទាំងអស់នេះហើយបានធ្វើឱ្យប្រជាពលរដ្ឋមានអាយុច្រើនខ្ទង់ប្រហែល៤០ឆ្នាំឡើងទៅ ងាយនឹងប្រឈមមុខនឹងបញ្ហាសុខភាព ដែលពិបាកក្នុងការព្យាបាល ហើយដល់បាត់បង់ជីវិតទៀតផង។

ទន្ទឹមនឹងគ្នានេះកត្តារស់នៅក៏ជាផ្នែកមួយសំខាន់សម្រាប់ប្រជាពលរដ្ឋដែរ​ ប្រសិនបើប្រជាពលរដ្ឋរស់នៅគ្មានអនាម័យ ទម្លាប់ និងរបបអាហារមិនល្អ មិនស្អាត ដែលទាំងនេះហើយក៏ជាកត្តាប្រឈមខ្លាំងក្នុងការកើតជំងឺមហារីក នេះបើតាមការលើកឡើងរបស់ Allaboutcancer។

បើតាមប្រភពដដែលបានបង្ហើបថា ប្រសិនបើអ្នកចង់កាត់បន្ថយហានិភ័យនៃការកើតជំងឺមហារីកបាន ប្រជាពលរដ្ឋត្រូវអនុវត្តន៍នៅវិធីសាស្ដ្រទាំងនេះរួមមាន៖

ក.កត្តាដែលប្រជាពលរដ្ឋខ្មែរត្រូវអនុវត្តន៍ជាប្រចាំ

‑ហាត់ប្រាណឱ្យបានទៀងទាង់

­‑មានរបបចំនីអាហារឱ្យបានត្រឹមត្រូវ (ជៀសវាង ជាតិខ្លាញ់ អាហារកំប៉ុង ចំនីកែច្នៃ...)

‑ទទួលទានផ្លែឈើធម្មជាតិឱ្យបានច្រើនដូចជា ចេក ក្រូច ល្ហុង ដែលយើងងាយដាំតាមផ្ទះ ជាពិសេសរបស់ណាដែលមានជាតិសរសៃ។

ខ.កត្តាដែលប្រជាពលរដ្ឋត្រូវជៀសវាង

‑ជៀសវាងពីការជក់បារី

‑ជៀសវាងការសេពគ្រឿងស្រវឹង​

‑កាត់បន្ថយនឹងការប៉ះពន្លឺព្រះអាទិត្យខ្លាំងពេក។

ដូច្នេះអ្នកអាចថែរក្សាខ្លួនអ្នកបានប្រសើរជាងមុន ប៉ុន្តែទោះបីយ៉ាងណាក៏ដោយប្រជាពលរដ្ឋត្រូវធ្វើការពិនិត្យសុខភាពជាទៀងទាត់ក្នុងការតាមដានជំងឺមហារីក។

គួរបញ្ជាក់ផងដែល លោកវេជ្ជបណ្ឌិតគួច ម៉េងលី ធ្លាប់បានលើកឡើងថា ប្រជាពលរដ្ឋត្រូវតែពិនិត្យសុខភាពឱ្យបានទៀងទាត់អាច៦ខែ ឬ១ឆ្នាំម្តង ជាការប្រសើរសម្រាប់សុខភាពរបស់ប្រជាពលរដ្ឋបាន ពីព្រោះថាបើអ្នកទាំងអស់គ្នាមិនទាន់ឈើ អ្នកទាំងអស់គ្នាអាចបង្ការ ឬការពារពីហានិភ័យនៃជំងឺបាន៕

រន្ធត់ចិត្តណាស់! ព្រោះតែជំងឺ បានធ្វើឱ្យគណៈកម្មការ Chef រិទ្ធីទទួលមរណភាព

អត្ថបទស្រាវជ្រាវដោយ៖ម៉ាង វិសិដ្ឋារតន៍