ភាពឆ្លាតវៃរបស់មនុស្សម្នាក់មានភាពខុសៗគ្នា ហើយភាពឆ្លាតវៃក៏ទាមទារការលូតលាស់តាមអាយុ ក៏ដូចជាតាមពេលវេលាជាក់ស្ដែង។ នៅក្នុងនោះដែរ បើយោងតាមប្រភព Health Fitness Revolution អ្នកចិត្តសាស្ដ្រាបានរកឃើញថា ភាពឆ្លាតវៃអាចប្រសើរដោយមានក្ដីសង្ឃឹម ហើយការរស់នៅប្រកកដោយសុខភាពល្អ គឺជាគន្លឹះក្នុងការរក្សាភាពឆ្លាតវៃរបស់អ្នក និងអាចរក្សានូវ IQ របស់អ្នកឱ្យបានខ្ពស់។ ខាងក្រោមនេះជាក្បួនថែសុខភាពទាំង៥ដែលជួយបង្កើនកម្រិត IQ របស់កូនអ្នក៖
១.សកម្មជាងមុន៖ ការធ្វើលំហាត់ប្រាណរយៈពេល៣០នាទីជារៀងរាល់ថ្ងៃបង្ហាញពី ទំនាក់ទំនងវិជ្ជមានទៅនឹងការបង្កើនសុខភាពផ្លូវកាយ និងផ្លូវចិត្ត។ ការរក្សារាងកាយរបស់អ្នកឱ្យមានសុខភាពល្អ គឺចាំបាច់សម្រាប់ការអភិវឌ្ឍបញ្ញាខួរក្បាលរបស់អ្នកកាន់តែល្អប្រសើរឡើង។ នៅក្នុងនោះដែរ លំហាត់ប្រាណជួយបង្កើន លំហូរឈាម គ្លុយកូស និងអុកស៊ីហ្សែន ទៅកាន់ខួរក្បាល ដែលជួយដល់ការលូតលាស់នៃកោសិកាខួរក្បាលថ្មី និងបង្កើនទំនាក់ទំនងរវាងកោសិកាខួរក្បាល ដែលជួយបង្កើន IQ របស់អ្នក។
២.គេងឱ្យបានគ្រប់គ្រាន់៖ សរីរាង្គទាំងអស់ និងខួរក្បាលរបស់អ្នកធ្វើការ 24/7 ដោយធ្វើការយ៉ាងលំបាក ដែលទាមទារឱ្យអ្នកមានការសម្រាកខ្លះ។ ការគេងមិនលក់អាចកាត់បន្ថយអត្ថប្រយោជន៍ចំពោះសិក្សារបស់អ្នកនៅថ្ងៃបន្ទាប់(ខ្សោយការគិត) ហើយកាត់បន្ថយសមត្ថភាពក្នុងការរៀន និងកាត់បន្ថយការស្វែងយល់សម្ភារៈថ្មីៗនៅថ្ងៃបន្ទាប់ ដើម្បីឱ្យមានសមត្ថភាពយល់ដឹងខ្ពស់ អ្នកត្រូវការគេងរយៈពេលពី ៧ទៅ៩ម៉ោង រៀងរាល់យប់។
៣.ទទួលទានខ្លាញ់Omega-3 ឱ្យបានច្រើន៖ ខ្លាញ់Omega-3ច្រើនមាននៅក្នុង សាច់ត្រី ដែលសម្បូរទៅដោយ សារធាតុ creatine ដែលជួយបង្កើនការចងចាំ និងភាពឆ្លាតវៃ។ ត្រីខ្លាញ់ដូចជា ត្រីសាល់ម៉ុន សម្បូរទៅដោយ អាស៊ីតខ្លាញ់ អូមេហ្គា-៣ ដែលជួយបង្កើនការចងចាំ និងមុខងារខួរក្បាលរបស់អ្នកល្អប្រសើរ។
៤.ទទួលទានអាហារដែលមានសារធាតុប្រឆាំងអុកស៊ីតកម្មខ្ពស់៖ ជាការពិតណាស់ អាហារសុខភាពជាច្រើនដែលល្អសម្រាប់ថែរក្សាសុខភាពខួរក្បាល។ ការស្រាវជ្រាវបង្ហាញថា ការញុំារបបអាហារដែលមានសុខភាពល្អនឹងបង្កើន IQ ខ្ពស់។ នៅក្នុងនោះអ្នកក៏គួរកាត់បន្ថយញុំាអាហារកែច្នៃ អាហារសម្រន់ដែលមានជាតិស្ករ និងអាហាររហ័ស ដែលអ្នកញ៉ាំនឹងបង្កើនសុខភាពខួរក្បាលមិនល្អប៉ុន្មាននោះទេ។ ប្រសិនបើអ្នកចង់បង្កើន IQ របស់អ្នកបានខ្ពស់ អ្នកគួរតែផ្តោតទៅលើការញុំាអាហារដែលមានអាស៊ីតអាមីណូខ្ពស់ សារធាតុប្រឆាំងអុកស៊ីតកម្ម និងអាស៊ីតខ្លាញ់អូមេហ្គា3។ នៅក្នុងនោះដែរ ការសិក្សាក៏បានបង្ហាញផងដែរថា ផលិតផលសរីរាង្គមានសារធាតុប្រឆាំងអុកស៊ីតកម្មខ្ពស់។
៥.ការអាន និងធ្វើ Brain Teasers៖ ការរក្សាកម្រិតខ្ពស់នៃសកម្មភាពផ្លូវចិត្ត គឺជាគន្លឹះក្នុងការរក្សាខួរក្បាលរបស់អ្នកឱ្យមានសុខភាពល្អ។ ការសិក្សាបានបង្ហាញថា អ្នកអាចបង្កើន IQ របស់កូនអ្នក ដោយគ្រាន់តែឱ្យកូនអ្នកអានសៀវភៅជាប្រចាំថ្ងៃ។ ការអានត្រឹមតែ៣០នាទីក្នុងមួយថ្ងៃ ជួយបង្កើនភាពវៃឆ្លាតបានល្អប្រសើរ។ ការធ្វើលំហាត់ខួរក្បាល គឺជាវិធីដ៏រីករាយមួយដើម្បីសម្រាក និងសាកល្បងជំនាញរបស់អ្នក។
ដូច្នេះឪពុកម្ដាយត្រូវតែផ្ដល់ឱ្យកូនរបស់អ្នក ការធ្វើលំហាត់ ការញុំាអាហារជីវៈជាតិ ការអាន ការគេង និងមិនញុំាអាហារ ឬភេសជ្ជៈណាដែលមានជាតិស្ករនោះទេ ការដែលឪពុកម្ដាយត្រូវធ្វើបែបនេះ គឺដើម្បីឱ្យកូនរបស់ខ្លួនទទួលបាននូវកម្រិតIQខ្ពស់ ជាពិសេសនោះកូនរបស់អ្នករឹកមាំទាំងរាងកាយ ទាំងផ្លូវចិត្ត និងទាំងបញ្ញា៕
