ចេះតែស្លេកស្លាំងខ្វះជាតិដែកនៅក្នុងខ្លួនគឺជាហានិភ័យមួយសម្រាប់សុខភាព ជាពិសេសស្រ្តីមានផ្ទៃព្រោះអាចមានបញ្ហាពន្យារការលូតលាស់ដល់កូនក្នុងផ្ទៃបានរួមទាំង ស្រ្តីជិតសម្រាលកូនដែលខ្វះគ្រាប់ឈាមជាដើមមានបញ្ហាខ្សោយកម្លាំងបាន។ ប្រសិនណាកើតបែបធម្មជាតិវិញរឹតតែមានហានិភ័យមិនខាន។ បញ្ហានៃការខ្វះជាតិដែកនេះក៏បាន ធ្វើឱ្យប៉ះពាល់ដល់សុខភាពផ្នែកផ្សេងៗខ្លាំងដូចគ្នា អាចបណ្ដាលឱ្យអ្នកមានបញ្ហាដូចជា មានជំងឺបេះដូង ខ្សោយកម្លាំង​ វិលមុខ ឈឺក្បាល​បាត់បង់ចំណង់អាហារជាប្រចាំថ្ងៃបាន។

ជាការពិតណាស់​ អ្នកមានបញ្ហាខ្វះគ្រាប់ឈាមក្រហម កុំនៅបន្ដទុកជំងឺនេះយូរ ប្រយ័ត្នពេទ្យជួយសង្រ្គោះមិនទាន់។ ចំពោះដំណោះស្រាយអាចព្យាយាមជួបគ្រូពេទ្យជំនាញដើម្បីព្យាបាលត្រឹមត្រូវ​រួមទាំង ជ្រើសរើសប្រភេទអាហាញុំាទៅជួយបង្កើនគ្រាប់ឈាមក្រហមទាំងនេះញុំា​គឺអាចជួយឱ្យអាការដែលធ្វើទុកដោយសារខ្វះឈាម ក្រហមបានធូរស្បើយ។ ពោលព្រោះមនុស្សគ្រប់រូបរស់នៅនិងការញុំាអាហារ ប្រសិនណាអ្នកចង់ឱ្យជំងឺឆាប់ជា សុខភាពត្រឡប់មកសភាពធម្មតាវិញ កុំចោលការញុំា ត្រូវញុំាឱ្យបានគ្រប់គ្រាន់​ញុំាឱ្យត្រូវអាហារ ដែលរាងកាយត្រូវការ ដើម្បីសម្លាប់ជំងឺដែលកំពុងតែកើតមានចេញឱ្យឆ្ញាយ។ យោងតាមរយៈគេហទំព័រ mayoclinicបានណែនាំអាហារដែលអ្នកមានបញ្ហាខ្វះគ្រាប់ឈាមគួរញុំាដាច់ខាតអាហារនោះមានដូចជា៖

ប្រភេទអាហារសម្បូរជាតិដែក៖

- គ្រឿងសមុទ្រ

- សាច់ជ្រូក​ សាច់គោ

- ត្រី ស៊ុត ផ្លែឈើ គ្រាប់ធញ្ញជាតិ

-បន្លែបៃតង...

ប្រភេទអាហារសម្បូរវីតាមីនស៊ីមានដូចជា៖

-ផ្លែក្រូច ប៉េងប៉ោះ

-ផ្លែឪឡឹក ស្រ្តបឺរី

-ខាត់ណាខៀវ ម្ទេស…ជាដើម។

ជាចុងក្រោយអាហារសម្បូរវីតាមីន និងសារធាតុចិញ្ចឹមទាំង២នេះអាចជួយដោះស្រាយបញ្ហាខ្វះគ្រាប់ឈាមក្រហមបាន ដូច្នេះប្រសិនណាមានបញ្ហា គួររកអាហារទាំង២នេះញុំា បើមិនបាត់ អាចព្យាយាមទៅជួបពេទ្យជំនាញ ដើម្បីព្យាបាលឱ្យបានត្រឹមត្រូវ៕

អត្ថបទដោយ៖ ប៉ែត ធីតា